Wikipedia

Ómicron Aquarii

Ómicron Aquarii (ο Aqr)[1] ye una estrella na constelación d'Acuariu de magnitú aparente +4,70. Anque nun tien nome propiu habitual, xunto a Sadalmelik (α Aquarii), recibía'l títulu de Al Saʽd al Mulk, «la suerte del reinu». Coles mesmes, en China yera conocida como Kae Uh, «el teyáu».[2] D'alcuerdu al nuevu amenorgamientu de los datos de paralax de Hipparcos, alcuéntrase a 436 años lluz del Sistema Solar.

Ómicron Aquarii
Datos d'observación
(Dómina J2000.0)
Constelación Acuariu
Ascensión reuta (α) 22h 03min 18,84s
Declinación (δ) -02º 09’ 19,3’’
Mag. aparente (V) +4,70
Carauterístiques físiques
Clasificación estelar B7IVe
Masa solar 3,8 M☉
Radiu (4 R☉)
Magnitú absoluta -0,93
Gravedá superficial 2,62 (log g)
Lluminosidá 830 L☉
Temperatura superficial 12.942 ± 402 K
Metalicidá [Fe/H] = -0,16 ± 0,15
Variabilidá Variable Gamma Cassiopeiae
Astrometría
Velocidá radial 12 km/s
Distancia 436 ± 13 años lluz
Paralax 7,49 ± 0,23 mas
Referencies
SIMBAD enllaz
Otres designaciones
31 Aquarii / HD 209409 / HR 8402 / HIP 108874 / SAO 145837 / BD-02 5681 / FK5 3765
[editar datos en Wikidata]

Ómicron Aquarii ye una subxigante blancu-azulada de tipu espectral B7IVe con una temperatura efectivo de 12.942 K.[3] La so lluminosidá ye 380 vegaes superior a la lluminosidá solar[4] y tien un radiu cuatro veces más grande que'l del Sol.[3] La so masa ye de 3,8 mases solares y ta abandonando la secuencia principal, percorriendo'l 93% del so trayeutu dientro de la mesma,[4] d'ende'l so estatus de subxigante. Evidencia una metalicidá inferior a la solar ([Fe/H] = -0,16 ± 0,15)[5] y tien un débil campu magnéticu (<Be> = 85 G).[6]

Ómicron Aquarii ye una estrella Be —al igual que Phact (α Columbae) o κ Canis Majoris, tamién estrelles Be clásiques— con un discu ecuatorial caliente, consecuencia de la so alta velocidá de rotación. La rápida rotación tamién provoca que la forma de la estrella nun sía esférica sinón elipsoidal, tando esnachada polos polos; el so grau de «achatamiento» envalórase en 0,35.[7] La so velocidá de rotación proyeutada ye de 282 km/s, bien alta pero entá lloñe de la so velocidá de rotación crítica de 391 km/s, a partir de la cual la estrella se desintegraría. El so exa de rotación ta inclináu unos 70º al respective de la llinia de visión del observador terrestre. El diámetru del discu de materia puede ser ente 10 y 14 vegaes más grande que'l diámetru de la estrella.[3] Ye una estrella llixeramente variable con una variación de rellumu de 0,23 magnitúes.[8]

Referencies

editar
  1. ↑ Omi Aqr -- Be Star (SIMBAD)
  2. ↑ Allen, Richard Hinckley (1889). «Aquarius», Courier Dover Publications: Star Names — Their Lore and Meaning (n'inglés), páx. 563. ISBN 0-486-21079-0. Consultáu'l 8 de xunetu de 2012.
  3. ↑ 3,0 3,1 3,2 Meilland, A.; Millour, F.; Kanaan, S.; Stee, Ph.; Petrov, R.; Hofmann, K.-H.; Natta, A.; Perraut, K. (2012). «First spectro-interferometric survey of Be stars. I. Observations and constraints on the disk geometry and kinematics». Astronomy and Astrophysics 538. A110. http://adsabs.harvard.edu/cgi-bin/nph-bib_query?2012A%26A...538A.110M&db_key=AST. 
  4. ↑ 4,0 4,1 Zorec, J.; Royer, F. (2012). «Rotational velocities of A-type stars. IV. Evolution of rotational velocities». Astronomy and Astrophysics 537. A120. http://adsabs.harvard.edu/cgi-bin/nph-bib_query?2012A%26A...537A.120Z&db_key=AST. 
  5. ↑ Wu, Yue; Singh, H. P.; Prugniel, P.; Gupta, R.; Koleva, M. (2011). «Coudé-feed stellar spectral library - atmospheric parameters». Astronomy and Astrophysics 525. A71. http://cdsads.u-strasbg.fr/cgi-bin/nph-bib_query?2011A%26A...525A..71W&db_key=AST&nosetcookie=1. 
  6. ↑ Bagnulo, S.; Landstreet, J. D.; Fossati, L.; Kochukhov, O. (2012). «Magnetic field measurements and their uncertainties: the FORS1 legacy». Astronomy and Astrophysics 538. A29. http://adsabs.harvard.edu/cgi-bin/nph-bib_query?2012A%26A...538A.129B&db_key=AST. 
  7. ↑ van Belle, Gerard T. (2012). «Interferometric observations of rapidly rotating stars». Astronomy and Astrophysics Review 20 (1). A51. http://adsabs.harvard.edu/cgi-bin/nph-bib_query?2012A%26ARv..20...51V&db_key=AST. 
  8. ↑ Omicron Aquarii (General Catalogue of Variable Stars)

Coordenaes:   22h 3m 18.844s, -2° 9′ 19.307″

Sacáu de «https://ast.wikipedia.org/w/index.php?title=Ómicron_Aquarii&oldid=4175056»