Muammar al-Gaddafi

Muammar al-Gaddafi
Presidente de la Xunión Africana
primer ministro de Libia (es)
Líder y Guía de la Revolución
Vida
Nacimientu	Qasr Abu Hadi (en) , 7 de xunu de 1942
Nacionalidá	Reinu de Libia ; República Árabe Libia ; Gran Jamahiriya Árabe Libia Popular Socialista
Residencia	Bab al-Azizia
Muerte	Sirte (es) , 20 d'ochobre de 2011 (69 años)
Sepultura	Desierto Líbico (es)
Causa de la muerte	mancada por arma de fueu
Asesín	Consejo Nacional de Transición (es)
Familia
Padre	Abu Meniar
Madre	Aisha Ben Niran
Casáu con	Fathia Nuri Khalid (es) (1969 – div. 1970); Safia Farkash (1970 – 2011)
Fíos/es	Al-Saadi al-Gaddafi; Saif al Islam Gadafi; Hanibal el Gadafi (es) ; Moatassem Gadafi; Saif al-Arab Gaddafi (es) ; Jamis Gadafi (es) ; Muhammad al-Gaddafi; Aisha al-Gaddafi
Pueblu	Qadhadhfa
Estudios
Estudios	Universidad Militar de Bengasi (es) ; Colegio de Personal británico y Comando de Servicios Conjuntos (es) ; Universidad de Libia (es) ; Fu Hsing Kang College, National Defense University (en)
Nivel d'estudios	doctor en ciencies
Llingües falaes	árabe
Oficiu	políticu, escritor, oficial
	Participante Revolución del 1 de Setiembre ;
Altor	185 cm
Trabayos destacaos	Libro verde (es) ; Tercer teoría universal
Premios	ver Medaya del Centenariu de Lenin ; Order of Bohdan Khmelnytskyi, 1st class ; Héroe de la República Popular Democrática de Corea ; Order of the Republic ; Order of the Grand Conqueror ; Estrella de la República Socialista de Rumanía ; Orden de la Amistad ; Orde de l'Amistá ; Orden nacional del Leopardo ; Order of Merit of Benin ; Order of Bogdan Khmelnitsky, 3rd class ; Order of the Republic ; National Order of Benin ; Orden de Palestina ; Order of the Star of Palestine ; National Order of Merit ; Orde Nacional de Malí ; Supreme Order of the Renaissance ; Order of Katonga ; Orde de la Bandera Nacional ; Orden de reconocimiento ; Orde de la Estrella Yugoslava ; National Order of Niger ; Orden de los Omeyas ; Orden del Coraje ; Orden del Príncipe Yaroslav el Sabio, 1° grado ; National Maltese Order of Merit ; Orde del Méritu de la República de Polonia ; Orden de Bohdán Jmelnitski ; Order of the Tribute to the Republic ; Orde de Stara Planina ; Orden del 7 de noviembre de 1987 (Túnez) ; Order of the National Flag, 1st class ; Orden de la República Federal ; Gran Cruz de la Orde Nacional de Malí ; Orde Nacional José Martí ; Medalla del río Kagera (Uganda) ; Orde del Lleón Blanco (1982) ; Orden Nacional de Chad (1997) ; Orde de la Bona Esperanza (1997) ; Order of the Yugoslavian Great Star (1999) ; Orde de la Estrella de Rumanía (1999) ; Korean Buddhist Human Rights Award (2003) ; Llave d'Oru de Madrid (avientu 2007) ; Orden de la República de Gambia (xunetu 2009) ; Orde del Llibertador (setiembre 2009) ;
Movimientu	panarabismo (es) ; anticolonialismo (es) ; nacionalismo árabe (es) ; Tercer teoría universal; Nasserismu
Serviciu militar
Cuerpu militar	Libyan Army (en)
Graduación	Coronel
Lluchó en	Guerra de Llibia de 2011; Guerra libio-egipcia (es) ; guerra tanzano-ugandesa (es) ; Conflicto entre Chad y Libia (es) ; Primer guerra civil liberiana; guerra de los Toyota (es) ; Segunda Guerra del Congu; Batalla de Trípoli (es) ; Guerra civil etíope; Revolución del 1 de Setiembre
Creencies
Relixón	Qur'an Alone (es) ; sunismu
Partíu políticu	Unión Árabe Socialista (es) ; Unión Socialista Árabe Libia (es)
IMDb	nm0300490

Muammar al-Gaddafi (7 de xunu de 1942, Qasr Abu Hadi ^(en) – 20 d'ochobre de 2011, Sirte ^(es) ) foi un militar y políticu libiu, cabezaleru del so país dende'l 1 de setiembre de 1969. Oficialmente nun ocupaba nengún cargu públicu magar que se-y atribuyía'l títulu honoríficu de "Cabezaleru de la Revolución"

Dientru'l so programa socialista de gobiernu, Gaddafi nacionalizó na década de los 70 toles empreses privaes, incluyendo la tierra, la industria petrolera y los bancos namai que permitiendo pequeños negocios de calter familiar. Nestes décades de poder en Libia afaló lo qu'elli consideraba l'estáu socialista ideal pal Tercer Mundu, La Tercera Teoría Universal y la Jamahiriya respeutivamente.

Foi acusáu de sofitar el terrorismu y les insurxencies armaes en dellos países financiando a organizaciones terroristes d'aldu anticapitalista revolucionaria como son les FARC en Colombia, l'IRA n'Irlanda y ETA n'España asina como'l sofitar a organizaciones terroristes palestines escontra Israel; ye acusáu de facer atentaos como la Masacre de Munich en 1972, la bomba na discoteca berlinesa "La Belle" en 1986, el valtamientu del Vuelu 103 de Pan Am en 1988 y del Vuelu 772 d'UTA en 1989 siempre col envís de desestibilizar les naciones y de derrocar gobiernos d'Occidente.

Militar rebelde, simpatizante de les polítiques izquierdistes anticoloniales y antioccidentales y defensor de la distribución de la bayura del país, recibió l'alcuñu del Che Guevara árabe. Intentó ser el socesor del presidente exipcianu Gamal Abdel Nasser, como tiesta visible del panarabismu y del socialismu árabe.

Nestos años de gobiernu, Gaddafi tuvo varies metamorfosis ideolóxiques. Nos entamos del réxime averóse a Francia pero al poco d'ello camudó les sos posiciones axuntándose ideolóxicamente cola Xunión de Repúbliques Socialistes Soviétiques. Sofitó'l panarabismu, l'anticomunismu, el pro-sovietismu, el panislamismu, l'intervencionismu bélicu y el panafricanismu pacifista, esti últimu convirtiólu nel pá de la Xunión Africana.

Na década de los 80 sufrió dellos ataques en reduñes del so derrocamientu por parte del gobiernu de los Estaos Xuníos; asina, nun bombardéu norteamericanu sobro Trípoli, fechu en 1986, y so l'alministración de Ronald Reagan, morría la so fía Jana.

Sofitó al militar ugandés Idi Amin con 3.000 soldaos nos tiempos de la guerra ente Uganda y Tanzania nos años finales de los 70. Ordenó la invasión de la Canga d'Aouzou por mor de les sos potenciales reserves d'uraniu y intentó derrocar al presidente Hisséne Habré na Guerra de los Toyota.

Nos entamos del sieglu XXI abandonó'l sofitu del terrorismu en terceros países y el desendolcu d'armes de destrucción masiva.

Vida familiar

Gadafi nació na ciudá de Sirte'l 7 de xunu de 1942. Pertenez a una familia de beduinos. A los 21 años graduóse en drechu. Ingresó llueu nun colexu militar y organizó la Xunión de Militares Llibres. Tuvo ocho fíos, d'ellos destaquen:

1) Saif al Islam Gaddafi: Designáu como l'únicu socesor lexímitu. Tien un grupu de medios d'información qu'inclúi televisiones por satélite y periódicos.

2) Muhamad el Gaddafi: Carez de cualquier porgüeyu pola política.

3) Al Saadi el Gaddafi: Coronel y cabezaleru de les fuercies armaes libies. Futbolista retiráu de la Serie A italiana.

4) Aisha el Gaddafi: Ye la única fía del Coronel Gadafi.

5) Hanibal el Gaddafi: Conocíu por causar un conflictu diplomáticu por mor de la so detención en Suiza tres maltratar a dellos emplegaos domésticos.

Revolución Verde Socialista

El 1 de setiembre de 1969 participó na revolución que derrocó'l réxime monárquicu del rei Idris I. Con 29 años d'edá púnxose al mandu de la Xunta Militar, el Conseyu del Mandu de la Revolución y dio anuncia de los pegollos fundamentales del so gobiernu.

1) Neutralidá esterior.

2) Xunidá nacional.

3) Prohibición de los partíos políticos.

4) Evacuación de les bases britániques y americanes del so país.

5) Esplotación de la bayura petrolera en beneficiu'l pueblu.

Creación d'un socialismu personal

En 1970 nacionalizó delles empreses petroleres, entamó los planes agrícoles na costa'l país, prohibió'l consumu d'alcohol deintru Libia y ameyoró les condiciones d'igualdá de les muyeres na sociedá desafiando al Islám tradicional, con ello la población civil del país entamó a algamar un bon nivel de vida convirtiéndose Libia na nación africana con mayor PIB.

En 1975 espublizó "El llibru verde" en tres volúmenes y onde reflexa la so visión d'un estáu.

1) La solución del problema de la democracia: el poder del pueblu.

2) La solución del problema económicu: el socialismu.

3) El fundamentu social de la Tercera Teoría Universal.

Nos años 70 fracasó nos intentos d'amestar Libia con Exiptu y Siria.

Rebelión de 2011

Depués del derrocamientu de los rexímenes autoritarios de Túnez y Exiptu entamaron a producise dellos disturbios na capital del país Trípoli, que llueu s'espardieron por munches ciudaes de Libia. Los manifestantes exixíen que Gaddafi abandonase'l poder y que s'entamara con un procesu de reformes no que cinca a los derechos humanos y al drechu a la llibre espresión dientru'l país. Pola contra Gaddafi retrucó que nun diba dexar el país y que si yera necesariu diba morrer como mártir del so pueblu.

La Interpol tenía a Gaddafi nuna alerta naranxa tres planear ataques y bombardeos en zones populares. Les Naciones Xuníes cancelaron-y cualquier viax al estranxeru y tenía conxelaes toles cuentes d'aforros nos países au agospiaba'l dineru.

Referencies

↑ URL de la referencia: http://www.nytimes.com/2013/03/08/opinion/global/the-sahel-is-the-latest-front-in-a-long-war.html, , .
↑ URL de la referencia: http://onlinelibrary.wiley.com/doi/10.1111/j.1468-5965.2012.02278.x/full.
↑ URL de la referencia: http://www.guardian.co.uk/world/middle-east-live/2011/oct/20/syria-libya-middle-east-unrest-live.
↑ URL de la referencia: https://www.theguardian.com/world/2011/oct/23/gaddafi-last-words-begged-mercy.
↑ Afirmao en: autoridaes BNF. Identificador BnF: 11920818j. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
↑ «Google Books» (distintes llingües) páxs. D-2.
↑ URL de la referencia: https://miguelgalbangutierrez.wordpress.com/2011/03/31/fidel-castro-y-hugo-chavez-respardan-los-crimenes-del-dictador-libio/.
↑ URL de la referencia: https://elpais.com/diario/2011/03/21/madrid/1300710254_850215.html. Data de consulta: 17 abril 2018.
↑ URL de la referencia: https://www.bbc.com/news/world-africa-35359593.
↑ URL de la referencia: https://elpais.com/internacional/2009/09/30/actualidad/1254261601_850215.html.

Enllaces esternos

Wikimedia Commons tien conteníu multimedia tocante a Muammar al-Gaddafi.

[6f2bf8454864d18af3e6f5a3f2aee0ef509a777e-1] URL de la referencia: http://www.nytimes.com/2013/03/08/opinion/global/the-sahel-is-the-latest-front-in-a-long-war.html, , .

[75e232e674d960040b20beb56369ce9d60fcdcff-2] URL de la referencia: http://onlinelibrary.wiley.com/doi/10.1111/j.1468-5965.2012.02278.x/full.

[d3a63f04529666fcc2011778c209385c5d4f630f-3] URL de la referencia: http://www.guardian.co.uk/world/middle-east-live/2011/oct/20/syria-libya-middle-east-unrest-live.

[906b871d77a445de9683dccb065a15d2a3aa243a-4] URL de la referencia: https://www.theguardian.com/world/2011/oct/23/gaddafi-last-words-begged-mercy.

[634ed7e40173bc7595d47c78d3c07a71000c6517-5] Afirmao en: autoridaes BNF. Identificador BnF: 11920818j. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[ddeee49b99d029b2e75dbdb46543e46f05b78a4d-6] «Google Books» (distintes llingües) páxs. D-2.

[362734979d2da6aea4f02e0dd485c3a92a8217de-7] URL de la referencia: https://miguelgalbangutierrez.wordpress.com/2011/03/31/fidel-castro-y-hugo-chavez-respardan-los-crimenes-del-dictador-libio/.

[5c0cd1cb9b4b15a5aef660f49b05838183ccd68f-8] URL de la referencia: https://elpais.com/diario/2011/03/21/madrid/1300710254_850215.html. Data de consulta: 17 abril 2018.

[7588765fc9d5c9d3775321ced21e3e243cbd30e1-9] URL de la referencia: https://www.bbc.com/news/world-africa-35359593.

[66b2ef1cd95952afb2002398d3e65fdea457137a-10] URL de la referencia: https://elpais.com/internacional/2009/09/30/actualidad/1254261601_850215.html.

[1]

[2]

[3]

[4]

[5]

[6]

[7]

[8]

[9]

[10]