William Daniels

William Daniels
22. President of SAG (en)	; 1999 - 2001 ; ← Richard Masur - Melissa Gilbert →
22. President of SAG (en)
Vida
Nacimientu	Brooklyn, 31 de marzu de 1927 (97 años)
Nacionalidá	Estaos Xuníos
Llingua materna	inglés
Familia
Casáu con	Bonnie Bartlett (1951 – )
Estudios
Estudios	Universidá Northwestern ; Northwestern University School of Communication (en)
Llingües falaes	inglés
Oficiu	actor de televisión, actor de voz, políticu, actor de xéneru, actor de teatru, actor de cine, sindicalista, actor
Premios	ver Clarence Derwent Awards ; Primetime Emmy al mejor actor - Serie dramática (1985) : St. Elsewhere; Primetime Emmy al mejor actor - Serie dramática (1986) : St. Elsewhere;
IMDb	nm0200122

William David Daniels (31 de marzu de 1927, Brooklyn) ye un actor d'Estaos Xuníos, conocíu principalmente poles sos actuaciones en The Graduate como'l padre de Dustin Hoffman, como'l presidente John Adams nel musical 1776, como la voz de KITT en Knight Rider, y pol so papel del Dr. Mark Craig en St. Elsewhere. Foi presidente del Sindicatu d'Actores ente 1999 y 2001.

Biografía

Primeros años

Daniels nació en Brooklyn, Nueva York, fíu d'Irene y David Daniels.^[2] Graduóse na Universidá de Northwestern en 1949; y casóse en 1951 cola actriz y ganadora del Emmy Bonnie Bartlett, cola cuál anguaño tienen dos fíos.

Carrera

El so debú foi como direutor d'una escuela nel drama pacifista Ladybug Ladybugen, en 1963. En 1967, protagoniza xunto a Dustin Hoffman y Anne Bancroft The Graduate. En 1969, Daniels estelariza el musical 1776, col personaxe de John Adams, apaeciendo col mesmu personaxe na versión llevada al cine en 1972.

En 1976, apaez como John Quincy Adams na misiserie de la PBS, The Adams Chronicles; nel mesmu papel col cuál apaeció en 1952, cuando'l so personaxe yera un neñu.

William Daniels xunto a la so esposa Bonnie Bartlett na entrega de los Emmy de 1987.

Al trabayar pa la NBC, ente 1982 y 1986 empresta la so voz pa KITT, la serie Knight Rider. Trabayando pa la mesma cadena televisiva, toma'l papel del Dr. Mark Craig nel drama médicu St. Elsewhere ente 1982 y 1988. Esti últimu papel fadrá-y llograr dos premios Emmy. Na década de 1990, Daniels protagonizó'l rol del profesor George Feeny na serie Boy Meets World ente 1993 y 2000.

Premios

En 1986, Daniels y la so esposa Bonnie Bartlett, cola cuál yeren pareya en St. Elsewhere y Aprendiendo a Vivir, ganaron el Premiu Emmy la mesma nueche, convirtiéndose na primer pareya casada en ganar el premiu coles mesmes desque Alfred Lunt y Lynn Fontanne llograr en 1965 por una película.

La Universidá de Northwestern apurre añalmente los Premios William Daniels Archiváu 2010-07-04 en Wayback Machine (llamaos los "Willies"), el cuál honra les meyores actuaciones, direutores, coreógrafos nel campu teatral mientres l'añu.

Referencies

↑ Afirmao en: Internet Movie Database. Identificador IMDb: nm0200122. Data de consulta: 14 ochobre 2015. Llingua de la obra o nome: inglés.
↑ http://www.filmreference.com/film/17/William-Daniels.html

[9bfd66117c8653520030c23452d1ed8aba879b68-1] Afirmao en: Internet Movie Database. Identificador IMDb: nm0200122. Data de consulta: 14 ochobre 2015. Llingua de la obra o nome: inglés.

[filmr-2] ttp://www.filmreference.com/film/17/William-Daniels.html

[1]

[2]