UniQ

Universidá Queer; (UniQ)
	Web oficial

UniQ o Universidá Queer ye una organización de defensa de los derechos civiles y espardimientu d'información que rexunta a los estudiantes non heterosexuales de les universidaes neocelandesas. El nome UniQ ye una contraición de universidá y queer (n'inglés raru), el términu utilizáu en llingua inglesa pa los individuos que s'estremen de la norma heterosexual. Queer engloba a gais, lesbianes, bisexuales y transexuales (GLBT), y — específicamente en Nueva Zelanda— a fa'afafines y takatāpuis.

La organización llucha polos derechos de los estudiantes GLBT a la información, inclusión y representación n'actividaes qu'impliquen a la comunidá estudiantil. Magar Nueva Zelanda ye una sociedá tolerante cola diversidá sexual, lo que fai dacuando sorprendente la denominación de UniQ como una asociación de defensa de derechos, dacuando foi necesariu que se tomaren midíes actives de reclamu de tratu igualitariu, como nel casu del proyeutu d'uniones civiles.

Les filiales de UniQ axúntense añalmente nuna universidá, rotando l'allugamientu d'alcuentru. Los pasaos congresos tuvieron llugar en:

2001: Universidá Massey, Palmerston North
2002: Universidá de Otago, Dunedin
2003: Universidá d'Auckland, Auckland
2004: Universidá de Waikato, Hamilton
2005: Universidá Victoria en Wellington, Wellington
2006: Universidá Massey, Palmerston North
2007: Universidá d'Auckland y Universidá teunolóxica d'Auckland, Auckland
2008: Universidá de Otago, Dunedin
2009: Universidá Victoria en Wellington, Wellington
2010: Universidá de Canterbury, Christchurch
2011: Universidá de Waikato, Hamilton

Referencies editar

Enllaces esternos editar

Wikimedia Commons tien conteníu multimedia tocante a UniQ.