Amélie

Amélie (títulu orixinal: Le fabuleux destin d'Amélie Poulain, "El fabulosu destín d'Amélie Poulain"; llanzada oficialmente como Amélie de Montmartre) ye una película francesa, del xéneru comedia romántica que s'estrenó en 2001. L'eslogan de la película yera "Va cambiate la vida..." (En francés: "Elle va te changer la vie...").

Amélie
Datos
Títulu orixinal	Le Fabuleux Destin d'Amélie Poulain
Xéneru	comedia romántica , cine de comedia y cine dramáticu
País d'orixe	Francia y Alemaña
Añu	2001
Idioma orixinal	francés
Duración	122 min.
Ficha téunica
Direición	Jean-Pierre Jeunet
Producción	Claudie Ossard
Guión	Jean-Pierre Jeunet y Guillaume Laurant
Música	Yann Tiersen
Fotografía	Bruno Delbonnel
Edición	Hervé Schneid
Repartu	Audrey Tautou, Mathieu Kassovitz, ‎Jamel Debbouze‎, Dominique Pinon, Yolande Moreau, ‎André Dussollier‎, Isabelle Nanty, Rufus, Ticky Holgado, ‎Andrée Damant‎, Armelle, Artus de Penguern, ‎Christiane Bopp‎, ‎Claire Maurier‎, ‎Claude Perron‎, ‎Clotilde Mollet‎, ‎Dominique Bettenfeld‎, ‎Fabienne Chaudat‎, ‎François Viaur‎, ‎Frankie Pain‎, Frédéric Mitterrand, ‎Guillaume Viry‎, ‎Jean Rupert‎, ‎Jean-Pierre Becker‎, Jonathan Joss, ‎Lorella Cravotta‎, ‎Luc Palun‎, ‎Marie-Laure Descoureaux‎, ‎Maurice Bénichou‎, ‎Michel Robin‎, ‎Michel Serrault‎, ‎Philippe Paimblanc‎, Pierre Étaix, ‎Serge Merlin‎, ‎Sophie Tellier‎, ‎Thierry Gibault‎, ‎Urbain Cancelier‎, ‎Valériane de Villeneuve‎, ‎Jacques Thébault‎, ‎Patrick Paroux‎ y ‎Jean-Pol Brissart‎
Ver llista completa
Compañíes
Productora	France 3 Cinéma , Canal Plus, Miramax, UGC Images , Tapioca Films y MMC Movies
Distribuidora	Mokép
Recaldación	173 900 000 $
Enllaces esternos
Ficha n'IMDb
Ficha en FilmAffinity
Web oficial

Ta escrita por Guillaume Laurant y pol so direutor, Jean-Pierre Jeunet.

Convirtióse nuna de les películes franceses más taquilleres de tolos tiempos, desbancando a les americanes en Francia y algamando sonadía n'Estaos Xuníos, el restu d'Europa y hasta Xapón.

Sinopsis

Amélie Poulain, ye una camarera que trabaya nun bar-estancu de Montmartre. Tuvo una neñez solitaria marcada pola tráxica muerte de so madre, y la escasa atención de so padre. Pasa'l so tiempu observando a la xente y dexando esnalar la so imaxinación. Ella márcase una meta: facer el bien de los que l'arrodien. Inventa entós histories pa intervenir d'incógnitu na vida de la xente pa face-yosla más feliz. El so encuentru con Nino Quincampoix, vendedor nun sex-shop, pero suañador y orixinal, va venir a alteriar los sos planes.

Repartu

• Audrey Tautou - Amélie Poulain
• Mathieu Kassovitz - Nino Quincampoix
• Rufus - Raphaël Poulain, pa d'Amélie
• Yolande Moreau - Madeleine Wallace, la portera
• Arthus de Penguern - Hipolito, l'escritor
• Urbain Cancelier - Collignon, l'ayudante del tenderu

Esta película distribuyóse nos Estaos Xuníos por Miramax y llanzóse en payares de 2001.

Premios

La película foi un ésitu de taquilla, algamó gallardones nacionales y internacionales. Tuvo nominada pa cinco Premios Óscar:

• Meyor direución artística, Aline Bonetto (direutora d'arte), Marie-Laure Valla (decoradora del set)
• Meyor cinematografía, Bruno Delbonnel
• Meyor película foriata, Francia
• Meyor guión orixinal, Guillaume Laurant, Jean-Pierre Jeunet
• Meyor soníu, Vincent Arnardi, Guillaume Leriche, Jean Umansky

Nel añu 2002, en Francia, ganó'l Premiu César por:

• Meyor película
• Meyor direutor
• Meyor banda sonora
• Meyor direución artística

La película foi seleccionada pol periódicu The New York Times dientro de les 1000 meyores películes enxamás rodaes.

Enllaces esternos

• Critics' Reviews of Amélie (Inglés)
• IMDB - Le Fabuleux destin d'Amélie Poulain (Inglés)