Asturiana de Zinc

Asturiana de Zinc
	Asturiana de Zinc, S. A. (es)
	empresa privada y negociu
Llocalización
Sede	San Xuan
Direición	España
Forma xurídica	sociedad anónima
Historia
Fundación	8 ochobre 1957
	Web oficial

Asturiana de Zinc, S. A. (AZSA) ye una empresa tradicionalmente asturiana, anguaño propiedá de la multinacional Glencore. Les sos principales actividaes son la investigación, esplotación y comercialización de toa triba de sustancies minerales, especialmente'l cinc y los productos acomuñaos a la so esplotación como'l plomu, xermaniu o ácidu sulfúrico. Y dende 2006 anició'l llogru de plata.

La empresa, fundada con capital belga y español, instálase n'Arnáu, nucleu industrial y de población na contorna d'Avilés y convirtióse na primera gran empresa d'Asturies. Amás tien mines y centros de producción n'Asturies —San Juan de Nieva— y Cantabria —Hinojedo y Reocín, yá peslláu—. Tamién cunta con presencia n'Alemaña, Australia y el Reinu Xuníu.

Historia

Nomada nel so orixe Real Compañía Asturiana de Mines, esta empresa va marcar el desendolque llocal d'esti conceyu, fáense les instalaciones que xuniríen Arnáu con Avilés y a finales del sieglu XIX, Avilés intégrase na rede de ferrocarriles españoles qu'inda va trayer más desarrollu p'Arnáu.

Nel sieglu XX, hai un gran tresformamientu industrial ya económicu pero destaca'l cambéu social producíu. Créase'l pobláu d'Arnáu, cola construcción de viviendes xerarquizaes: patronos, direutor, inxenieros, capataces obreros, y con hospitales, economatos y escueles.

Tamién, la próxima sablera de Salinas conviértese nel destín braniegu de la burguesía avilesina ya asturiana.

A mediaos del sieglu XX créase Ensidesa, depués Aceralia que va atrayer gran cantidá de mano d'obra de Castrillón. N'Arnáu, la Real Compañía Asturiana de Mines crea una filial que va ser Asturiana de Zinc. Too esto traxo una dómina de gran crecedera hasta los años 70 nel qu'empieza marcase la crisis, inda asina Salinas y Castrillón polo xeneral van siguir calteniendo la so crecedera debida al turismu y a les segundes viviendes de branu.

Anguaño ye propiedá de Glencore, una multinacional con sede en Suiza.

Referencies

Enllaces esternos

Glencore - Asturiana de Zinc
Fotografíes y Historia d'Arnáu, patrimoniu de la RCAM (enllaz rotu disponible n'Internet Archive; ver l'historial y la última versión).
Actualidá Económica de la empresa
Fondu Mina de Reocín
Páxina del Conceyu de Castrillón
Vivirasturias