Virgin Records
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Virgin Records ye una discográfica británica fundada pol empresariu Richard Branson, Simon Draper y Nik Powell en 1972, dempués d'un periodu nel que vendíen álbumes musicales con descuentu al traviés de la so pequeña tienda asitiada en Londres.
| Virgin Records | |
|---|---|
sellu discográficu, negociu, empresa y artículo de Wikipedia que cubre varios temas (es)  | |
 | |
| Llocalización | |
| Sede | Los Angeles |
| Direición | Reinu Xuníu |
| Historia | |
| Fundación | 1972 |
| Fundador |
Richard Branson Nik Powell Tom Newman |
| Organigrama | |
| Dueñu |
Virgin Music (es) |
| Participación empresarial | |
| Organización matriz | Universal Music Group |
| Web oficial | |
 | |
La compañía creció hasta convertise nun fenómenu musical mundial incluyendo artistes de distintos xéneros nel so catálogu como Roy Orbison, Devo, Genesis, Keith Richards, Janet Jackson, Culture Club, Simple Minds, Lenny Kravitz, The Smashing Pumpkins, Mike Oldfield, Tangerine Dream o Jamie T.[1]
En 1992 Virgin foi vendida a la multinacional Thorn EMI. La so filial d'Estaos Xuníos foi fundida con Capitol Records en 2007 pa crear el Capitol Music Group. Finalmente'l sellu foi adquiríu por Universal Music Group nel 2012.
Historia
editarEl nome Virgin, según Branson (na so autobiografía), provién d'un colega so cuando taben faciendo un brainstorming sobre idees de negociu. Propúnxo-y Virgin por cuenta del so significáu (traducíu del inglés significa virxe), acomuñar col fechu que yeren toos nuevos nel negociu. El icónico logotipu de la compañía foi creáu por un diseñador gráficu qu'atoparon faciendo l'esbozu nuna servilleta de papel. Nunca lo despidieron y usaron esa imaxe dibuxada na servilleta.
El primer álbum editáu por Virgin en 1973 foi Tubular Bells, obra de rock progresivu del músicu Mike Oldfield, que resultó ser un enorme ésitu comercial y utilizóse como banda sonora de la película The Exorcist de William Friedkin. Más tarde el grupu Genesis grabó dellos álbumes na empresa. En 1977 roblaron colos Sex Pistols, quien-y dieron a Virgin fama, polémica y reconocencia. Darréu roblaron con grupos como The Human League, Culture Club, Simple Minds, Oomph! y otros.
En 1987 Virgin Records abre la so filial d'Estaos Xuníos Virgin Records America. Tres un alcuerdu con Atlantic Records, los discos de Virgin Records America son distribuyíos pol grupu Warner Music Group hasta l'añu 1992.
Esi mesmu añu Richard Branson viende la matriz Virgin Records a la empresa EMI-Odeon por 550 millones de llibres (aproximao 1.000 millones de dólares). Darréu Branson creó una nueva discográfica competencia de Virgin: V2 Records. La razón aducida históricamente pola que Branson vendió Virgin Records foi pola necesidá d'ampliar el negociu de l'aereollinia Virgin Atlantic Airways o diría a la bancarrota.
Dempués de ser adquiríu por EMI, Virgin empieza una serie de cambeos, como la creación de suboficinas como Real World Studios, Innocent Records, Point Blank Records-especializáu en blues- y Hut Records. Siguió roblando contratos y ampliando el so catálogu d'artistes como Grizfolk, 30 Seconds to Mars, Britney Spears, Beenie Man, Blue, KoЯn, The Rolling Stones, The Smashing Pumpkins, We Are Scientists, The Kooks, Bubba Sparxxx, Sharissa, Bossman, Purple Ribbon All-Stars, Janet Jackson, The Chemical Brothers, Shapeshifters, Amaral, Juliet Richardson, Spice Girls, Paula Abdul, Thalía, Daft Punk, Stereophonics o Jamie T.
Referencies
editar- ↑ Virgin: A History of Virgin Records por Terry Southern, consultáu'l 6 de xunetu de 2011.
Enllaces esternos
editar
Datos: Q203059
Multimedia: Virgin Music
