Volvariella bombycina
Volvariella bombycina, tamién conocíu como volvaria sedosa,[2] ye un fungu basidiomicetu de la familia Pluteaceae.[1] Ye una especie saprófita, non bien frecuente, que crez sobre materies en descomposición, raigaños y tueros de distintes especies d'árboles caducifolios. Suel crecer sobre rama muertes de pumares, a un par de metros d'altor. La cogorda, o cuerpu granible, apruz dende finales de primavera hasta mediaos de seronda.[2] El basónimu d'esta especie ye Agaricus bombycinus Schaeff. 1774,[1] y el so epítetu específicu, bombycina, deriva de bombyx, "viérbene de seda", y fai referencia al aspeutu sedosu del sombrerucu. Ye comestible, anque abondo escasa y de sabor non demasiao prestosa.[2]
Volvariella bombycina  | ||
|---|---|---|
 | ||
| Clasificación científica | ||
| Reinu: | Fungi | |
| División: | Basidiomycota | |
| Clas: | Agaricomycetes | |
| Orde: | Agaricales | |
| Familia: | Pluteaceae | |
| Xéneru: | Volvariella | |
| Especie: |
V. bombycina (Schaeff.) Singer, 1951 | |
| Sinonimia | ||
| ||
| Consultes | ||
| [editar datos en Wikidata] | ||
| Volvariella bombycina Carauterístiques micolóxiques  | ||
|---|---|---|
 | ||
 | ||
 | ||
 | ||
 | ||
 | ||
 | ||
| [editar datos en Wikidata] |
Descripción
editarLa cogorda, o cuerpu granible, d'esti fungu presenta un sombreru ente 8 y 20 centímetros de diámetru, y ye de color blancu —de color mariellu claru na var. flaviceps—, cubiertu de fibres sedoses, que-y confieren un aspeutu llanudu bien característicu. N'exemplares nuevos, el sombreru tien forma ovoide o acampanada. Más tarde el sombreru estiéndese, adquiriendo una forma convexa. Les llámines son llibres, bien tupies, anches y ventrudes, de color blancu de primeres, y tomen un color arrosáu más tarde y color carne a la vieyera. El pie ye llisu y de color claru, mide ente 8 y 15 centímetros de llargor y ente 1 y 1,5 de diámetru, daqué más fino cerca del sombrerucu. Nun tien aniellu y presenta una gran volva. La esporada ye rosada y la so carne ye blanca, blanda y de sabor paecíu al del rábanu.[2]
Variedaes
editarEstremense les siguientes variedaes de Volvariella bombycina:
- V. bombycina var. bombycina (Schaeff.) Singer 1951
- V. bombycina var. ciliatomarginata Desjardin & Hemmes 2001
- V. bombycina var. flaviceps (Murrill) Shaffer 1957
- V. bombycina var. microspora Dennis 1961
- V. bombycina var. palmicola (Beeli) Shaffer 1963
Referencies
editar- ↑ 1,0 1,1 1,2 «Volvariella bombycina» (n'inglés), Volvariella bombycina, CAB International, Centraalbureau voor Schimmelcultures (CBS) y Landcare Research New Zealand Limited (eds.), http://www.indexfungorum.org/Names/NamesRecord.asp?RecordID=307781
- ↑ 2,0 2,1 2,2 2,3 Grünert, H.; Grünert, R.; VV.AA. (1984). Guíes de Naturaleza Blume: Cogordes (t. orixinal:"Pilze"). Barcelona: Blume, páx. 54. ISBN 84-87535-11-9.
Enllaces esternos
editar
Wikimedia Commons tien conteníu multimedia tocante a Volvariella bombycina.
| Wikispecies tien un artículu sobre Volvariella bombycina. |
Datos: Q1654979- Multimedia: Volvariella bombycina
Especies: Volvariella bombycina
