Àngel Guimerà i Jorge

Àngel Guimerà i Jorge
Vida
Nacimientu	Santa Cruz de Tenerife, 6 de mayu de 1845
Nacionalidá	España
Muerte	Barcelona, 18 de xunetu de 1924 (79 años)
Sepultura	Cementeriu de Montjuïc
Estudios
Llingües falaes	catalán; castellanu
Oficiu	escritor, dramaturgu, poeta, políticu, guionista
Trabayos destacaos	Tierra baja (es) ; María Rosa (es) ; La hija del mar (es) ; En Pólvora (es) ; Sol, solet... (es) ; Mar y cielo (es)
Premios	ver Mestre en Gay Saber (1877) ; Fíu Adoptivu de Barcelona (1909) ;
Nominaciones	ver Premiu Nobel de Lliteratura ; (1907); Premiu Nobel de Lliteratura ; (1908); Premiu Nobel de Lliteratura ; (1909); Premiu Nobel de Lliteratura ; (1910); Premiu Nobel de Lliteratura ; (1911); Premiu Nobel de Lliteratura ; (1912); Premiu Nobel de Lliteratura ; (1913); Premiu Nobel de Lliteratura ; (1914); Premiu Nobel de Lliteratura ; (1915); Premiu Nobel de Lliteratura ; (1916); Premiu Nobel de Lliteratura ; (1917); Premiu Nobel de Lliteratura ; (1918); Premiu Nobel de Lliteratura ; (1919); Premiu Nobel de Lliteratura ; (1920); Premiu Nobel de Lliteratura ; (1921); Premiu Nobel de Lliteratura ; (1922); Premiu Nobel de Lliteratura ; (1923);
Miembru de	Seición Filolóxica del Institutu d'Estudios Catalanes ; Jove Catalunya (es)
IMDb	nm0347320

Àngel Guimerà (6 de mayu de 1845, Santa Cruz de Tenerife – 18 de xunetu de 1924, Barcelona) foi dramaturgu, políticu y poeta en llingua catalana. La so estensa obra, notable pa xunir a una apariencia romántica los elementos principales del realismu, convirtióse nún de los máximos esponentes de la Renaixença o "resurdimientu" de les lletres catalanes a finales del sieglu XIX.

Fíu de padre catalán y madre canaria, pasó los primeros años de la so vida en Tenerife. A los siete años foi a vivir en Cataluña, au s'afixo rápido. Foi una de les figures más destacaes de la Renaixença, tanto política como lliteraria. Magar qu'empecipió la so carrera cola poesía, la mayor parte de la so obra lliteraria tuvo dedicada al teatru. Llueu consiguió reconocencia internacional, (Mar i cel foi un ésitu inmediatu, traducíu a ocho llingües). La so dómina más rellumante foi na última década del sieglu XIX, onde s'avera más a la realidá de la sociedá catalana d'aquella dómina, que xiraba l'aldu escontra una redolada más urbana ya industrial, destacando nel so curriculum Maria Rosa (1894), Terra baixa (1896), o La filla del mar (1900). A la fin de la so vida diversificó más la so producción, dende'l drama burgués los poemes dramáticos musicales con elementos fantásticos o'l teatru históricu d'enclín catalanista.^[10]

Biografía

Àngel Guimerà nació en Santa Cruz de Tenerife'l día 6 de mayu de 1845. Pese a qu'en principiu figuraba como fíu natural, los sos padres yeren Agustí Guimerà Fonts y Margarita Jorge Castellano. Cuatro años más tarde, nacía otru fíu de la pareya, Juli, pero nesta ocasión yá constaba como fíu de Margarita Jorge, como tamién constó dende'l 20 de marzu de 1850 el primer fíu, Àngel. Nun foi hasta la llegada de los padres en Barcelona qu'Agustí Guimerà reconoció la paternidá de los dos fíos como pasu previu pa llegalizar la so rellación con Margarita Jorge, cola que casó'l 4 d'agostu de 1854. Hai de solliñar estos fechos porque les irregularidaes na reconocencia de la paternidá d'Agustí Guimerà y el fechu de que nun se casara cola so pareya hasta unos años dempués de nacer los sos dos fíos marcaron según dellos biógrafos la vida y la obra d'Àngel Guimerà. La llegada de la familia al Vendrell supunxo para Guimerà atopase nuna redolada llingüística estraña y obligólu a integrase nun mundu distintu al que conociera en Santa Cruz. Ye por ello que se faló de cutiu de la importancia de la conciencia de mestizaxe en dalgunos de los protagonistes de les sos obres. La tema de la personalidá biforcada ente dos cultures, ente dos mundos, ye recurrente na so obra. Nel casu del autor, l'asunción de la nueva identidá foi completa, hasta'l puntu de convertise nuna de les personalidaes públiques más emblemátiques del catalanismu.

La estatua de Guimerà en Santa Cruz de Tenerife. Esta ye una estatua neta a la que s'atopa na Plaza de Sant Josep Oriol de Barcelona.

De mozu, la so amistá col Vendrell Jaume Ramon i Vidales ponlu en contautu col mundu de los Xuegos Florales y la lliteratura en catalán. Instaláu en Barcelona de manera definitiva en 1872, collaboró de llenu cola plataforma cultural La Jove Catalunya, de la que foi primer secretariu y más tarde tesoreru. A partir de 1873 convirtióse en secretariu de redaición de La Renaixensa, publicación qu'acabaría dirixendo a lo llargo de munchos años (hasta'l 1903). Per otru llau, consagróse como poeta col llogru del títulu de Mestre en Gay Saber nos Xuegos Florales de 1877^[11], magar que nun axuntó los sos poemes en volume hasta 1887 (Poesies). Darréu sacó una nueva escoyeta: Segon llibre de poesies (1920). La so dedicación a la prosa de ficción foi más bien circunstancial y consta de dos cuentos: El gos de casa (El perru de casa) y El nen jueu (El neñu xudíu) (dambos de 1889) y de una novela curtia, Rosa de Lima (1917). Los sos discursos fueron axuntaos a Cants a la Pàtria (Cantares a la Patria) (1906).

Como dramaturgu pasó per etapes distintes. Nun principiu (1879-1893) cultivó la traxedia de filiación romántica en versu y ambientada en periodos históricos davezu recreaos dende la imaxinación: El fill del rei (1886) o L'alma muerta (1892). La obra que más destaca d'esti periodu ye Mar i cel (Mar y cielu) (1888). Pero a partir d'empiezos de la década de 1890 decantóse pol teatru en prosa dende una perspeutiva más claramente realista y hasta naturalista, n'obres como En Pólvora (1893), Maria Rosa (1894), Terra baixa (1897), etc . Ye la fase más creativa de la so producción y la que-y facilitó la so proyeición internacional al traviés de les versiones al castellán de les sos obres, que l'actriz María Guerrero llevaba de xira per tol mundu. A partir de 1900 yá yera un autor consagráu na escena española ya internacional y decidió probar delles recetes teatrales en boga naquellos años, ente elles la traxedia en versu, que respondía yá a unos modelos lliterarios distintos a los de los sos entamos.

En 1882 xuntóse al Centru Catalán (Centre Català) y al grupu políticu de Valentí Almirall. En 1889 ye escoyíu presidente de la Lliga de Catalunya. Tuvo l'honor de presidir los Xuegos Florales de 1889. En 1892 ye ponente de les Bases de Manresa pa la constitución rexonal catalana, entamaes pola Unió Catalanista. Foi unu de los portadores del Memorial de Greuges en Madrid. En 1895 foi escoyíu presidente del Ateneu Barcelonès y pronunció, per primer vegada na hestoria de la institución, el discursu inaugural «La llengua catalana» en catalán.^[12]

Cal Ximet, casa solariega d'Àngel Guimerà en Vendrell

Mientres años estendióse l'error^[13] qu'en 1904 l'Academia Sueca previó concede-y el Premiu Nobel de Lliteratura, xunto col poeta provenzal Frederic Mistral, y que les presiones del gobiernu español^[14], que consideraben poco conveniente premiar un autor catalán, torgábenlo. L'error remanez de la biografía de Josep Miracle de 1958 y funcionó como un símbolu d'agraviu al conxuntu de la lliteratura catalana. Lo cierto ye qu'a finales de 1905, Carl David af Wirsén, secretariu perpetuu de l'Academia Sueca y presidente del Comité Nobel, convidó a la Reial Acadèmia de Bones Lletres de Barcelona a avalar una candidatura. Una vegada aceutada la ufierta, la Reial Acadèmia de Bones Lletres decidió presentar per primer vegada la candidatura de Guimerà en 1906^[15], y foi anovándola consecutivamente hasta 1922.

Los sos discursos políticos espublizáronse en 1906 col títulu de Cantares a la Patria. En 1916 dióse-y la Cruz de la Lexón d'Honor pol Gobiernu francés. La so muerte vieno a les dolce y nueve del vienres 18 de xunetu de 1924 na cai Petritxol de Barcelona, y tuvo un entierru multitudinariu nel Campusantu de Montjuïc.

Homenaxes

En Santa Cruz de Tenerife dedicóse-y un teatru (Teatru Guimerà) siendo arriendes el más antiguu de les Islles Canaries. Na fachada del Muséu Municipal de Belles Artes de Santa Cruz de Tenerife atópense una serie de bustos de mármol que representen a personaxes pernomaos de la islla de Tenerife, ente ellos ta Àngel Guimerà.

Na Plaza de Sant Josep Oriol de Barcelona alcuéntrase una estatua sedente de bronce de Àngel Guimerà, que ye una copia fiel de la qu'atopa asitiada frente al citáu Teatru Guimerà de Santa Cruz de Tenerife. Dichu Teatru alcuéntrase n'Avenida Àngel Guimerà, nomada asina por ser la cai au nació'l draumaturgu. Hai de la mesma, otra estatua asemeyada nel conceyu d'El Vendrell na provincia de Tarragona. Estes trés estatues, foron feches pol escultor Josep M. Codina i Corona a partir d'un molde fechu por Josep Cardona i Furró.

Producción teatral

Tumba d'Àngel Guimerà i Pere Aldavert nel Cementeriu de Montjuïc

En 1879 entamó la so carrera como escritor de traxedies versificada, con Gal·la Placídia, y en 1883 con Judith de Welp, siguíes de El Fill del rei y Mar i Cel, esta postrera un ésitu inmediato y arrollador en nivel européu, con traducciones a ocho llingües. Les obres que lu llevaron a la so máxima rellumanza foron Maria Rosa, Terra baixa y La filla del mar.

La so producción lliteraria estrémase en trés etapes:

Primer etapa, de 1879 hasta 1890. Obres de tema históricu en versu, con carauterístiques que l'arreyen entá al romanticismu. Obres destacaes d'esta primer etapa son Mar i cel y El fill del rei.
Segunda etapa, de 1890 hasta 1900. Drames en prosa y de temática contemporánea al autor, con traces más propies del realismu y referencies a la problemática social de les capes más humildes (obreros, llabradores, pescadores). Les obres más importantes d'esta etapa son: Maria Rosa, Terra baixa y La filla del mar.
Tercer etapa, de 1901 hasta'l 1911. Les obres que más destaquen de la tercer etapa son Jesús que torna y Alta i blanca.

Metanes esta estensísima obra atopamos pieces como Rei y monjo (Rei y monxu), La boja (La lloca), Jesús de Nazaret, Mossèn Janot, y una serie de drames realistes escritos a partir de 1900, como Arran de terra (Raigañu de tierra), La pecadora y Aigua que corre. Nesta dómina les sos publicaciones vanse espaciando, pero entá va escribir delles obres (Sol, solet, L'aranya, La Santa Espina, Titaina y La reina jove ente otros). La so obra Per dret diví (Por drechu divín) foi terminada en 1926 por Lluís Vila.

Estatua d'Àngel Guimerà, na Plaza de Sant Josep Oriol de Barcelona. Bronce del 1982 de Josep Codina Corona de 1909 de Josep Cardona Furró.^[16]

Les sos primeres obres son escrites en versu y con una estructura de cinco actos. Más palantre son escrites en prosa y en trés actos.

Teatru Guimerà, Santa Cruz de Tenerife.

Obra poética

Obra dramática

Edición de 1879 de Gala Placidia. Traxedia en trés actos d'Àngel Guimerà

Gal·la Placídia. Traxedia en trés actos, estrenada en el Teatre Principal de Barcelona, el 28 d'abril de 1879.
Judith de Welp. Traxedia en trés actos y en versu, estrenada a Canet de Mar, el 20 d'ochobre de 1883.
El fill del rei. Traxedia en trés actos y en versu, estrenada al Teatre Novedades de Barcelona, el 24 de marzu de 1886.
Mar i cel. Traxedia en trés actos y en versu, estrenada al Teatre Romea, el 7 de febreru de 1888.
Rei i monjo. Traxedia en trés actos y en versu, estrenada en el Teatre Romea, el 4 de febreru de 1890.
La boja. Traxedia en trés actos y en versu, estrenada al Teatre Novedades, el 15 de payares de 1890.
La sala d'espera. Comedia en un actu y en prosa, estrenada al Teatre Novedades, el 2 d'avientu 1890.
L'ànima morta. Traxedia en trés actos y en versu, estrenada al Teatre Novedades, el 14 de mayu de 1892.
En Pólvora. Drama en trés actos y en prosa, estrenada al Teatre Novedades, el 20 de mayu de 1893.
Mestre Oleguer. Monólogu estrenada a Reus per l'actor Teodor Bonaplata l'any 1892 i al Teatre Circ Espanyol de Barcelona per Enric Borràs, el 10 de xunu de 1893.
Jesús de Natzaret. Traxedia en cinco actos y en versu, estrenada al Teatre Novedades, el 21 de febreru de 1894.^[17]
Maria Rosa. Drama en trés actos y en prosa, estrenada al Teatre Novedades, el 24 de payares de 1894.^[17]
Les mongetes de Sant Aimant. Lleenda dramática en cuatro actos y en versu, con música d'Enric Morera, estrenada al Teatre Novedades, el 24 d'abril de 1895.
Mort d'en Jaume d'Urgell. Monólogu. 1896.
La festa del blat. Drama en trés actos y en prosa, estrenada en el Teatre Romea, el 24 d'abril de 1896.^[17]
Terra Baixa. Drama en trés actos y en prosa, estrenada a Madrid ( Teatro Español), n'avientu de 1896, en traducción castellana y, en catalán, en Tortosa el 1897. Después en Gràcia y, caberamente, en el Teatre Romea de Barcelona l'any 1897.
Mossèn Janot. Drama en trés actos y en prosa, estrenada en el Teatre Romea l'any 1898.
La farsa. Comedia en trés actos y en prosa, estrenada en el Teatre Romea, el 31 de xineru de 1899.
La filla del mar. Drama en trés actos y en prosa, estrenada en el Teatre Romea, el 6 d'abril de 1900.
Arran de terra, l'añu 1901 s'estrena en el Teatre Novedades la versió italiana d'esta obra, con el títulu "Scivollando sulla terra". El 1908 estrenaríase en catalán nel Saló Arnau.
La pecadora. Drama en trés actos y en prosa, estrenada en el Teatre Romea, el 11 de mayu de 1902.
Aigua que corre. Drama en trés actos y en prosa, estrenada en el Teatre Romea, el 18 de payares de 1902.
El camí del sol. Traxedia en trés actos y en versu, estrenada en el Teatre Romea, el 8 de febreru de 1904.
Sol, solet.... Drama en trés actos y en prosa, estrenada en el Teatre Romea, el 17 d'abril de 1905.
La miralta. Drama en trés actos. L'añu 1905 s'estrena al Teatre Novedades la versión castellana d'esta obra. El 20 de marzu de 1911 s'estrena la versión catalana en el Teatre Romea.
Andrònica. Traxedia en trés actos y en versu, estrenada la versió castellana en el Teatre Español de Madrid el 6 d'avientu de 1905. El 22 d'ochobre de 1910, s'estrena en catalán en el Teatre Principal.
L'aranya. Drama en trés actos, 1906; estrenada en el Teatre Romea de Barcelona, el 16 d'ochobre de 1908.
L'Eloi. Drama en trés actos y en prosa; estrenada en el Teatre Romea de Barcelona, el 27 de marzu de 1906.
En Pep Botella. Monólogu interpretáu pol actor Jaume Borràs, estrenada en el Teatre Romea de Barcelona, el 5 de marzu de 1906.
La Santa Espina (rondalla). Rondalla en trés actos y seis partes. Música d'Enric Morera. Estrenada en el Teatre Principal de Barcelona el 19 de xineru de 1907.
La reina vella. Obra dividida en tres partes, con música d'Enric Morera, estrenada en el Teatre Principal de Barcelona, el dia 16 de xineru de 1908.
Titaina. Drama musical en dos partes, con música d'Enric Morera, publicat el 1910 i estrenada en italià al Liceu de Barcelona, el 16 de xineru de 1912.
Sainet trist, en trés actos, estrenada en el Teatre Romea de Barcelona, el 14 d'abril de 1910.
La reina jove. Drama románticu en cuatro actos, estrenada en el Teatre Principal de Barcelona, el 15 d'abril de 1911.
Jesús que torna. Drama en trés actos y en prosa, estrenada en el Teatre Novetats de Barcelona, el 1 de marzu de 1917.
Indíbil i Mandoni. Traxedia en trés actos y en versu, estrenada en el Teatre Novetats de Barcelona, el 13 d'avientu de 1917.
Al cor de la nit. Drama en trés actos, estrenada en el Teatre Romea, el 19 d'abril de 1918.
L'ànima és meva. Drama en trés actos, 1919.
Alta banca. Drama en trés actos y en prosa, estrenada en el Teatre Novetats de Barcelona, el 9 d'avientu de 1921.
Joan Dalla. Drama en trés actos y en prosa, 1921.
Per dret diví, estrenada postreramente a la muerte de l'autor.
Euda d'Uriac, ópera con música d'Amadeu Vives.

Patrimoniu lliterariu

Teatru Municipal Àngel Guimerà

A parte del Teatru Guimerà asitiáu en Santa Cruz de Tenerife, en El Vendrell alcuéntrase'l Teatru Municipal Àngel Guimerà. Ye un equipamientu municipal concebíu para lleva a cabu nes representaciones de toa mena d'artes escéniques como teatru, danza y música. Coles mesmes desenvuélvense otres actividaes de calter cultural y social amestaes a entidaes d'esta ciudá.

Dende va unos años, la conceyalía de Cultura apuesta por una programación estable de calter profesional, au s'entemecen obres destinaes a públicos adultos con espectáculos de calter familiar, col envís de faer llegar les artes escéniques de primer orde a tantos ciudadanos como seya dable.

El Teatru Municipal Àngel Guimerà inauguróse en setiembre de 2009 tres una llarga remodelación del antiguu teatru de La Llira Vendrellenca, y anguaño cunta con un aforu de 407 places, dientro d'un espaciu modernu y dotáu de les meyores téuniques de los espacios escénicos del sieglu XXI.

Casa Muséu Àngel Guimerà

Àngel Guimerà vivió na casa solariega de los Guimerà El Vendrell mientres el s. XIX. Nesta casa, empecipió la so actividá poética, primero en castellán y, más tarde, en catalán, pa trunfar dempués nel mundu teatral como dramaturgu. Una de les sos principales obres foi Terra baixa. Cal Ximet, la casa solariega de los Guimerà, ta asitiada nel centru de la villa d'El Vendrell. Foi mercada pol bisagüelu del dramaturgu, Agustí Guimerà y Vidal, en 1778, qu'afitóse pa dedicase al so oficiu de toneleru. El padre d'Àngel Guimerà, Agustí Guimerà i Fonts, nació nesta casa. Coló a Canaries p'ayudar al so tíu a llevar los negocios, y ellí conoció a la so futura esposa, Margarita Jorge i Castellano. En 1853 el padre decidió volver a Cataluña pa faese cargu del patrimoniu familiar. Guimerà tenía ocho años. Dende la so llegada, esta casa xuniólu pa siempres a la villa d'El Vendrell.

Otros patrimonios lliterarios

En Montjuïc alcuéntrase una escultura de Manelic (protagonista de Terra Baixa). L'escultor Montserrat, féxola en 1909 con motivu del Homenaxe a Guimerà.

Adautaciones n'otros medios

Guimerà vistu por Ramon Casas (MNAC).

Euda d'Uriac (1900), ópera con música d'Amadeu Vives, a partir de Les monges de Sant Aimant.
Tiefland (1903), ópera con música d'Eugen d'Albert, a partir de Terra baixa.
La catalane (1907), ópera con música de Ferdinand Le Borne, a partir de Terra baixa.
La nereide (1911), ópera con música d'Ulisse Trovati, a partir de La filla del mar.
Liebesketten (1912), ópera con música d'Eugen d'Albert, a partir de La filla del mar.
Titaina (1912), ópera con música d'Enric Morera.
Gal·la Placídia (1913), ópera de Jaume Pahissa i Jo.
El camí del sol, ópera de Joan Lamote de Grignon.
Mar i cel (1988), obra musical d'Albert Guinovart, con dramaturxa del grupu Dagoll Dagom.
Terra baixa (no estrenada), ópera con música de Salvador Pueyo.

Otres obres, nel momentu del estrenu, incorporaben música incidental y partes musicales: Jesús de Natzaret (1894), Les monges de Sant Aimant (1895), La Baldirona, La santa espina (1907), La reina vella (1908), i La boja, con música d'Enric Morera.

Bibliografía

La Escena Catalana. Número extraordinari dedicat a Àngel Guimerà. Completa informació de la seva vida i la seva obra. Any VII (segona època). Núm. 159. Barcelona, 26 juliol 1924

Referencies

↑ URL de la referencia: http://www.escriptors.cat/autors/guimeraa/pagina.php?id_sec=2051. Data de consulta: 27 xineru 2017.
↑ ^2,0 ^2,1 Afirmao en: Gemeinsame Normdatei. Identificador GND: 119443848. Data de consulta: 13 agostu 2015. Llingua de la obra o nome: alemán. Autor: Biblioteca Nacional d'Alemaña.
↑ URL de la referencia: https://datos.gob.es/es/catalogo/e00123904-autores-espanoles-en-dominio-publico-fallecidos-desde-1900.
↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
↑ URL de la referencia: http://www.endrets.cat/index.php/indret/1906/tomba-d-angel-guimera-montjuic-barcelona-ca.html.
↑ Afirmao en: autoridaes BNF. Identificador BnF: 127507238. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
↑ Identificador CONOR.SI: 137859171. Afirmao en: CONOR.SI.
↑ ^8,00 ^8,01 ^8,02 ^8,03 ^8,04 ^8,05 ^8,06 ^8,07 ^8,08 ^8,09 ^8,10 ^8,11 ^8,12 ^8,13 ^8,14 ^8,15 ^8,16 Afirmao en: nobelprize.org. Identificador de nominación de persona al Premio Nobel: 3713. Editorial: Fundación Nobel. Llingua de la obra o nome: inglés.
↑ URL de la referencia: http://apmembres2.iec.cat/detall.aspx?pkMembrePLE=200.
↑ Centre de Documentació i Museu de les Arts Escèniques (ed.): «Àngel Guimerà». Web del muséu (2012). Archiváu dende l'orixinal, el 2014-03-05. Consultáu'l 18 de payares de 2012.
↑ «Els Jocs Florals. Lletra UOC». Nou diccionari 62 de la literatura catalana.
↑ GUIMERÀ, Angel, La Llengua catalana. Discurs presidencial llegit en la sessió pública celebrada en l'Ateneu Barcelonés lo 30 de novembre de 1895, Tipografia "L'Avenç", Barcelona, 1896.
↑ Balcells, Albert (2002). «Història de l'Institut d'Estudis Catalans» páxs. p.160. Institut d'Estudis Catalans.
↑ Biografias y vidas Àngel Guimerà (castellán)
↑ Gallén, Enric (2011). «Guimerà i el premi Nobel. Història d'una candidatura». Punctum.
↑ Art públic al web de l'Ajuntament de Barcelona.
↑ ^17,0 ^17,1 ^17,2 Tasis, Rafael (ochobre 1959). «Un procés literari a la barcelona vuitcentista» páxs. pp. 2 - 5. Serra d'Or. Archiváu dende l'orixinal, el 2015-02-22.

[3cb705bd3e207ea57ea40193082f28fcad336828-1] URL de la referencia: http://www.escriptors.cat/autors/guimeraa/pagina.php?id_sec=2051. Data de consulta: 27 xineru 2017.

[6ffa87e99825cf3fe3289ecb5e4b72d569705c9c-2] 2,0 ^2,1 Afirmao en: Gemeinsame Normdatei. Identificador GND: 119443848. Data de consulta: 13 agostu 2015. Llingua de la obra o nome: alemán. Autor: Biblioteca Nacional d'Alemaña.

[fdeb573b87f375ac84587091482cb7519ebbb383-3] URL de la referencia: https://datos.gob.es/es/catalogo/e00123904-autores-espanoles-en-dominio-publico-fallecidos-desde-1900.

[82136f8a98a4982f31e232ee983777c369136231-4] Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.

[0f9a92644178b5cb0ad0aa59e99a9541a08c0bb0-5] URL de la referencia: http://www.endrets.cat/index.php/indret/1906/tomba-d-angel-guimera-montjuic-barcelona-ca.html.

[698f6be8d35d59ec193fd6ac368c65a4cb880594-6] Afirmao en: autoridaes BNF. Identificador BnF: 127507238. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[3a4e3c1be33bbd213f3ab6b8dff09508346ac176-7] Identificador CONOR.SI: 137859171. Afirmao en: CONOR.SI.

[2d2861881fca83cd18a68f491e439b694c9417e6-8] 8,00 ^8,01 ^8,02 ^8,03 ^8,04 ^8,05 ^8,06 ^8,07 ^8,08 ^8,09 ^8,10 ^8,11 ^8,12 ^8,13 ^8,14 ^8,15 ^8,16 Afirmao en: nobelprize.org. Identificador de nominación de persona al Premio Nobel: 3713. Editorial: Fundación Nobel. Llingua de la obra o nome: inglés.

[e48be29b1f17797e4beb32ca5c12feb982c7904a-9] URL de la referencia: http://apmembres2.iec.cat/detall.aspx?pkMembrePLE=200.

[mae-10] Centre de Documentació i Museu de les Arts Escèniques (ed.): «Àngel Guimerà». Web del muséu (2012). Archiváu dende l'orixinal, el 2014-03-05. Consultáu'l 18 de payares de 2012.

[11] «Els Jocs Florals. Lletra UOC». Nou diccionari 62 de la literatura catalana.

[12] GUIMERÀ, Angel, La Llengua catalana. Discurs presidencial llegit en la sessió pública celebrada en l'Ateneu Barcelonés lo 30 de novembre de 1895, Tipografia "L'Avenç", Barcelona, 1896.

[13] Balcells, Albert (2002). «Història de l'Institut d'Estudis Catalans» páxs. p.160. Institut d'Estudis Catalans.

[biografiasyvidas-14] Biografias y vidas Àngel Guimerà (castellán)

[15] Gallén, Enric (2011). «Guimerà i el premi Nobel. Història d'una candidatura». Punctum.

[art_públic-16] Art públic al web de l'Ajuntament de Barcelona.

[serra-17] 17,0 ^17,1 ^17,2 Tasis, Rafael (ochobre 1959). «Un procés literari a la barcelona vuitcentista» páxs. pp. 2 - 5. Serra d'Or. Archiváu dende l'orixinal, el 2015-02-22.

[1]

[2]

[3]

[4]

[5]

[6]

[7]

[8]

[10]

[11]

[12]

[13]

[14]

[15]

[16]

[17]

Àngel Guimerà i Jorge

Vida
Nacimientu	Santa Cruz de Tenerife^[1], 6 de mayu de 1845^[2]
Nacionalidá	España ^[3]
Muerte	Barcelona^[4], 18 de xunetu de 1924^[2] (79 años)
Sepultura	Cementeriu de Montjuïc^[5]
Estudios
Llingües falaes	catalán^[6] castellanu^[7]
Oficiu	escritor, dramaturgu, poeta, políticu, guionista
Trabayos destacaos	Tierra baja ^(es) María Rosa ^(es) La hija del mar ^(es) En Pólvora ^(es) Sol, solet... ^(es) Mar y cielo ^(es)
Premios	ver Mestre en Gay Saber (1877) Fíu Adoptivu de Barcelona (1909)
Nominaciones	ver Premiu Nobel de Lliteratura (1907)^[8] Premiu Nobel de Lliteratura (1908)^[8] Premiu Nobel de Lliteratura (1909)^[8] Premiu Nobel de Lliteratura (1910)^[8] Premiu Nobel de Lliteratura (1911)^[8] Premiu Nobel de Lliteratura (1912)^[8] Premiu Nobel de Lliteratura (1913)^[8] Premiu Nobel de Lliteratura (1914)^[8] Premiu Nobel de Lliteratura (1915)^[8] Premiu Nobel de Lliteratura (1916)^[8] Premiu Nobel de Lliteratura (1917)^[8] Premiu Nobel de Lliteratura (1918)^[8] Premiu Nobel de Lliteratura (1919)^[8] Premiu Nobel de Lliteratura (1920)^[8] Premiu Nobel de Lliteratura (1921)^[8] Premiu Nobel de Lliteratura (1922)^[8] Premiu Nobel de Lliteratura (1923)^[8]
Miembru de	Seición Filolóxica del Institutu d'Estudios Catalanes Jove Catalunya ^(es)
IMDb	nm0347320