Vicent Marzà

Vicent Marzà
eurodiputáu
17. Conseyeru d'Educación, Cultura y Deporte de la Xeneralidá Valenciana
diputáu nes Cortes Valencianes
Vida
Nacimientu	Castellón de la Plana, 3 de marzu de 1983 (41 años)
Nacionalidá	España
Familia
Padre	Vicent Marzà i Duch
Estudios
Estudios	Universidá Xaime I ; Universidá de Valencia ; Universidad Ramon Llull (es)
Llingües falaes	castellanu; catalán; inglés
Oficiu	políticu, profesor
Creencies
Partíu políticu	Compromís ; Bloc Nacionalista Valencià

Vicent Marzà i Ibàñez (3 de marzu de 1983, Castellón de la Plana) ye un mayestru y políticu valencianu, diputáu nes Cortes Valencianes por Compromís y miembru del Bloc Nacionalista Valencià. Na IX llexislatura de la Xeneralidá Valenciana asumió la cartera d'Educación, Investigación, Cultura y Deporte. Anguaño ye'l conseyeru d'Educación, Cultura y Deporte.^[2]

Biografía

Mayestru de les especialidaes d'inglés y francés d'oficiu, Vicent Marzà ye diplomáu en maxisteriu pola Universidá de Valencia y tien un máster en Lideralgu del Tresformamientu Socioeducativa pola Universidá Ramon Llull. Tamién tien estudios ensin concluyir n'Inxeniería Industrial pola Universidá Jaume I y l'Institut National des Sciences Appliquées de Lyon, onde tuvo un añu gracies al programa européu Euruji. Al acabar los sos estudios trabayó mientres 4 años como mayestru de Primaria ya Inglés nel CEIP Carles Salvador de Castelló de la Plana, nel CEIP Margarida Xirgu de Badalona y nel CEIP Gaetà Huguet de Castelló de la Plana. ^[3]

Nel apartáu social y políticu, Marzà formó parte de la xunta direutiva de la entidá cívica Escola Valenciana y ye militante del Bloc dende principios de los años 2000. Tamién ye miembru del conseyu xeneral de Compromís y mientres la VIII llexislatura foi'l so voceru por Castelló. Amás de valencianu y castellán (les sos llingües maternes), tamién fala inglés (anque non perbién) y francés, tal que se recueye nel so curriculum vitae.^[4]

Trayeutoria política

Tres les eleiciones a les Cortes Valencianes de 2015, celebraes el 24 de mayu, Compromís triplicó les sos resultancies llogrando 19 diputaos, siendo Vicent Marzà uno d'ellos. El pactu de gobiernu ente PSPV, Compromís y Podemos permitió la formación d'un gobiernu conocíu como Acord del Botànic, nel que Marzà entró como conseller d’Educació, Investigació, Cultura y Esport direutamente dende les aules, ensin ocupar nengún cargu políticu antes. ^[5]

Mientres esta llexislatura púnxose en marcha delles iniciatives como un aumentu del númberu de beques comedor, el descensu del ratio d'alumnos per aula y una mayor inversión por alumnu. ^[6] Tamién llevó a cabu un amenorgamientu del 15% nes tases universitaries ^[7] y la creación de "beques salario" ^[8].

Pla Edificant

Mientres esta llexislatura entamaron diversos proyeutos como'l el “Pla Edificant”, un plan de choque p'acabar cola situación de toos aquellos colexos que s'atopaben parcial o dafechu integraos en barracones (módulos prefabricaos). Esta iniciativa preve la construcción de más de 200 colexos y la reforma d'otros 500 a desenvolver ente los años 2018 y 2022, con un presupuestu inicial de 700 millones d'euros que, en 2019, foi ampliáu a un total de 1.000 millones d'euros ^[9]. A entamos de 2019 el númberu de poblaciones valencianes xuntaes a esti plan yera de 176 ^[10].

Xarxa Llibres

Pa combatir les dificultaes que munches families teníen pa mercar los llibros de testu , la Consellería de Vicent Marzà impulsó la creación del bancu de llibros gratuitos ‘Xarxa Llibres’ nos centros educativos, una midida de la que se llegaron a beneficiar cuasi 500.000 alumnos y alumnes.^[11]

Aules gratuites de 2 años

Más de 15.000 places gratuites pal tramu de 2 años foron creaes mientres los 4 años de la primer llexislatura de Vicent Marzà al mandu de la Consellería.^[12]

Contratación de más profesores

Tres los retayos del anterior gobiernu de la Xeneralidá Valenciana, qu'afectaron a un total de 4.000 profesores ^[13], mientres la llexislatura de Vicent Marzà s'contrataron a más de 6.000 nuevos docentes, llegando a cifres más altes qu'enantes de los retayos n'educación d'anteriores gobiernos ^[14]. Amás diseñóse un calendariu d'oposiciones ente 2018 y 2021 con una ufierta total de 13.000 places pa desarrollar una política d'estabilidá de plantiyes nos centros educativos valencianos.^[15]

Reelección

Tres les eleiciones a les Cortes Valencianes de 2019, Vicent Marzà volvió a ser escoyíu como diputáu y foi nomáu Conseller d’Educació, Cultura i Esport, ensin la parte destinada a la investigación y universidaes.^[16]

Referencies

Enllaces esternos

[a597de2b1c0333f22c9abeab48a989f8d97ca4c4-1] Afirmao en: Diputados al Parlamento Europeo. Identificador de diputado europeo: 257016. Llingua de la obra o nome: distintes llingües.

[2] ttps://elpais.com/ccaa/2019/06/16/valencia/1560713416_123228.html

[dup-0-3] ttps://www.ara.cat/paisvalencia/Vicent-Marza-conselleria-valenciana-dEducacio_0_1384661647.html

[4] ttp://www.gvaoberta.gva.es/auto/WSRABA/rabac/140_1_DOCCVITAE.pdf

[5] ttps://www.levante-emv.com/comunitat-valenciana/2015/06/30/activista-escuela-publica-valenciano/1284990.html

[6] ttps://elpais.com/sociedad/2019/04/08/actualidad/1554712879_271996.html

[7] ttps://www.elmundo.es/comunidad-valenciana/alicante/2019/07/18/5d2f5e8021efa0642d8b4660.html

[8] ttps://www.levante-emv.com/comunitat-valenciana/2018/08/08/becas-salario-llegaran-3000-universitarios/1754025.html

[9] ttps://valenciaplaza.com/el-consell-modifica-la-duracion-y-la-dotacion-economica-del programa-de centros docentes-edificant

[10] ttps://valenciaextra.com/es/inversion-edificant-centros-publicos-2019/

[11] ttps://valenciaplaza.com/educacion-destina-42-millones-de-euros-a-xarxa-llibres-y-aumenta-un-15-la-tasa-de-reposicion

[12] ttps://www.levante-emv.com/comunitat-valenciana/2019/05/08/educacion-consolida-168-aulas-2/1871704.html

[13] ttps://www.publico.es/politica/modelo-educativo-dejo-pp-valencia.html

[14] ttps://www.eleconomista.es/valenciana/noticias/7123829/11/15/Marz-anuncia-la-contratacion-de-mil-profesores-mas-el-proximo-curso.html

[15] ttps://www.levante-emv.com/comunitat-valenciana/2017/07/21/educacion-sacara-oposiciones-13000-plazas/1596219.html

[16] ttps://valenciaplaza.com/primeras-esbozos-del-botanic-ii-empleo-integrado-en-la-conselleria-de-educacion

[2]

[1]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]