Academia de les Artes y les Ciencies d'Estaos Xuníos

Academia de les Artes y les Ciencies d'Estaos Xuníos
	sociedá científica, editorial académica (es) y organización ensin ánimu de llucru
Llocalización
Sede	Cambridge
Direición	Estaos Xuníos
Forma xurídica	organización 501(c)(3) (es)
Historia
Fundación	4 mayu 1780
Fundador	John Adams; James Bowdoin
Eslogan	Sub Libertate Florent (la)
Organigrama
Presidente	Laurie L. Patton (xineru 2025); David W. Oxtoby (2019)
Sector
Industria	Educación superior
Forma parte de	ver Consejo Americano de Sociedades Científicas (es) ; Consortium of Social Science Associations (en) ; National Humanities Alliance (en) ; Comité de Ética en Publicación (es) ;
Datos económicos
Ingresos totales	19 534 769 $ (2017)
	Web oficial

L'Academia de les Artes y les Ciencies d'Estaos Xuníos (American Academy of Arts and Sciences, AAAS) ye una organización dedicada a la enseñanza y la meyora de la conocencia. Xuega'l papel d'una asociación honorífica nos Estaos Xuníos.

L'Academia foi fundada en Boston mientres la Guerra de la Independencia de los Estaos Xuníos por James Bowdoin, John Adams y John Hancock. L'oxetivu, tal que quedó recoyíu nos sos estatutos, yera'l de "cultivar les artes y les ciencies que puedan amontar l'interés, l'honor, la dignidá y la felicidá de la xente llibre, independiente y virtuosa.". Tamién participaron na fundación en 1780 Robert Treat Paine y 58 líderes de comunidaes llocales. Otres persones destacaes xuniéronse llueu a l'asociación, ente los primeros miembros atopábense Benjamin Franklin (que la so Asociación Filosófica d'Estaos Xuníos de Filadelfia impulsó a los líderes de Boston a crear una asociación más empobinada políticamente), George Washington, Thomas Jefferson y Alexander Hamilton. Falando en términos de prestíu, la pertenencia a l'Academia considérase un honor tan solo superáu pol Premiu Nobel.

En 2001 de los 3.700 miembros y los 600 miembros honorarios estranxeros 150 d'ellos fueren estremaos col Nobel y 50 col Pulitzer.^[1]

La primer muyer miembru de l'Academia foi l'astrónoma Maria Mitchell en 1848^[2] y la primera en presidila foi Patricia Meyer Spaks en 2001.^[1]

L'academia actual tien la so sede en Cambridge. Patrocina conferencies, entama proyeutos d'investigación y publica un periódicu trimestralmente, Dædalus. Anguaño l'Academia tien 4.000 miembros y cerca de 600 miembros esternos honoríficos. A lo llargo del añu académicu, son convidaos a charres y xuntes en Cambridge y los a centros de la Universidá de Chicago y la Universidá de California, Irvine.