Yolanda Díaz
Yolanda Díaz Pérez (6 de mayu de 1971, Fene) ye una política española. Anguaño ye diputada nel Congresu de los Diputaos y, ente 2005 y 2017, foi la coordinadora nacional d'Esquerda Unida.
.jpg)
.svg){kind=small}
Biografía
editarYe fía de Xesús Díaz Díaz, exsecretariu xeneral de Comisiones Obreres de Galicia y sobrina de Xosé Díaz Díaz, exdiputáu del Bloque Nacionalista Galego. Llicencióse en Derechu pola Universidá de Santiago de Compostela, convirtióse coordinadora xeneral d'Esquerda Unida en 2005, siendo la candidata de la formación a la presidencia de la Xunta de Galicia nes elicciones d'esi añu. Llogró unos 12.000 votos (0,8%), siendo la cuarta formación más votada.
Nes eleiciones municipales de 2003, foi la cabezalera de la formación a l'alcaldía de Ferrol, recuperando pa la coalición la representación nel Conceyu, de la que se viera quitada nel mandáu precedente pola crisis derivada na rotura y xurdimento d'Esquerda Galega-Os Verdes. Llogró dos actes de conceyala, acompañada pol veteranu dirixente Fernando Miramontes.
Alcuerdu de gobiernu en Ferrol
editar
Nes eleiciones municipales de 2007, foi la cabezalera de la formación a l'alcaldía de Ferrol. Llogró 5.203 votos (14,19%) y cuatro conceyales (al pie d'ella: Javier Galán, Miguel Reimúndez y Sari Alabado). En formalizando un alcuerdu pa un gobiernu en coalición col PSOE, resultó escoyíu alcalde'l candidatu socialista Vicente Irisarri, con Yolanda Díaz como vicealcaldesa.
El 28 d'ochobre de 2008 el gobiernu de coalición rompió, permaneciendo Irisarri como alcalde en minoría. Yolanda Díaz caltiénse cómo vocera de la so formación.
Diputada del Parllamentu de Galicia
editarEn 2012 foi candidata d'Alternativa Galega de Esquerda a les eleiciones al parllamentu de Galicia pola provincia d'A Coruña y foi escoyida diputada autonómica.
Congresu de los Diputaos
editarYe diputada nel Congresu de los Diputaos dende 2016 (XI llexislatura), primero nes llistes d'En Marea y dempués nes d'En Común. Tanto nes Eleiciones xenerales de 2015 como nes de 2016 foi candidata na llista d'En Marea al Congresu pola provincia de la Coruña, resultando escoyida diputada por esa provincia. Nes Eleiciones xenerales d'abril de 2019 y nes de payares del inclusive añu foi candidata na llista d'En Común al Congresu pola Provincia de Pontevedra, siendo escoyida diputada por esa otra provincia.
Referencies
editar- ↑ URL de la referencia: http://www.congreso.es/portal/page/portal/Congreso/Congreso/Diputados/BusqForm?_piref73_1333155_73_1333154_1333154.next_page=/wc/fichaDiputado?idDiputado=291&idLegislatura=13. Data de consulta: 18 agostu 2019.
- ↑ URL de la referencia: https://cadenaser.com/programa/2022/01/11/buenismo_bien/1641907908_858856.html.
- ↑ URL de la referencia: https://www.workwithdata.com/person/yolanda-diaz-perez-1971. Data de consulta: 15 ochobre 2024.
Enllaces esternos
editar
Wikimedia Commons acueye conteníu multimedia sobre Yolanda Díaz.
- Yolanda Díaz en Twitter (cuenta verificada)
Datos: Q3393973- Multimedia: Yolanda Díaz
