Íñigo Errejón
Íñigo Errejón Galván (14 d'avientu de 1983, Madrid) ye un politólogu y políticu español, diputáu por Madrid de la xi y xii llexislatures de les Cortes Xenerales.[6] Dende'l 18 de febreru de 2017 ye secretariu d'Analís Estratéxicu y Cambéu Políticu na executiva nacional de Podemos. De 2014 a 2017 foi secretariu de Política y Área d'Estratexa y Campaña de Podemos, que les sos campañes eleutorales dirixó.[7] Doctor en Ciencies Polítiques, ye miembru del conseyu editorial de la revista d'analís políticu Viento Sur.[8][9]
.jpg)
.svg){kind=small}
.svg){kind=small}
Biografía editar
Oríxenes familiares y adolescencia editar
Íñigo Errejón ye fíu de José Antonio Errejón Villacieros, funcionariu de carrera y altu cargu na Alministración Xeneral del Estáu que mientres la Transición militó nel Partíu del Trabayu d'España, y darréu foi unu de los firmantes del Manifiestu de Tenerife, que marcó la nacencia de Los Verdes n'España, y formó parte d'Izquierda Anticapitalista.[10][11][12] La so madre, Angy Galván ye bióloga, feminista y activista, y miembru de Podemos dende la so fundación.[13][14]
Mientres la so adolescencia, Íñigo Errejón foi scout y militante de grupos marxistes llibertarios (anarquistes) Pablo Iglesias Turrión bromió sobre la evolución ideolóxica de Errejón na rede social Twitter en dalguna ocasión.[15][16][17]
Carrera y doctoráu editar
Estudió Ciencies Polítiques na Universidá Complutense de Madrid (UCM), onde se llicenció en 2006.[18] Mientres la so etapa universitaria foi miembru d'organizaciones como Mocedaes Anarquistes[19] o'l Coleutivu 1984, colos que participó nes protestes antiglobalización de Xénova (xunetu de 2001, contra la xunta del G8, nes que resultó muertu l'activista antiglobalización Carlo Giuliani), Praga (setiembre de 2000, por cuenta de la asamblea añal de la xunta de gobernadores del FMI y del BM) y Escocia (xunetu de 2005, contra una nueva xunta del G8); nes movilizaciones en contra de la guerra d'Iraq o nes manifestaciones del 13 de marzu de 2004 frente a la sede de Partíu Popular en Madrid, tres los atentaos del 11-M.[20][21]
En 2006, foi unu de los fundadores de l'asociación estudiantil Contrapoder, un coleutivu d'izquierdes, anticapitalista ya internacionalista qu'entamó actos de refuga a la presencia de Rosa Díez na UCM y convidó a Evo Morales a impartir una conferencia na Facultá de Ciencies Polítiques.[22]
En 2012 llogró'l doctoráu so la direición de Heriberto Cairo Carou cola tesis La lucha por la hegemonía durante el primer gobierno del MAS en Bolivia (2006-2009): un análisis discursivo.[23]
Eleiciones al Parllamentu Européu de 2014 - PODEMOS editar
_110.png)
En 2014, Pablo Iglesias propúnxo-y ser xefe de campaña de Podemos nes eleiciones al Parllamentu Européu de 2014.[24] La campaña foi un ésitu, y el nuevu partíu llogró 1.245.948 votos.[25]
El mesmu Errejón convirtióse n'unu de los líderes más mediáticos del nuevu partíu, participando en conxustes televisives como La Sexta Noche.
El 15 de payares foi escoyíu como unu de los once miembros del Conseyu de Coordinación de Podemos, encargándose-y la secretaría política.[26]
Discutiniu pol so contratu na Universidá de Málaga editar
El 17 de payares, el diariu El Mundo publicó nun artículu'l contratu que Errejón tenía dende marzu cola Universidá de Málaga (UMA). El proyeutu La vivienda n'Andalucía. Diagnóstico, análisis y propuestas de políticas públicas para la desmercantilización de la vivienda taba dirixíu por Alberto Montero, profesor d'Economía Aplicada na UMA y vicepresidente de la Fundación CEPS, de la que Errejón ye vocal. Errejón fuera l'únicu candidatu presentáu al puestu d'investigación.
Podemos consideró'l casu una campaña de bilordiu" contra Errejón, por tratase d'una de les cares más visibles de Podemos, actual fuercia emerxente.[27][28]
En marzu de 2016, la Universidá de Málaga resolvió nun espediente sancionador que Errejón cometiera dos «faltes disciplinaries» derivaes de: 1. «nun desenvolver el so trabayu conforme a los términos y clauses» por non realizar el trabayu de manera presencial. 2. «nun solicitar la compatibilidá pal exerciciu d'actividaes privaes desenvueltes mientres la so vixencia» por compatibilizar el trabayu cola remuneración percibida del so llabor en Podemos. Esto acarretó'l so inhabilitación pa trabayar na UMA en proyeutos d'investigación de similares carauterístiques.[29]
En xunu de 2016, el xulgáu d'Instrucción númberu 13 de Málaga alcordó archivar la causa qu'investigaba supuestes irregularidaes nel contratu llaboral d'Íñigo Errejón como investigador na Universidá de Málaga presentada por Manes Limpias.[30]
Eleiciones autonómiques de 2015 editar
.jpg)
Errejón foi'l direutor de campaña de Podemos nes Eleiciones al Parllamentu d'Andalucía de 22 de marzu de 2015, nes que'l partíu llogró 15 escaños. Esti últimu mes participó tamién como ponente nel Foru Internacional Emancipación ya Igualdá, celebráu en Buenos Aires.[31]
Foi confirmáu como direutor de campaña de les eleiciones autonómiques previstes pal 24 de mayu.
Eleiciones xenerales de 2015 editar
Asumió la direición de la campaña eleutoral de Podemos.
Eleiciones xenerales de 2016 editar
Asumió la direición de la campaña eleutoral de Xuníos Podemos.
Voceru de Podemos nel Congresu editar
Dende la irrupción de Podemos nel Congresu de los Diputaos nes eleiciones d'avientu de 2015, Errejón asumió la portavocía del grupu tantu na llexislatura fallida como na que vieno tres la repetición d'eleiciones en xunu de 2016.[32]
Vistalegre II editar
Na segunda asamblea ciudadana de Podemos, órganu principal d'organización del partíu, Errejón encabezó una corriente con una llinia política distinta a la del secretariu xeneral, Pablo Iglesias Turrión, y presentó documentos políticos, organizativos y éticos distintos, según una llista alternativa pa los miembros de la direición xeneral de Podemos (Conseyu Ciudadanu). Nun presentó candidatu a la secretaría xeneral, y asumió que Pablo Iglesias tenía de siguir exerciendo dichu cargu, pidiendo'l votu pa él y siendo duramente criticáu por ello.
Tres les votaciones les tesis sofitaes por Errejón quedaron en minoría, perdiendo la votación nos documentos que teníen d'articular la llinia política, organizativa y ética del partíu nos próximos trés años. Ocupando la so llista'l 37% de los puestos na direición de Podemos, frente a más al 60% llográu pola llista de Pablo Iglesias.[33] De tola xente nes llistes a la direición (abiertes), Errejón quedó terceru, por detrás de Pablo Iglesias y Pablo Echenique.
El 18 de febreru de 2017 foi nomáu secretariu d'Analís Estratéxicu y Cambéu Políticu. La Secretaría Política qu'hasta'l momentu asumía sumió na nueva executiva nacional.[34]
Publicaciones editar
- Errejón, Iñigo; Serrano, Alfredo (2011). Errejón, Iñigo; Serrano, Alfredo (2011). ¡Ahora es cuándo, carajo! Del asalto a la transformación del Estado en Bolivia. Barcelona: El Viejo Topo. ISBN 978-84-15216-24-7.
- Errejón, Iñigo; Mouffe, Chantal (2015). Errejón, Iñigo; Mouffe, Chantal (2015). Construir pueblo. Barcelona: Icaria. ISBN 978-84-98886-60-3.
Referencies editar
- ↑ Afirmao en: Wikipedia en castellanu. Llingua de la obra o nome: castellanu.
- ↑ 2,0 2,1 Afirmao en: catálogu de la Biblioteca Nacional Checa. Identificador NKCR AUT: uk20211122879. Data de consulta: 1r marzu 2022.
- ↑ «Ara» (catalán). Edició de Premsa Periòdica Ara. Consultáu'l 31 ochobre 2019.
- ↑ URL de la referencia: https://transparencia.podemos.info/cargos-internos/. Data de consulta: 26 setiembre 2018.
- ↑ «Iñigo Errejón desvela la vez que más cerca estuvo "de creer en Dios": hay una razón poderosa». «En la misma línea fue Iñigo Errejón, que también explicó que no hizo la comunión. “Ni me bautizaron, en mi casa somos ateos” [...]»
- ↑ Ficha de Íñigo Errejón, en el portal de transparencia de la páxina oficial de Podemos.
- ↑ E., S. (9 d'abril de 2015).
- ↑ «Íñigo Errejón (Podemos): "Hay que entenderse con formaciones que están en contra de recortes y saqueos"». eldiario.es (27 de mayu de 2014).
- ↑ Sanz, Segundo (16 de xunu de 2014).
- ↑ Galán, Lola (14 d'abril de 1985).
- ↑ Cabal, Esteban.
- ↑ Sanz, Segundo (19 de xunu de 2014).
- ↑ «Angy Galván». Consultáu'l 16 de xineru de 2017.
- ↑ «El arguyu de Íñigo Errejón por la intervención de su madre en la Universidad de Podemos».
- ↑ «El libertario de Pozuelo». Consultáu'l 6 de febreru de 2017.
- ↑ Pina, Mariana (27 d'avientu de 2014).
- ↑ «Del anarquismo al peronismo». Consultáu'l 6 de febreru de 2017.
- ↑ Fundación General de la Universidad Complutense de Madrid (marzu a xunu de 2011). «Cine, identidades políticas y hegemonía».
- ↑ «Anarcoestatismo». Consultáu'l 6 de febreru de 2017.
- ↑ El Mundo. «Origenes de Íñigo Errejón». Consultáu'l 6 de febreru de 2017.
- ↑ Iglesias Turrión, Pablo (2008).
- ↑ Barcala, Diego (24 d'ochobre de 2010).
- ↑ Errejón, Íñigo (2012).
- ↑ «Íñigo Errejón, jefe de campaña de Pablo Iglesias, se convierte en el nuevo líder mediático de Podemos».
- ↑ Villaverde, Susana (17 de payares de 2014).
- ↑ Europa Press (16 de payares de 2014).
- ↑ F. Manetto (4 d'avientu de 2014). «Podemos atribuye el caso a “una campaña de difamación”». EL País.
- ↑ Publico/Europa Press (4 d'avientu de 2014).
- ↑ «La UMA cierra el caso Errejón con la inhabilitación del político de Podemos» (castellanu) (4 de marzu de 2016). Consultáu'l 23 d'agostu de 2016.
- ↑ agencias (Europa Press) (7 de xunu de 2016). «Un juez archiva la causa contra Errejón por su contrato como investigador con la Universidad de Málaga». eldiario.es.
- ↑ «Íñigo Errejón se reúne con Noam Chomsky en Buenos Aires».
- ↑ «Errejón será el portavoz de Podemos en el Congreso». Consultáu'l 20 de xineru de 2016.
- ↑ «Vistalegre II: Pablo Iglesias arrasa a Íñigo Errejón e impone la línea dura en Podemos».
- ↑ «Así es la nueva ejecutiva de Podemos: ocho muyeres, tres 'errejonistas' y un anticapitalista - 20minutos.es». 20minutos.es - Últimas Noticias.
Enllaces esternos editar
Wikimedia Commons acueye conteníu multimedia sobre Íñigo Errejón 
.
Datos: Q17045132- Multimedia: Íñigo Errejón
Cites famoses: Íñigo Errejón
