72 Ophiuchi
72 Ophiuchi (72 Oph)[1] ye una estrella asitiada na constelación d'Ophiuchus. Con magnitú aparente +3,72, ye la décima más brillosa na so constelación y la primera ente elles qu'escarez de denominación de Bayer. Nel pasáu foi la estrella más prominente de la constelación de Tigris —que representaba al ríu col mesmu nome—, güei refugada.
 72 Ophiuchi | ||
|---|---|---|
| Datos d'observación (Dómina J2000.0) | ||
| Constelación | Ophiuchus | |
| Ascensión reuta (α) | 18h 07min 20,98s | |
| Declinación (δ) | +09º 33’ 49,9’’ | |
| Mag. aparente (V) | +3,72 | |
| Carauterístiques físiques | ||
| Clasificación estelar | A4IVs | |
| Masa solar | 2,3 M☉ | |
| Radiu | (2,1 R☉) | |
| Magnitú absoluta | +1,69 | |
| Gravedá superficial | 4,12 (log g) | |
| Lluminosidá | 17 L☉ | |
| Temperatura superficial | 8260 K | |
| Metalicidá | [Fe/H] = +0,09 | |
| Astrometría | ||
| Velocidá radial | -23,9 km/s | |
| Distancia | 87 años lluz (27 pc) | |
| Paralax | 37,55 ± 0,21 mas | |
| Sistema | ||
| Nᵁ de componentes | 3 | |
| Referencies | ||
| SIMBAD | enllaz | |
| Otres designaciones | ||
| HD 165777 / HR 6771 / HIP 88771 / SAO 123142 | ||
| [editar datos en Wikidata] | ||
72 Ophiuchi ye una subxigante blanca de tipu espectral A4IVs. Con una temperatura efectivo de 8260 K,[2] ye unes 17 vegaes más lluminosa que'l Sol. A partir de la midida indireuta del so diámetru angular, 0,74 ± 0,03 milisegundos d'arcu,[3] puede envalorase el so verdaderu diámetru, siendo ésti 2,1 vegaes más grande que'l diámetru solar. Xira sobre sigo mesma con una velocidá de rotación igual o mayor de 65 km/s.[4] La so edá envalorada ye de 340 millones d'años.[5]
La composición química de 72 Ophiuchi ye distinta a la del Sol. Per una parte, amuesa una bayura relativa de fierro daqué cimeru a la del Sol ([Fe/H] = +0,09), pero ciertos elementos son «sobreabundantes» en rellación a los parámetros solares. En concretu, itriu y sodiu son cuasi tres veces más abondosos que na nuesa estrella ([Na/H] = +0,46). Otra manera, el so conteníu de cobre ye namái la metá que nel Sol.[6]
72 Ophiuchi paez tener dos compañeres estelares. La primera d'elles, 5,2 magnitúes más tenue que la estrella principal, ta separada visualmente d'ella 24,83 segundos d'arcu. La segunda, 8,1 magnitúes más tenue, ta dixebrada 24,20 segundos d'arcu.[7] El sistema alcuéntrase a 87 años lluz del Sistema Solar.
Referencies
editar- ↑ 72 Oph (SIMBAD)
- ↑ Soubiran, C.; Le Campion, J.-F.; Cayrel de Strobel, G.; Caillo, A. (2010). «The PASTEL catalogue of stellar parameters». Astronomy and Astrophysics 515. A111. http://cdsads.u-strasbg.fr/cgi-bin/nph-bib_query?2010A%26A...515A.111S&db_key=AST&nosetcookie=1.
- ↑ Richichi, A.; Percheron, I.; Khristoforova, M. (2005). «CHARM2: An updated Catalog of High Angular Resolution Measurements». Astronomy and Astrophysics 431 (4). pp. 773-777. http://vizier.u-strasbg.fr/viz-bin/VizieR-5?-out.add=.&-source=J/A%2bA/431/773/charm2&recno=2780.
- ↑ Royer, F.; Zorec, J.; Gómez, A. E. (2007). «Rotational velocities of A-type stars. III. Velocity distributions». Astronomy and Astrophysics 463 (2). pp. 671-682. http://cdsads.u-strasbg.fr/cgi-bin/nph-bib_query?2007A%26A...463..671R&db_key=AST&nosetcookie=1.
- ↑ Rieke, G. H.; Su, K. Y. L.; Stansberry, J. A.; Trilling, D.; Bryden, G.; Muzerolle, J.; White, B.; Gorlova, N.; Young, Y. T.; Beichman, C. A.; Stapelfeldt, K. R.; Hines, D. C. (2005). «Decay of Planetary Debris Disks». The Astrophysical Journal 620 (2). pp. 1010-1026. http://cdsads.u-strasbg.fr/cgi-bin/nph-bib_query?2005ApJ...620.1010R&db_key=AST&nosetcookie=1.
- ↑ Erspamer, D.; North, P. (2003). «Automated spectroscopic abundances of A and F-type stars using echelle spectrographs. II. Abundances of 140 A-F stars from ELODIE». Astronomy and Astrophysics 398. pp. 1121-1135. http://cdsads.u-strasbg.fr/cgi-bin/nph-bib_query?2003A%26A...398.1121Y&db_key=AST&nosetcookie=1.
- ↑ De Rosa, R. J.; Bulger, J.; Patience, J.; Leland, B.; Macintosh, B.; Schneider, A.; Song, I.; Marois, C.; Graham, J. R.; Bessell, M.; Doyon, R. (2011). «The Volume-limited A-Star (VAST) survey - I. Companions and the unexpected X-ray detection of B6-A7 stars». Monthly Notices of the Royal Astronomical Society 415 (1). pp. 854-866. http://cdsads.u-strasbg.fr/cgi-bin/nph-bib_query?2011MNRAS.415..854D&db_key=AST&nosetcookie=1.
Coordenaes: 
18h 7m 21.02s, 9° 33′ 49.201″
Datos: Q93523701
