3 Centauri
3 Centauri (3 Cen) ye una estrella binaria asitiada na zona septentrional de la constelación de Centaurus. Alcuéntrase a 347 años lluz de distancia del Sistema Solar.
Coordenaes: 
13h 51m 49.601s, -32° 59′ 38.707″
La estrella principal del sistema, 3 Centauri A (HD 120709 / HR 5210), relluma con magnitú aparente +4,53. Figura catalogada como una xigante azul de tipu espectral B5III[9] pero los sos parámetros físicos suxeren qu'inda nun abandonó la secuencia principal.[10] La so temperatura efectivo ye d'aproximao 17.500 K y la so lluminosidá ye 700 vegaes mayor que la lluminosidá solar. Tien un radiu 2,9 vegaes más grande que'l del Sol y, pa ser una estrella de les sos carauterístiques, rota amodo; la so velocidá de rotación proyeutada de 19 km/s da llugar a un periodu de rotación inferior a 8 díes. Probablemente la lenta rotación ye responsable de la so composición química anómala. Ye una estrella probe n'heliu —el conteníu d'esti elementu ye una cuarta parte del valor normal— y, amás, l'isótopu predominante na atmósfera estelar ye'l heliu-3, muncho menos abondosu nel Universu que'l heliu-4. Coles mesmes, el conteníu de dellos elementos pesaos como mercuriu, fósforu, galiu y kriptón ye sobromanera altu en rellación a los valores habituales.[10] Pequeñes variaciones nel so rellumu pudieren debese a la presencia d'una compañera cercana que dacuando la clisa; por ello recibe la denominación, tocantes a estrella variable, de V983 Centauri.[11]
La estrella secundaria, 3 Centauri B (HD 120710 / HR 5211), tien magnitú aparente +6,02 y ye una estrella blancu-azulada de la secuencia principal de tipu espectral B8V.[9] La so lluminosidá ye 82 vegaes mayor que la del Sol y tien una masa de trés mases solares, igual al 60% de la masa de la so compañera. Tien un radiu 2,1 vegaes más grande que'l del Sol y la so velocidá de rotación proyeutada, 165 km/s, ye normal pa una estrella de la so clase.[10]
La separación nel cielu ente 3 Centauri A y B ye de 8 segundos d'arcu. La distancia real ente elles ye de siquier 800 UA y el periodu orbital ye mayor de 8200 años, polo que nun se reparó movimientu orbital dalgunu. Piénsase que ye un sistema nuevu con una edá de namái unes decenes de millones d'años.[10]
Referencies
editar- ↑ Peter Philip Eggleton (setiembre 2008). «A catalogue of multiplicity among bright stellar systems» (n'inglés). Monthly Notices of the Royal Astronomical Society (2): páxs. 869–879. doi:.
- ↑ 2,0 2,1 Afirmao en: SIMBAD.
- ↑ Dimitri Pourbaix (setiembre 2004). «SB9: The ninth catalogue of spectroscopic binary orbits» (n'inglés). Astronomy and Astrophysics (2): páxs. 727–732. doi:.
- ↑ 4,0 4,1 4,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ Afirmao en: Catalogue of rotational velocities of the stars. Stated in source according to: SIMBAD. Llingua de la obra o nome: inglés. Data d'espublización: xunu 1970.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759–771. payares 2006. doi:.
- ↑ «Microturbulence in 3 Centauri A». Zeitschrift für Astrophysik: páxs. 429–434. 1968.
- ↑ Christopher J. Corbally (agostu 1984). «Close visual binaries. I. MK classifications». The Astrophysical Journal Supplement Series: páxs. 657–677. doi:.
- ↑ 9,0 9,1 V* V983 Cen -- Spectroscopic binary (SIMBAD)
- ↑ 10,0 10,1 10,2 10,3 3 Centauri (Stars, Jim Kaler)
- ↑ V983 Centauri (General Catalogue of Variable Stars)
Coordenaes: 13h 51m 49.601s, -32° 59′ 38.707″
Datos: Q4636483
