Ankhesenamón

Anjesenamón (tamién conocida como Ankesenamón) foi la tercera de los seis fíes d'Ajenatón (Akenatón) y de la Gran Esposa Real, Nefertiti. El so nome orixinal, Anjesenpaatón, significa La que vive por Atón. Desconozse la fecha esacta de la so nacencia, pero ye probable que fuera la primera de les princeses reales que naciera na acabante fundar capital d'Exiptu, Ajetatón.

AnkhesenamónPicto infobox character.png
Ankhesenpaaten-StatuetteHead BrooklynMuseum.png
faraona

Vida
Nacimientu Amarna (es) Traducir1347 edC
Nacionalidá Antiguu Exiptu
Muerte Menfissieglu  XIVedC
Sepultura Valle de los Reis
Familia
Padre Akenatón
Madre Nefertiti
Casada con Tutankamón
Fíos/es
Hermanos/es
Pueblu Akenatón
Dinastía XVIII d'Exiptu
Oficiu
Oficiu política
Cambiar los datos en Wikidata

Apaez en munches representaciones, acompañada siempres de los sos padres, Ajenatón y Nefertiti, lo mesmo que de los sos dos hermanes mayores. Créese amás que, nun ciertu momentu de finales del reináu del so padre, casóse con él[1] ya inclusive se fala de la esistencia d'una fía nacida d'esti incestu real, de nome Anjesenpaatón-Tasherit.[2]

Sía como fora, a la muerte del so padre, casóse col príncipe Tutankamón.,[2][3] fíu y socesor de Ajenatón, convirtiéndose asina na Gran Esposa Real, en 1327 e.C. Cuando'l so maríu restableció'l cultu a Amón y reabrió los templos, tres la revolución relixosa que llevó a cabu'l so padre, dambos camudaron los sos nomes, siendo respeutivamente Tutankamón (antes Tutankatón) y Anjesenamón.[4]

El pasu pola hestoria d'esta reina exipcia foi curtia. Al quedar vilba cuando Tutankamón morrió nel añu 9 del so reináu, casar col so güelu Ai[5] y depués sume de los documentos exipcios. Esto fixo pensar qu'ella pudo ser la reina viuda qu'escribió una carta a los hitites, los acérrimos enemigos de los exipcios, solicitando un príncipe col que casase y col que se convertiríen na nueva pareya real. Ye'l casu de Dahamunzu.

La repentina xubida al tronu d'Ai fixo pensar que foi n'esbaratando aquella insólita conxura, y ye lóxicu que la reina viuda Anjesenamón fuera callada ya inclusive esaniciada pola so traición. Aun así, entá ta por afayar la identidá d'esta reina, y formuláronse otres hipótesis, como les de Nefertiti (la que cobra más fuercia últimamente) o Meritatón, la mayor de les fíes de Nefertiti y Ajenatón.

Ye posible que la reina seya una de les misterioses momies de la tumba KV21 nel Valle de los Reis

Ver tamiénEditar

Enllaces esternosEditar

ReferenciesEditar

  1. Reeves, Nicholas (2001). Akhenaten: Egypt's False Prophet. Thames and Hudson.
  2. 2,0 2,1 Dodson, Aidan (2004). The Complete Royal Families of Ancient Egypt. Thames & Hudson, 148.
  3. Manley, Suzie. «Ankhesenamun - Queen of Tutankhamun and Daughter of Akhenaten». Egypt * Pyramids * History. Archiváu dende l'orixinal, el 16 de payares de 2015.
  4. «Queen Ankhesenamun». Saint Louis University.
  5. Grajetzki, Wolfram (2000). Ancient Egyptian Queens; a hieroglyphic dictionary. London: Golden House, 64.