Taranus
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Taranus ye un grupu de folk metal d'Asturies, que canta n'asturianu, bretón ya italianu.
| Taranus | ||
|---|---|---|
 | ||
| Datos xenerales | ||
| Orixe | Xixón /Villaviciosa | |
| Información artística | ||
| Xéneru(os) | Folk metal | |
| Periodu d'actividá | 1994 a 1996 - 2009 - actualidá | |
| Sellu discográficu | Santo Grial | |
| Miembros | ||
|
Antonio Carballo - Guitarra llétrica, Guitarra acústica, Voz llimpio. Xesús Nel García “ChusMa” – Guitarra llétrica, Xiblates y Voz gocho. Diego Diaz Martino “Super” - Baxu y Voz medio. Fernando Diaz “Pindy” - Gaita y Xiblates Susana Mortem - Voz sopranu. Marco Álvarez - Batería | ||
| [editar datos en Wikidata] | ||
Historia editar
Anque la formación d'anguaño ye de 2009, Taranus ñaz de les ensuañaciones de dellos rapazos nel añu 1994 enfotaos en facer un amiestu ente la musica de Llan de Cubel y Manowar…daqué percomplicao n'aquella Asturies pa unos guaḥes de 16 años.
Dempues de partcipar en delles formaciones de toa triba (La Gueta La Runa, Xana Escura, Lloreu, The Crying Hounds, Amuesa Folk, Oi! N'Ast, etc…). ChusMa y Carballo deciden refundar la idea original 15 años dempués. Pero la realidá asturiana golpea de nuevu al grupu, dellos de los miembros orixinales anque n'activu na musica tan lloñe del llar (Balears, Canaries y Galiza). Los pilancos son superaos con sangre nuevo, Diego Martino (ex-Agonía) y Pindy (ex- Brenga Astur). Entama una nueva etapa en Taranus comu grupu de dark folk, por embargu, el grupu a dulces va faciendo un soniu mas fuerte y brengosu y decidese meter un batería (Jose Manuel Bernabeu). Cola nueva formación se faen cantares con igües enflenciaes por grupos tan estremaos como My Dying Bride, Sick Of It All o In Extremo, pero n'asturianu. La musica de Taranus viaxa a Galiza, Burgos y gran parte d'Asturies, participando en dellos festivales de Rock, Folk o revindicaciones sociales.
Nel añu 2009 Taranus participa nel discu compartiu COMA II de grupos noveles patrocinau pol aytu. Xixón. Nel añu 2010 Taranus gana el premiu al grupu mas orixinal nel concursu del “AHA”. Nesi mesmu añu participen nel recopilatoriu en direutu “Republicastur” xunto con Boikot, Fe de Ratas, Skontra, Desakato y Sambre.
Durante'l branu de 2011, entama una nueva domina pa Taranus cola incorporación de la sopranu Susana Mortem. Durante esi mesmu branu Taranus algama 400 espectadores durante un de los sos conciertos nel ciclu de “los conciertos del palaciu”.
N'avientu de 2012 espublizen lo que ye'l so primer trabayu, grabau nos estudios Bunker de Llanera. Coles collaboraciones de Ramón Lage y Alberto Rionda d'Avalanch.
Cola so participación el documental "Los colores del Viento" queden nomaos a meyor banda sonora de documental nos premios AMAS.
En febreru de 2013 queden esbillaos pa la final del Premiu al meyor cantar n'asturianu 2013, siendo escoyíos ganadores na gala celebrada nel teatru de la Universidá Llaboral de Xixón el 1 de marzu col cantar «Ensin ti».
Componentes d'aguaño editar
- Antonio Carballo - Guitarra llétrica, Guitarra acustica, Voz llimpio.
- Xesús Nel García “ChusMa” – Guitarra llétrica, Xiblates y Voz gocho.
- Diego Diaz Martino “Super” - Baxu y Voz medio.
- Fernando Diaz “Pindy” - Gaita y Xiblates.
- Susana Mortem - Voz sopranu.
- Marco Álvarez - Batería.
Anteriores componentes editar
- Fernando García: Guitarra acustica y baxu.
- Juan Manuel Lopez: Guitarra llétrica y voz.
- Jose Manuel Bernabeu - Batería
Referencies editar
Enllaces esternos editar
Wikimedia Commons tien conteníu multimedia tocante a Taranus.
Datos: Q9081891
