Peruyes
Afáyate Peruyes na Wikipedia n'asturianu. Esta ye la to páxina d'alderique, equí van escribite los otros usuarios. Amás, tienes la to páxina d'usuariu, onde pues poner los tos datos, intereses, les llingües que fales, etc. Si tienes duldes consulta l'ayuda.
|
Tarañes editar
Bones Peruyes. Gracies poles aportaciones que tas faciendo a la Wikipedia, siempre vien mui bien xente nueva. Una cosina quería comentate. Ye importante que les aportaciones que se faigan vengan referenciaes con dalguna publicación acreditada. Por exemplu, pa lo que pones nel artículu de Tarañes de que vien del nome del dios celta, nun pones de donde lo saques. La única referencia que conozco del nome ye la que da Xosé Lluis García Arias nel llibru "TOPONIMIA ASTURIANA. El porqué de los nombres de nuestros pueblos", de la Editorial Prensa Asturiana, 2005, páxines 744 y 745 y diz que:
Entre nosotros Martín Sevilla también considera la presencia del celtismo en algunos de los topónimos de los que seleccionamos los siguientes: Tárañu, Táraño, El Táranu, Táranu, Tárano, El Tarnu, Taranín, Testáranu, Taraniellu, El Taranieļļu. Sin embargo creo que la diferencia de acentuación de Taraña, Tarañes, frente a los teonímicos de tipo Táranu puede manifestar un origen diferente. Para los primeros podemos partir de la combinación ITERAMNA, presente en un topónimo latino, equivalente, sin duda, a INTER AMNES 'entre ríos'.
Como ves, diz otra cosa distinta a lo que pusiste. ¿Tienes alguna fonte pa lo que pusiste?
Saludos. --Omarete (mensaxes) 19:01 25 abr 2020 (UTC)
Hola Omarete. Lleí munches publicaciones y testos sobro Tarañes y siempres faíen referencia al dios Taranis. Sicasí, nun tengo nenguna fonte fiable y duldo qu'esista nenguna. Ello ye que la referencia que m'amueses veo que ye una hipótesis tamién imposible de comprobar que sería bien poco rigorosu tomar como un fechu. La navaya d’Ockham, ¿qué ye más senciellu, que pase d'INTER AMNES a Tarañes, o de Taranis a Tarañes? El fechu de que, a pocos kilómetros, atópese la capital de Ponga y que se llame Beleñu paezme que da creitu a que Tarañes pueda provenir de Taranis. Ensin dulda voi siguir editando la páxina con más curiáu, procurando poner referencies.
Munches gracies pola anotación Omarete, ye perimportante facer un trabayu seriu.
Saludos.
- Pues si puedes aportar una d'eses publicaciones, ya val. Un de los pilares de la Wikipedia ye la Verificabilidá. Tolo que pongamos tien que tar referenciao. Si sobre un tema nun hai consensu claro, como paez ser esti casu, hai que poner toles postures, incluso les que nun nos gusten (eso cuesta ḥeḥe) y poneyos les referencies.
Gracies pol to trabayu, si necesites cualquier cosa nun tengas mieu a entrugar. Saludos. --Omarete (mensaxes) 08:38 29 abr 2020 (UTC)