Anabel Montes Mier (1987Uviéu) ye una capitana marítima y activista social asturiana.[2]

Anabel Montes Mier
Vida
Nacimientu Uviéu1987[1] (36/37 años)
Nacionalidá España
Residencia Barcelona
Estudios
Llingües falaes castellanu
inglés
Oficiu socorrista, capitana de barcuactivista social
Emplegadores Proactiva Open Arms (es) Traducir
Médicos Ensin Fronteres
Cambiar los datos en Wikidata

Biografía editar

Montes nació en 1987 nel pueblu uvieín de San Isteba. Empecipió la so vinculación al mundu acuáticu prauticando la natación nel Club Natación Ciudá d'Uviéu, equipu nel que tuvo 11 años. Estudió la educación obligatoria nun colexu de la orde de les Dominiques y, años dempués, empecipió los sos estudios cimeros de la llicenciatura d'Historia, pero nun los remató, dexándolos en cuartu cursu. A nivel llaboral trabayó de socorrista acuática, primero como voluntaria en Cruz Roxa, 12 años (8 n'Asturies y 4 en Barcelona).[3] Al mesmu tiempu foi completando la so formación con cursos especializaos de rescate en ríos y banzaos, asina como la titulación de patrona d'embarcaciones de recréu. A fines de la década de 2000 emigró a la ciudá de Barcelona para siguir venceyada al socorru y salvamentu nel mediu marítimu.[2]

Estaya en Proactiva Open Arms editar

N'avientu de 2015 ingresó na ONG Proactiva Open Arms.[2] Nes sos files dirixó operaciones dende'l mar como tamién coordinó asuntos loxísticos dende tierra.[2] Los dos primeros años tuvo en Lesbos sofitando el rescate como patrona d'embarcaciones rápides y como coordinadora de la operación na islla.[3] Nel mar Mediterraneu participó en 15 misiones nos barcos Astral, Golfo Azzurro y Open Arms , principalmente como patrona menos nos cuatro siguientes que lo fizo como xefa de misión nel Open Arms.[3]

N'agostu de 2019 taba a cargo del polémicu desembarcu en Lampedusa (Italia) de 160 refuxaos rescataos nes mariñes de Libia.[4][2] Por mor de la negativa inicial de les autoridaes italianes a dexar el desembarcu, el barcu quedó fondiando 19 díes n'espera, a 800 metros del puertu de Lampedusa, [2][5] fechu que xeneró situaciones de congoxa y tensión ente la tripulación hasta'l puntu de que dalgunos de los rescataos llanciáronse a l'agua pa intentar llegar a nadu a la costa.[2] Les tensiones polítiques en materia migratoria asocedieron mientres y dempués del desembarcu, yá fora cola oposición total del vicepresidente y ministru del Interior italianu, Matteo Salvini,[6] como cola vicepresidenta española Carmen Calvo, la qu'anunció posibles sanciones la ONG que podríen llegar hasta los 900.000 euros.[7]

Referencies editar

  1. URL de la referencia: https://www.elcomercio.es/asturias/open-arms-anabel-montes-asturiana-20190825192331-nt.html.
  2. 2,0 2,1 2,2 2,3 2,4 2,5 2,6 Lamadrid, Paloma. ElComercio.es (ed.): «Anabel Montes, la asturiana convertida en un símbolo en el rescate de inmigrantes en la mar» (castellanu). Consultáu'l 13/9/2019.
  3. 3,0 3,1 3,2 Redeacampa.org (ed.): «Anabel Montes - Proactiva Open Arms» (castellanu). Consultáu'l 14/9/2019.
  4. Ara.cat (ed.): «La tripulació de l'Open Arms - Anabel Montes». Consultáu'l 13/9/2019.
  5. ElDiario.es (ed.): . Consultáu'l 14/9/2019.
  6. CCMA.cat (ed.): . Consultáu'l 14/9/2019.
  7. Lamadrid, Paloma. ElComercio.es (ed.): . Consultáu'l 14/9/2019.

Enllaces esternos editar