Aeropuertu internacional
Un aeropuertu internacional ye un aeropuertu típicamente forníu con instalaciones d'aduanes ya inmigración pa xestionar vuelos internacionales con otros países.
Descripción
editarEstos aeropuertos son de normal grandes, y de vezu cunten con pistes grandes ya instalaciones afayadices p'atender a los grandes aviones que suelen ser utilizaos comúnmente pa los trayectos internacionales o intercontinentales. Los aeropuertos internacionales de cutiu alluguen vuelos nacionales (vuelos que s'efectúen dientro de les fronteres del país) amás de vuelos internacionales. En munchos de los países pequeños la mayoría d'aeropuertos son internacionales. En ciertos países sicasí, hai una subcategoría d'aeropuertos internacionales llindaos que cunten con vuelos internacionales, pero tán llindaos a los destinos de curtiu radiu (de cutiu por cuenta de factores xeográficos) o son aeropuertos mistos (civil y militar).
Munchos aeropuertos con vuelos regulares internacionales frecuentes tienen la pallabra «Internacional» nel sos nome oficial; pero otros, incluyendo aeropuertos grandes como l'Aeropuertu de Londres Heathrow, non. Al aviesu, dellos aeropuertos llámense aeropuertos internacionales, especialmente nes ciudaes pequeñes de los Estaos Xuníos, anque nun heba realmente vuelos regulares internacionales de pasaxeros al tener diches instalaciones oficines d'aduanes ya inmigración pa los vuelos charter, de carga y aviación xeneral. En munchos d'estos aeropuertos los servicios d'aduanes ya inmigración tán namái disponibles mientres unes poques hores. Un exemplu d'estos aeropuertos ye l'Aeropuertu Internacional Gerald R. Ford en Grand Rapids, Michigan. Unos pocos, como l'Aeropuertu Internacional de Gary/Chicago en Gary, Indiana, nun son n'absolutu aeropuertos internacionales; nun tán designaos como aeropuertos d'entrada pero aspiren a selo nel futuru y añadieron les pallabres «aeropuertu internacional» a los sos nomes como ferramienta de promoción.
Llista d'aeropuertos que dexaron de ser internacionales
editarOtros aeropuertos qu'enantes sirvieron vuelos internacionales anguaño cunten principalmente con vuelos nacionales (el tráficu internacional treslladóse a un aeropuertu nuevu y más grande na zona), pero caltién la designación de "internacional" nel so nome. Exemplos d'esto son:
- Aeropuertu Internacional Don Mueang (Antiguu Internacional de Bangkok), en Bangkok, Tailandia, releváu pol Aeropuertu Suvarnabhumi
- Aeropuertu Internacional de Tokiu (Haneda), en Tokiu, Xapón, releváu pol Aeropuertu Internacional Narita (anque Japan Airlines caltién dellos vuelos ente Haneda y Seúl, Shanghai y Ḥong Kong)
- Aeropuertu de Taipéi Songshan en Taipéi, Taiwán (que caltién el so nome d'Aeropuertu Internacional de Taipéi" en chinu), releváu pol Aeropuertu Internacional Taoyuan.
- Aeropuertu Internacional Gimpo en Seúl, Corea del Sur, releváu pol Aeropuertu Internacional d'Incheon
- Aeropuertu Internacional de Shanghai Hongqiao en Shanghai, China, releváu pol Aeropuertu Internacional de Shanghai Pudong.
- Aeropuertu Internacional Halim Perdanakusuma en Xakarta, Indonesia, releváu pol Aeropuertu Internacional Soekarno-Hatta.
Control d'aduanes
editarMunchos aeropuertos internacionales tamién sirven como bases d'operaciones, o llugares onde los vuelos con escales pueden aterrizar y los pasaxeros pueden tomar l'avión. Los aeropuertos internacionales de cutiu tienen munches aereollinies representaes, y munches d'estes suelen ser estranxeres.
Los pasaxeros que conecten con un vuelu nacional dende un vuelu internacional xeneralmente necesiten que l'equipaxe pase pol control d'aduanes y tenga que volver a facturase nel mostrador del vuelu nacional, necesitando más tiempu pal procesu. En dellos casos, l'equipaxe n'Europa puede facturase al destín final, inclusive si ye un vuelu nacional.
En dellos casos, los viaxeros y aviones pueden pasar el control d'aduanes ya inmigración nel aeropuertu de partida. Como exemplu d'esto, hai aeropuertos en Canadá con instalaciones de concesión d'accesu a los Estaos Xuníos. Esto fai posible que dende estos aeropuertos pueda volase a aeropuertos de los Estaos Xuníos ensin aduanes nin inmigración. L'equipaxe d'estos vuelos puede facturase al so destín final nos Estaos Xuníos.
Referencies
editarVer tamién
editar- Aeropuertu nacional
- Aeropuertu rexonal
- Aeródromu
- Aviación
- Aviación comercial
- Control de fronteres
- Enclave civil
- Torre de control
Datos: Q644371
Multimedia: International airports
