Yolanda Huergo
Yolanda González Huergo (30 de mayu de 1971, Roces – 6 d'agostu de 2020, Xixón) foi una política asturiana d'esquierdes. Yera miembru d'Unidá Nacionalista Asturiana, Compromisu por Asturies y vocera de Podemos nel Ayuntamientu de Xixón dende 2019 hasta agostu de 2020.
Yolanda Huergo | |||
|---|---|---|---|
15 xunu 2019 - | |||
| Vida | |||
| Nacimientu | Roces[1], 30 de mayu de 1971 | ||
| Nacionalidá |
 España | ||
| Muerte | Xixón[1], 6 d'agostu de 2020[2] (49 años) | ||
| Causa de la muerte | cáncanu | ||
| Estudios | |||
| Llingües falaes |
asturianu castellanu | ||
| Oficiu | política | ||
| Creencies | |||
| Partíu políticu |
Unidá Nacionalista Asturiana Podemos Izquierda Asturiana Compromisu por Asturies | ||
 | |||
Biografía
editarYolanda Huergo ñaz en Xixón el 30 de mayu 1971, vivió nel barriu de Roces. Pasó la mayor parte de la so infancia na parroquia d'Argüeyes (Siero) colos sos güelos. La so vida ta dedicada al activismu feminista, al activismu polos derechos llingüísticos de los asturfalantes y al activismu polos drechos humanos. Yera una de les polítiques asturianistes más conocíes anguaño, siendo cofundadora d'Unidá Nacionalista Asturiana (UNA) y de Compromisu por Asturies (CxAst).
Tuvo llicenciada en drechu pola Universidá d'Uviéu y ye especialista n'urbanismu. Foi funcionaria llocal dende 2004.
Tuvo afiliada n'Izquierda Asturiana dende 2004 hasta 2012. Nes eleiciones autonómiques d'Asturies de 2011, foi la númberu 2 de la llista de la coalición Bloque por Asturies-Unidá Nacionalista Asturiana (Compromisu por Asturies). Ensin algamar representación na Xunta Xeneral del Principáu esti partíu, preséntase otra vegada, nesta ocasión a les eleiciones autonómiques d'Asturies de 2012, repitiendo'l puestu en llistes.
En 2014 Yolanda s'afilia a Podemos; Compromisu por Asturies aprobó sofitar el proyeutu de Pablo Iglesias, siendo esti l'espaciu asturianista d'esta formación n'Asturies.[3]
En 2018 anuncia la so intención de querer ser candidata de Podemos Xixón a les eleiciones municipales, disputándo-y la candidatura a Rosa Espiño. Finalmente, la so candidatura foi escoyida col sofitu del 51,68% de los inscritos d'esta formación nel conceyu de Xixón en febreru de 2019. Nes eleiciones municipales de Xixón, Yolanda algama 16.128 votos y el puestu de conceyala y vocera de Podemos na Casa Conceyu de Xixón.
Muerre'l 6 d'agostu de 2020 a la edá de 49 años en Xixón.[4]
Referencies
editar- ↑ 1,0 1,1 Data de consulta: 6 agostu 2020. URL de la referencia: https://www.elcomercio.es/gijon/fallece-yolanda-huergo-portavoz-podemos-equo-gijon-20200806074534-nt.html. Error de cita: La etiqueta
<ref>ye inválida; el nome «00e13ced653f48c14233ef3469195107d11b23d3» ta definíu delles vegaes con distintu conteníu - ↑ «Yolanda Huergo, portavoz de Podemos-Equo en el Ayuntamiento de Gijón, fallece a los 49 años» (6 agostu 2020). Consultáu'l 6 agostu 2020.
- ↑ Compromisu por Asturies decide sofitar el proyeutu Podemos https://asturies.com/noticies/compromisu-por-asturies-decide-sofitar-el-proyeutu-podemos Archiváu 2020-12-02 en Wayback Machine
- ↑ «Yolanda Huergo, portavoz de Podemos-Equo en el Ayuntamiento de Gijón, fallece a los 49 años». Archiváu dende l'orixinal, el 2022-08-27.
Enllaces esternos
editar
Datos: Q72195910
