Alberto Rionda
Alberto Rionda Martínez (2 de setiembre de 1972, Uviéu) ye un guitarrista asturianu, fundaor, compositor, guitarrista y productor del grupu de metal asturianu Avalanch.
Alberto Rionda | |
|---|---|
.jpg) | |
| Vida | |
| Nacimientu | Uviéu, 2 de setiembre de 1972 (52 años) |
| Nacionalidá |
 España |
| Estudios | |
| Llingües falaes | castellanu |
| Oficiu | guitarrista, compositor |
| Xéneru artísticu | metal progresivu |
 | |
Trayeutoria musical
editarAlberto Rionda entamó mui xoven a sentir rock y, según dixo n'entrevistes, ta perinfluyenciáu pola mítica banda Queen.
Estudió 5 años de guitarra clásica na Escuela de Música de Llanera[1] en Posada. En 1997 entama trabayar como guitarrista profesional n'Avalanch, asina como compositor, lletrista, arreglista, teclista, productor y téunicu de soníu nel so propiu estudiu de grabación "Bunker Estudios" en Posada. Tamién ye guitarrista de l'agrupación folk Asgaya, con un álbum d'estudiu yá editáu, con temes n'asturianu. Asina como de Stunned Parrots,[2] grupu formáu por componentes d'Avalanch y Stormy Mondays. Amás de producir a la so banda, tamién trabayó en munches proyeutos nacionales ((Stunned Parrots, Leather boys, Geysser,[3] Amadeüs,[4] Tendencia, Talesien, Plan B, etc.)
Col so grupu por escelencia "Avalanch", asoléyo nel mercáu 11 álbumes y 3 DVD, de los que vendió miles de copies tanto nel territoriu nacional como nel estranxeru (Llatinoamérica, EE.XX. y Europa) y col que fizo multitú de xires nacionales e internacionales, dende'l añu 1997, a una media de 60 conciertos anuales.
Alberto Rionda recibió varios premios nacionales concedíos pola prensa especializada como meyor guitarrista d'España (referendu 1999 Heavy Rock), compositor y productor. A nivel asturianu otorgáron-y los Premios AMAS al meyor guitarrista asturianu,[5] y al meyor lletrista[6]
Prestó la so collaboración a dellos grupos nacionales como Homo-Demen[7] o Amadeüs (Guitarres acústiques nel tema Árbol Viejo del so álbum Caminos del alma). Amás de producir el discu debút de Taranus y collaborar cola so guitarra nel canciu "Señor de la Guerra".
Foi compositor de músiques orixinales y lletrista p'agrupaciones musicales, teatru (de 3 a 4 producciones per añu), películes d'animación 3D, spots publicitarios, cine, programas de TV, etc. Munchos de los singles más famosos n'Asturies tán creaos por él. Fizo la música orixinal completa pa un programa de divulgación cultural de la 2ª cadena de TVE, emitió selmanalmente tamién pela canal internacional de TVE.
Téunicu d'estudiu, de PA. y productor pa multitú de bandes del país y de fora, non sólo de rock, sinón tamién de folk, pop, músiques del mundiu, música clásica, etc. Fizo cientos de trabayos profesionales, tanto a nivel de grabación y mezu como de mastering.
Profesor pa téunicos d'estudiu, en collaboración cola escuela de música de Posada y el so Ayuntamientu, dio delles clases nos sos propios estudios, enfocaes al trabayu del téunico de soníu y productor artísticu de proyeutos musicales.
Profesor de guitarra llétrica dende 1997, con mayor o menor dedicación a la docencia na medida que les sos actividaes profesionales-y lo permiten. Anguaño, exerz como direutor y profesor de guitarra llétrica, producción y composición de rock y talleres de rock na escuela de música Derrame Rock School[8] d'Uviéu.
Les sos composiciones tien un soníu mui carauterísticu que se carauteriza pola presencia de variaciones nes escales tanto nes guitarres como nes llinies vocales. En riffs, la contundencia y coherencia son carauterísticos. Nos solos, aveza a siguir una llinia melódica lóxica, de manera que la mayoría son fáciles de recordar, pero ensin cayer nuna cenciellez o repetición.
Dende yá hai años usa la so Gibson Les Paul namái, y dexó en segundu planu l'Ibanez JEM Steve Vai Signature.
Discografía
editarCon Avalanch
editarÁlbumes d'estudiu
editar- La llama eterna (1997)
- Llanto de un héroe (1999)
- El ángel caído (2001)
- Los poetas han muerto (2003)
- Las ruinas del Edén (2004)
- El hijo pródigo (2005)
- Muerte y Vida (2007)
- El Ladrón de Sueños (2010)
- Malefic Time: Apocalypse (2011)
- El Secreto (2019)
Versiones ingleses/Regrabaciones/Recopilaciones
editar- Eternal Flame (1998) - Versión n'inglés del álbum La llama eterna
- Mother Earth (2005) - Versión n'inglés del álbum Los poetas han muerto
- Un paso más - Grandes éxitos (2005) - Incluye dos temes nuevos y dos versiones n'acústicu, amás del videoclip dAlas de cristal' y un videu en direuto de Alborada
- El ángel caído XV aniversario
Videos/DVD/Discos en direutu
editar- Días de Gloria (2000)
- Cien Veces (2005) - DVD en direutu
- Lágrimas Negras - (2006) - DVD en direutu
- Caminar sobre l'agua - (2008) - 2CD+DVD en direutu.
- Coleición Avalanch (6CD+DVD) - (2009)
Singles
editar- Save me (2000)
- Delirios de grandeza (2001)
- Lucero (2003)
- Las ruinas del Edén (2004) - 4 temes (Promocional de los 3 conciertos Fin de Xira n'Asturies)
- Where The Streets Have No Name (2004)
- Alas de cristal (2005)
- Mil Motivos (2010)
- Malefic Time: Apocalypse (2012)
Con Stunned Parrots
editar- "Vol. 1 - Pining for the Fjords" (2006)
Con Geysser
editar- El hombre sin talento (2010)
N'asturianu
editar- Escontra'l tiempu (2006)
Ver tamién
editarReferencies
editar- ↑ http://www.escuelamusicallanera.com/index.php?id=34,37,0,0,1,0
- ↑ «Archived copy». Archiváu dende l'orixinal, el 2006-06-24.
- ↑ «Archived copy». Archiváu dende l'orixinal, el 2011-09-25.
- ↑ http://es-es.facebook.com/pages/Amade%C3%BCs/42759677384
- ↑ «Archived copy». Archiváu dende l'orixinal, el 2013-01-02.
- ↑ «Archived copy». Archiváu dende l'orixinal, el 2011-08-29.
- ↑ http://www.myspace.com/homodemen
- ↑ «Archived copy». Archiváu dende l'orixinal, el 2016-03-09.
Enllaces esternos
editar- http://www.avalanch.net/biografia/alberto.html Archiváu 2011-03-24 en Wayback Machine
- http://www.derramerockschool.com/web/index.php?menu=5&pagina=alberto-rionda Archiváu 2016-03-09 en Wayback Machine
- http://es-es.facebook.com/pages/Alberto-Rionda/53277345237?sk=info
- http://www.stunnedparrots.com/ Archiváu 2006-06-24 en Wayback Machine
- http://www.geysser.com/Geysser_-_Web_oficial.html Archiváu 2011-09-25 en Wayback Machine
- Páxina oficial de Avalanch
Datos: Q5199463
Multimedia: Alberto Rionda
