Villa de Ves

Villa de Ves
Alministración
País	España
Autonomía	Castiella-La Mancha
Provincia	provincia d'Albacete
Tipu d'entidá	conceyu d'España
Alcalde de Villa de Ves (es)	José Fernández Jiménez
Nome oficial	Villa de Ves (es)
Códigu postal	02213
Xeografía
Coordenaes	39°13′21″N 1°15′37″W / 39.2224°N 1.2602°O
	Villa de Ves Villa de Ves (España)
Superficie	57.6 km²
Altitú	690 m
Llenda con	Casas de Ves, Balsa de Ves, Carcelén, Jalance y Jarafuel (es)
Demografía
Población	61 hab. (2023); - 32 homes (2019); - 24 muyeres (2019)
Porcentaxe	0.02% de provincia d'Albacete
Densidá	1,06 hab/km²
Más información
Estaya horaria	UTC+01:00
	villadeves.es

Villa de Ves ye un conceyu y llocalidá d'España asitiáu al sureste de la península ibérica, na provincia d'Albacete, dientro de la comunidá autónoma de Castiella-La Mancha.

Historia

La llocalidá de Villa de Ves foi reconquistada a los musulmanes por Alfonsu VIII nos empiezos del sieglu XIII, convirtiéndose en villa nel añu 1272 sol privilexu concedíu por Alfonsu X el Sabiu.

Villa de Ves perteneció al Marquesáu de Villena y colos Reis Católicos pasó a ser realengu.

L'aldega de Casas de Ves foi adquiriendo mayor importancia de la que Villa de Ves perdió'l so valor estratéxicu, asina nel sieglu XVIII el conceyu moraba en Casas de Ves anque Villa de Ves siguía siendo la cabeza.

En 1838 con Sabela II, Villa de Ves volvió adquirir l'autonomía municipal.

Dende 1962 la cabeza del conceyu ye l'antigua aldega d'El Villar, llamada agora Villa de Ves, ente que la vieya población recibe'l nome de Barriu del Santuariu.

Monumentos

Hai de solliñar la ilesia parroquial de la llocalidá, formosa construcción edificada con piedra llabrada d'estilu góticu tardíu polo que tuvo de ser construyida o reconstruyida ente los sieglos XIV y XV. Les voces del pueblu aseguren que s'edificó sobre una antigua mezquita, anque resulta difícil atopar datos que testifiquen esta lleenda.

Sábese que la ilesia parroquial taba dedicada a Nuesa Señora de l'Asunción y que dependía del Obispáu de Cartaxena. Na actualidá depende del cura párrocu de Casas de Ves y a efeutos xurídicos eclesiásticos al Obispáu d'Albacete.

Fiestes

Nel interior de la ilesia parroquial venérase la imaxe del Santísimu Cristu de la Vida. La so festividá celébrase'l 14 de setiembre, siendo llugar de pelegrinación de miles de fieles de tola manchuela albaceteña y de la vecina contorna valenciana del Valle de Cofrentes.

Tamién se celebren fiestes en redol al 8 de mayu, festividá de San Miguel de Mayu.