Usuariu alderique:Omarete/Categoríes

Equí voy intentar facer una propuesta de categorización xeneral. Munches coses ya se vienen aplicando así, polo que nun ye más que recoyer lo que ya tenemos. Si alguien quier plantear duldes, suxerencies, o lo que sea, esto ta en construcción.

Xentiliciu / Persones de

Agora pa les categoríes de biografíes usamos el formatu: [Profesión de País], que se categoriza en [Xentiliciu del País]. Colos países seguimos el Cartafueyu de la ALLA, pero pa la mayoría de sitios nun hai lliteratura suficiente nin fontes acreditaes n'asturianu, polo que nun deberíemos inventar nada. Pa evitar esto, lo más fácil ye poner como norma xeneral que les categoríes que agora son xentilicios, pasen toes a ser [Persona de TalSitiu]. Por exemplu:

• Españoles
  • Asturianos
    • Xixoneses

Pasaría a ser:

• Persones d'España
  • Persones d'Asturies
    • Persones de Xixón

D'esta manera tamién tenemos una categoría con nome "neutro", que val pa homes y muyeres y nun fae distinción. --Omarete (mensaxes) 22:11 26 feb 2018 (UTC)

¿Qué facemos coles profesiones por divisiones alministratives dientro d'un Estáu? Por exemplu: Actores d'Arkansas o Actores d'Asturies. Yo vengo defendiendo que la división paezme escesiva pero, en cambiu pa llugares cercanos nun me paez mal porque me paez más fácil que daquién busca esi tipu de categoríes. Sicasí, si queremos facer una enciclopedia global habríemos tener un criteriu homoxeneu y non llocalista. La parte negativa ye que da munchu trabayu pal tamañu de la nuestra wiki cuando nun sabemos qué va pasar coles categoríes nun futuru por mor de Wikidata. --Vsuarezp (alderique) 23:08 26 feb 2018 (UTC)

Paezme perbién camudar el xentiliciu por "Persones de llocalidá". Per otru llau, sobre la división escesiva en categoríes creo qu'eso depende del númberu d'artículos qu'hai dientro de la categoría. Yo propongo estremar en subcategoríes de divisiones alministratives siempre que sía xustificable pol númberu de páxines. Por exemplu, pel momento nun hai necesidá de crear subcategoríes en [Actores de Xapón] (2 artículos) o [Actores d'España] (24) pero sí en [Actores d'EEXX] (3341).

A la mio manera de ver, la estructura correuta n'esti casu sedría:

• [Actores de Francia]
  • [Actores de Francia por rexón]
    • [Actores de París] (que tamién tendría de categoría madre a [Persones de París])
• [Actores de Xapón] (ensin subcategoríes)

etc.

YoaR (alderique) 17:53 27 feb 2018 (UTC)

La cosa ye como diz YoaR, si la cantidá merez la pena, se fae, si nun hai bastantes, non. Categoríes con miles d'artículos nun son mui afayaíces. --Omarete (mensaxes) 10:50 13 mar 2018 (UTC)

Categoríes d'homes y muyeres

Por culpa de TraduBot tamos importando categoríes de la wiki en castellanu que equí nun teníamos: categoríes de muyeres. Esto crea un problema. Agora, lo que tenemos son categoríes neutres, pa homes, muyeres, o lo que sea. Na categoría [Escritores de Canadá] hai tanto homes como muyeres. N'esti casu parez fácil, el plural n'asturianu ye'l mesmu pa homes y muyeres. Pero si separamos la categoría de [Actores de Canadá] y [Actrices de Canadá], por coherencia tenemos que facer [Escritores homes de Canadá] y [Escritores muyeres de Canadá]. O toes, o ninguna, nun val dicir que les que tengan el mesmu plural non. Porque nun se separen por cuestión llingüística, sepárense por cuestión de xéneru. ¿Opiniones? --Omarete (mensaxes) 22:11 26 feb 2018 (UTC)

Yo llamaríala "Muyeres escritores de Canadá" y al revés. --Vsuarezp (alderique) 23:10 26 feb 2018 (UTC)

Esti ye un asuntu complexu. La verdá, nun tengo una opinión clara sobre él. YoaR (alderique) 19:02 27 feb 2018 (UTC)

La cosa ye, ¿separamos o non? Les opciones a mi ver son:

1. Dexalo como ta, con una categoría pa homes y muyeres, usando'l masculín como nome.
2. Duplicar solo les categoríes que tengan nomes diferentes (actor/actriz) y dexar una pa los nomes neutros (escritores)
3. Duplicar toles categoríes, creando pa homes y muyeres.
4. Una sola categoría, independiente del xéneru, con nomes que valgan pa los dos: [Actores y actrices d'Asturies], [Gaiteros y gaiteras d'Asturies], [Escritores d'Asturies].

yo personalmente veo lo meyor la 4. --Omarete (mensaxes) 10:54 13 mar 2018 (UTC)

Ciudaes/Llocalidaes

• Anguaño hai unu amiestu entre Llocalidaes de… y Ciudaes de… ¿Hai dalgún criteriu definíu pa esto? Por exemplu, Bruxeles ta categorizada como localidá y, depués, Categoría:Llocalidaes de Bélxica ta dientro de Categoría:Ciudaes d'Europa.

Yo dexaría que la categoría de poblaciones xenérica sía "Llocalidaes de…" Y dempués, si da'l casu, subcategoríes dientro. Por exemplu:

• Asturies (munchos artículos, más categoríes)
  • Xeografía d'Asturies
    • Llocalidades d'Asturies
      • Aldees d'Asturies
      • Caseríes d'Asturies
      • Ciudaes d'Asturies
• Benín (pocos artículos, menos categoríes)
  • Xeografía de Benín
    • Llocalidades de Benín

¿Qué vos paez, Usuariu:Omarete, Usuariu:Vsuarezp‎? YoaR (alderique) 09:29 19 mar 2018 (UTC)