Acanthis flammea
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
Acanthis flammea pardín de baberu  | ||
|---|---|---|
 | ||
| Estáu de caltenimientu | ||
 Esmolición menor (IUCN) | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Passeriformes | |
| Familia: | Fringillidae | |
| Xéneru: | Carduelis (sin. Acanthis) | |
| Especie: |
C. flammea Linnaeus, 1758 | |
| Distribución | ||
 | ||
| Consultes | ||
| [editar datos en Wikidata] | ||
El pardín de baberu[1] (Acanthis flammea) ye una ave paseriforme de la familia Fringillidae.
Carauterístiques
editarMide aproximao 12,5 cm de llargor. La parte cimera del so cuerpu ye de color pardu buxu con bandes más escures. El gargüelu y la zona alta del pechu son d'un tonu daqué rosáu, los lladrales presenten una coloración rosa amarellentáu con llistes negres y el banduyu ye ablancazáu; la frente y la barbadiella son coloraos y na tiesta dispónse una mancha del mesmu color anque más intensu. Dellos manches negres distribúinse percima y debaxo'l picu.
Hábitat y área de distribución
editarL'área de distribución del pardín de baberu estiéndese pel norte d'Europa, Asia y América. Dacuando alcuéntrase-y más al sur como migrador ocasional. Habita en zones montiegues, tundres y montes, cuantimás d'abedurios, coníferes, omeros, sauces y enebros.
Vida y vezos
editarXeneralmente añera sobre coníferes, abedurios, umeros o sauces. El ñeru tien forma de copa y suel tar fechu de palinos, pequeñes cañes, raigaños, liquen y plumes, y nel so interior deposítense unos 4 o 5 güevos, anque en delles oportunidaes son namái 3 y n'otres algamen los 7. Éstos guárialos la fema mientres 10 a 13 díes aproximao. Los dos proxenitores alimenten les críes y al cabu de 11 a 14 díes dende la eclosión, abandonen el nieru. El pardín de baberu fai una o dos puestes añales.
Aliméntase principalmente de granes (n'especial d'abeduriu y umeru) pero dacuando consume tamién inseutos. Ye una ave diurna.
-
Acanthis flammea -
Carduelis flammea cabaret
Referencies
editar- ↑ URL de la referencia: http://www.sabencia.net/nomenclator.php.
- BirdLife International (2009). «Carduelis flammea» (inglés). Llista Roxa d'especies amenazaes de la UICN 2010.4. Consultáu'l 07-03-2011. (n'inglés)
Enllaces esternos
editar
Wikimedia Commons acueye conteníu multimedia sobre Acanthis flammea.
| Wikispecies tien un artículu sobre Acanthis flammea. |
Datos: Q20754771- Multimedia: Acanthis flammea
Especies: Acanthis flammea
