A. G. Howard
Anita Grace Howard, nacida Anita Grace Ruggles (9 de xunu de 1970, Chelsea (es) 
)[1], conocida como A. G. Howard, ye una autora norteamericana de noveles, dirixíes a un públicu xuvenil adultu, de temática fantástica, revisitando pa la so audiencia los universos lliterarios d'Alicia nel País de les Maravíes o'l Pantasma de la Ópera.
A. G. Howard | |
|---|---|
| Vida | |
| Nacimientu |
Chelsea (es) , 9 de xunu de 1970 (54 años) |
| Nacionalidá |
 Estaos Xuníos |
| Estudios | |
| Llingües falaes | inglés |
| Oficiu | escritora |
 | |
Biografía
editarAnita G. Howard ye la segunda fía del matrimoniu texanu formáu pol militar de la Fuercia Aérea norteamericana Archie Ruggles Jr. y la maestra d'escuela Fola Faye Strickland Ruggles,[1], habiendo cursando la so educación primaria en distintos llugares d'Estaos Xuníos, allá onde'l so padre fora destináu. Cuando Anita G. Howard tenía 13 años, la so familia tornó a Texas y establecióse en Amarillo (Texas), onde A. G. Howard cursó la so educación secundaria obligatoria (Middle School) y Bachilleratu (High School).[2]
Con moliciones lliteraries dende l'adolescencia, A. G. Howard confiésase influyida pola poeta inglesa (d'orixe napolitanu) Christina Rossetti, y pol autor de ciencia ficción y de cómics d'horror Neil Gaiman.[2] Trabayó como bibliotecaria nun institutu d'educación secundaria de Amarillo (Texas) mientres 8 años, mientres escribía noveles (entá inédites, como Infinity's Pond), primero qu'en 2012 publicara, so contratu, el so primer llibru de la serie Splintered (Estellada). Dende entós dedícase profesionalmente a la lliteratura de ficción gótica.[2]
Mora n'Amarillo (Texas) col so home, el téunicu d'ordenadores[2] Vince Howard, y los sos dos fíos, Nicole y Ryan.[1]
Bibliografía
editarDalgunos de los llibros d'A. G. Howard publicáronse amás en formatu electrónicu o en forma d'audiollibru. Tamién fueron traducíos al alemán, español, checu, vietnamita, italianu, xaponés y hebréu.
Serie Splintered
editarVien ser una actualización del País de les Maravíes, protagonizada por una descendiente d'Alicia.
1.0_ Splintered (2013) 1.5_ The Moth in the Mirror (2013), cuentu 2.0_ Unhinged (2014) 3.0_ Ensnared (2015) 3.5_ Untamed (2015), coleición de tres cuentos: Six Impossible Things, de nuevu The Moth in the Mirror y The Boy in the Web
Serie Haunted Hearts Legacy
editarUna saga románticu-gótica na Inglaterra victoriana.
1.0_ The Architect of Song (2016) 2.0_ The Hummingbird Heart (2017) 3.0_ The Glass Butterfly (llueu) 4.0_ The Artisan of Light (llueu)
Otres obres
editar- Slasher Girls & Monster Boys (2015), obra coleutiva, una antoloxía de cuentos d'horror escoyíos por April Genevieve Tucholke. A. G. Howard participa col cuentu Stitches.
- RoseBlood (2017), una nueva versión de la Pantasma de la Ópera
- Stain (prevista la so publicación en 2019), un cuentu de fades góticu inspiráu en Prinsessen paa Ærten, de Hans Christian Andersen.
Referencies
editar- ↑ 1,0 1,1 1,2 «Obituariu de la madre de l'autora». Consultáu'l 19 d'ochobre de 2017.
- ↑ 2,0 2,1 2,2 2,3 «Sobre l'autora, nel Blogue de la mesma». Consultáu'l 19 d'ochobre de 2017.
Enllaces esternos
editar- «Blogue de l'autora». Consultáu'l 19
de d'ochobre de 2011.
Datos: Q42290232
