Wang Yangming
Wang Yangming (31 d'ochobre de 1472, Yuyao City – 9 de xineru de 1529, Ganzhou) foi un eruditu neoconfuciano, oficial y xeneral de tiempos de la dinastía Ming. Ye comúnmente consideráu, dempués de Zhu Xi, como'l más importante pensador neoconfuciano, con interpretaciones del Confucianismu que negaben el racionalismu dualista de la filosofía ortodoxa de Zhu Xi. Yera conocíu como Yangming Xiansheng (Maestru Brillosu Yangming) en círculos lliterarios.
Wang Yangming | |
|---|---|
 | |
| Vida | |
| Nacimientu | Yuyao City, 31 d'ochobre de 1472[1] |
| Nacionalidá | Dinastía Ming [2] |
| Muerte | Ganzhou, 9 de xineru de 1529[1] (56 años) |
| Sepultura |
Tomb of Wang Shouren (en)  |
| Familia | |
| Padre | Wang Hua |
| Fíos/es | |
| Estudios | |
| Nivel d'estudios |
jinshi (es) |
| Llingües falaes | chinu[1] |
| Oficiu | filósofu, escritor |
| Movimientu |
neoconfucianismo (es) |
| Creencies | |
| Relixón | confucianismu |
 | |
Biografía
editarNació como Wang Shouren (守仁) en Yuyao, na provincia de Zhejiang. Al convertise n'adultu camudó'l so nome de Shouren pol de Bo'an (伯安). Yangming ye'l so Hào, esto ye, seudónimu. Foi'l líder de la Escuela de la Mente neoconfuciana, que sostenía una interpretación de Mencio qu'unificaba'l conocencia y l'aición. La so escuela rival, la Escuela del Li (principiu), aseguraba que'l fechu de ganar conocencia ye una forma de preparación o cultivación que, al ser completada, podía emponer a l'aición.
Filosofía
editarConocimiento innatu
editarWang Yangming desenvolvió la idea del conocencia innata, sosteniendo que cada persona conoz dende la so nacencia la diferencia ente'l bien y el mal. Tal conocencia ye intuitivu y non racional. Estes idees revolucionaries entós daquella inspiraron más tarde a pensadores xaponeses prominentes como Motoori Norinaga, quien argumentaba que poles deidaes del Shinto, los xaponeses de por sí teníen l'habilidá intuitiva pa estremar ente'l bien y el mal ensin una racionalización complexa. Aquella escuela de pensamientu (Ōyōmei-gaku) tamién influyó en gran midida la ética samurái xaponesa.
La Conocencia como Aición
editarEl refugu de la investigación de la conocencia per parte de Wang deber al fechu de que, nesi entós, la visión tradicional del pensamientu chinu declaraba qu'una vegada qu'una persona llograba conocencia, tenía'l deber de poner esa conocencia n'aición. Esto presuponía dos posibilidaes:
- Unu puede tener conocencia ensin/antes de l'aición correspondiente
- Unu puede conocer cual ye l'aición apropiada, pero aun así nun actuar
Wang refugó dambos presupuestos, razón pola cual pudo desenvolver la so propia filosofía de l'aición. Creía que namái per mediu de l'aición simultánea podía unu llograr conocencia y negó cualesquier otru mediu pa consiguilo. Al so entender, yera imposible utilizar la conocencia dempués de llogralo, porque creía que la conocencia y l'aición taben unificaos, que yeren unu solu. Cualquier conocencia que fuera llográu y depués puestu n'aición yera consideráu una ilusión o falsedá.
La mente y los oxetos
editarWang Yangming afirmaba que los oxetos nun esisten por completu amás de la mente, porque la mente da-yos forma. Creía que nun ye'l mundu'l que-y da forma a la mente, sinón que ye la mente la que-y da razón al mundu (anterior a esto a Inmanuel Kant). Arriendes d'ello, cada mente por sigo sola ye la fonte de toa razón. L'entendía a la mente como una lluz interior, una bondá moral y conocencia de lo que ye bonu, innatos. Esti pensamientu ye abondo similar al del griegu Sócrates, quien argumentaba que la conocencia ye virtú.
Referencies
editar- ↑ 1,0 1,1 1,2 Afirmao en: autoridaes BNF. Identificador BnF: 121714201. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
- ↑ 2,0 2,1 Afirmao en: Base de Datos Biográfica China. Llingua de la obra o nome: inglés.
- Cua, Antonio S., The Unity of Knowledge and Action: A Study in Wang Yang-ming's Moral Psychology, University of Hawaii Press, 1982 ISBN 0-8248-0786-3
- Wang Yang Ming in the Internet Encyclopedia of Philosophy (n'inglés)
Datos: Q378462
Multimedia: Wang Yangming
