Meritatón

Meritatón
faraona	;
faraona
Vida
Nacimientu	Tebes, sieglu XIVedC
Nacionalidá	Antiguu Exiptu
Muerte	Amarna (es) , sieglu XIVedC
Familia
Padre	Akenatón
Madre	Nefertiti
Casada con	Semenejkara (es)
Fíos/es	Mérytaton Tasherit
Hermanos/es	Tutankamón; Meketatón; Mérytaton Tasherit; Neferneferuatón-Tasherit; Neferneferura; Setepenra; Anjesenpaatón-Tasherit; Anjesenamón
Pueblu	Dinastía XVIII d'Exiptu
Oficiu	reina consorte

Meritatón, que significa "L'amada de Atón", foi una princesa exipcia de la Dinastía XVIII d'Exiptu. Yera la primoxénita del rei Amenofis IV (qu'unos años dempués camudaría'l so nome pol d'Akenatón) y la Gran Esposa Real, Nefertiti. El so nome significa amada de Atón. Les sos hermanes fueron Meketatón, Anjesenamón, Neferneferuatón Tasherit, Neferneferura, y Setepenra.^[2]

Ye posible que Meritatón naciera nel primer o'l segundu añu de reináu del so padre, na ciudá de Tebas. Quedaben entá trés años pa la definitiva rotura ente'l faraón y el sacerdociu d'Amón, y el "exiliu" de la familia real y la corte a una acabante fundar capital nel Mediu Exiptu, a la que s'impondría'l nome d'Ajetatón.

Mientres los primeres 14 años del reináu del so padre, Meritatón foi la segunda dama de la corte y la fémina más importante del país, namái por detrás de la so madre. Apaez n'infinidá de representaciones acompañada de los sos padres y dacuando tamién de les sos hermanes menores, y esisten numberoses escultures d'elles que llamaron l'atención pola forma tan ovalada de la so cabeza. Precisamente esta estraña anomalía fixo pensar si la princesa nació cola cabeza asina, foi productu d'una "moda" na corte o a cencielles yera una representación idealizada.

Paez ser que mientres l'añu 12 o 13 de Akenatón, ésti cásase con Meritatón. Esta práutica d'incestu real, impropia del Exiptu faraónicu (namái Amenofis III y Ramsés II, amás de Akenatón, casóse con fíes sos), paez ser que foi pa consiguir una mayor concentración de sangre real en posibles herederos. Quiciabes foi esta práutica la que traxo al mundu a la princesina Meritatón-Tasherit, frutu del incestu ente padre y fía.

La difícil trama de los últimos años de reináu de Akenatón complícase cuando apaez la figura de Semenejkara Nefertiti. Smenkara tenía como gran esposa real a Meritatón. Créese que Semenejkara yera la mesma Nefertiti y el matrimoniu yera un puru simbolismu.

Al morrer Akenatón, piénsase qu'hubo un curtiu reináu de Smenkara en solitariu, pero que nun foi cimeru al añu y mediu. ¿Qué foi de Meritatón entós? Ye realmente frustrante ver que, tres la muerte de Akenatón, el periodu que yá de por sí yera bien confusu, nun fai más qu'esaniciar a la inmensa mayoría de los sos protagonistes. En bien pocu tiempu hai un nuevu rei nel tronu, el mozu Tutankamón, y nun hai la más mínima buelga de Semenejkara nin de Meritatón. Ye posible qu'esta postrera yá morriera daquella (tendría unos 17 años d'edá tan solo), pos se sabe que la gran esposa real de Tutankamón nun foi ella, sinón la única de les sos hermanes sobrevivientes, Anjesenpaatón.

Nun se sabe ónde foi soterrada esta reina y la so momia entá nun foi afayada.

Ver tamién

Les Reines de Amarna

Enllaces esternos

Referencies

↑ ^1,0 ^1,1 Afirmao en: Chronicle of the Queens of Egypt. Páxina: 136–137. Editorial: Thames & Hudson. Llingua de la obra o nome: inglés británicu. Data d'espublización: 2006. Autor: Joyce Tyldesley.
↑ Aidan Dodson & Dyan Hilton: The Complete Royal Families of Ancient Egypt. Thames & Hudson, 2004, ISBN 0-500-05128-3, p.142-157

[4a6f8c29d5cc1cfa275c3ead45de6cad64a5c5c6-1] 1,0 ^1,1 Afirmao en: Chronicle of the Queens of Egypt. Páxina: 136–137. Editorial: Thames & Hudson. Llingua de la obra o nome: inglés británicu. Data d'espublización: 2006. Autor: Joyce Tyldesley.

[2] Aidan Dodson & Dyan Hilton: The Complete Royal Families of Ancient Egypt. Thames & Hudson, 2004, ISBN 0-500-05128-3, p.142-157

[2]

[1]