Aisha al-Gaddafi o Ayesha al-Gaddafi (árabe: عائشة القذافي, n. 25 d'avientu de 1976) ye la única fía del ex-líder de Libia Muammar al-Gaddafi y de la so segunda esposa Safia Farkash.[1]

Aisha al-Gaddafi
embaxadora de bona voluntá Organización de les Naciones Xuníes

Vida
Nacimientu Trípoli25 d'avientu de 1976 (47 años)
Nacionalidá Bandera de Libia Libia
Residencia Omán
Familia
Padre Muammar al-Gadafi
Madre Safia Farkash
Casada con Ahmed Gadafi al-Qashi (es) Traducir (2006 – )
Hermanos/es
Estudios
Estudios Universidá Denis Diderot
Universidá de París I Panthéon-Sorbonne
Nivel d'estudios doctor en ciencies
Oficiu abogada, política, militarxurista
Serviciu militar
Cuerpu militar Fuerzas Armadas de la Jamahiriya Arabe Libia (es) Traducir
Graduación Teniente xeneral
Creencies
Relixón islam
Cambiar los datos en Wikidata

Biografía editar

Abogada d'oficiu, en xunetu de 2004, tomo popularidá independiente al xunise al bufete d'abogaos del depuestu políticu iraquín Sadam Husein.[1][2]

Tamién tenía un altu rangu militar dientro de la Yamahiriya; fuera nomada teniente coronel. Sicasí, según los libios, esti cargu yera namái unu de los favoritismos que solía tener Gadafi colos sos fíos.

Preside al grupu de caridá "Wa Ittassimou" (n'árabe: وإعتصموا), quien surdieron en defensa de Muntazer al Zaidi, conocíu por haber -y llanzáu un zapatu al ex-presidente de los Estaos Xuníos George W. Bush.

Foi Embaxadora de la Paz poles Naciones Xuníes[3] hasta la so destitución en febreru de 2011 por cuenta de la Resolución 1970 del Conseyu de Seguridá de les Naciones Xuníes contra'l gobiernu del so padre.

La guerra en Libia editar

Mientres la rebelión en Libia de 2011 Aisha manifestó en repitíes ocasiones el so sofitu a la Yamahiriya y realizó dellos discursos contra la OTAN, a la qu'acusaba de querer colonizar Libia. Tamién denunció a esta mesma organización por causa de la muerte del so hermanu Saif al Arab, que foi asesináu nel bombardéu d'una instalación militar na que s'escondía. [4]

Nun principiu, Aisha permaneció en Libia ya instalóse nel complexu del so padre, Bab al-Azizia. Sicasí'l 29 d'agostu de 2011, cuando los rebeldes ocupen Trípoli, tomando amás la so propia casa,[5] decide colase a Arxelia colos sos hermanos Mohamed y Hanibal, amás de xunto a la so madre. Según l'axencia de noticies exipcia Mena, Aisha salió de Libia nun convói de seis coches blindaos. Más tarde, el representante arxelín na ONX confirmó que llegara al so país al traviés de la ciudá fronteriza de Ghadames a les 8:45 hora llocal. [6]

A otru día, na rexón arxelina de Djanet, Aisha daría a lluz a la so fía Safia. Esti embaranzu sirvió-yos de sida a ella y a la so familia pa permanecer nel país, yá qu'acoyela tando embarazada consideróse namái como una cuestión humanitaria. [7]

Dellos medios informen qu'entama abandonar Arxelia y exiliase en Venezuela, por cuenta de la estrecha rellación que xunía a Gadafi con Hugo Chávez.[8]

Agora, tres la muerte del so padre, Aisha critica fuertemente dende Arxelia al Conseyu Nacional de Transición por aciu mensaxes d'audiu, socatrando a los gadafistas a alzase n'armes contra'l nuevu gobiernu y lluchar por restablecer Gran Yamahiriya Árabe Libia Popular Socialista.[9]

Por estes polémiques declaraciones, que violen el principiu d'hospitalidá pol que fuera acoyida n'Arxelia, el Ministru de Rellaciones Esteriores arxelín Mourad Medelci dixo qu'estos mensaxes, que considera "inaceptables", van tener consecuencies, ensin especificar cualos. [10]

Vida privada editar

Aisha taba casada con un primu del so padre, Ahmed Gadafi al-Qashi, quien yera coronel antes de la cayida del réxime en 2011. Con él tuvo un total de 4 fíos, incluyíu al arxelín a quien dio a lluz tando en exiliu.[11]

Referencies editar

  1. 1,0 1,1 politicalfriendster.com. «Al Qaddafi Aisha Al Qaddafi» (inglés). Consultáu'l 23 de marzu de 2010. (enllaz rotu disponible n'Internet Archive; ver l'historial y la última versión).
  2. experiencefestival.com. «Trials of Sadam Husein: Encyclopedia II - Trials of Sadam Husein - Al-Dujail trial» (inglés). Archiváu dende l'orixinal, el 12 de setiembre de 2010. Consultáu'l 23 de marzu de 2010.
  3. Libyaonline. «Dr. Aisha Muammar Al-Gaddafi the Libyan Goodwill Ambassador of the UN» (inglés). Archiváu dende l'orixinal, el 27 de febreru de 2011. Consultáu'l 23 de marzu de 2010.
  4. La Vanguardia (7 de xunu de 2011). «Aisha Gaddafi denucia a la OTAN».
  5. NTN 24 (25 d'agostu de 2011). .
  6. The Guardiantítulu =Gaddafi family escapes to Algeria (29 d'agostu de 2011). .
  7. El Mundo (30 d'agostu de 2011). «Fíu de Gaddafi da a lluz nel exiliu».
  8. Revista Generacción (28 de payares de 2011). «Aisha Gadafi podría exiliase en Venezuela».
  9. Europa Press (30 de payares de 2011). «Aisha Gadafi pide vengar la muerte del so padre».
  10. Axencia EFE (1 d'avientu de 2011). «Arxelia considera "inaceptables" les declaraciones de Aisha Gadafi». Archiváu dende l'orixinal, el 3 d'avientu de 2011.
  11. Weekly Blitz (29 d'agostu de 2011). «Factores desconocíos de Aisha Gadafi» (inglés).