Anna Muzychuk
Anna Olegivna Muzychuk (n'ucraín: Ганна Олегівна Музичук; Ana Muzičuk) (28 de febreru de 1990, Lviv)[3][4] ye una gran maestra d'axedrez ucraína. De 2004 a 2014 xugó pa Eslovenia. Ye la cuarta muyer, dempués de Judit Polgár, Humpy Koneru y Hou Yifan, en superar la puntuación Elo de 2600, llegando a algamar una calificación de 2606 en xunetu de 2012.
Anna Muzychuk | |
|---|---|
.jpg) | |
| Vida | |
| Nacimientu | Lviv[1], 28 de febreru de 1990[2] (34 años) |
| Nacionalidá |
 Ucraína |
| Llingua materna | ucraín |
| Familia | |
| Hermanos/es |
Mariya Muzychuk (es)  |
| Estudios | |
| Estudios |
Lviv State University of Physical Culture (en) |
| Llingües falaes |
croata rusu eslovenu inglés alemán castellanu |
| Oficiu | |
| Oficiu | axedrecista |
|
| |
|
Participante
| |
| Puntuación ELO | 2525 (xunetu 2024) |
| Premios |
ver
|
| Miembru de |
Évry Grand Roque (en) OSG Baden-Baden (en) Club d'Axedrez d'Eppingen |
 | |
Muzychuk ganó'l Campeonatu Mundial Femenín d'Axedrez Rápidu (en 2016) y el Campeonatu Mundial Femenín d'Axedrez Blitz en dos ocasiones (2014 y 2016).
Biografía
editarLos padres de Muzychuk, dambos entrenadores profesionales d'axedrez, aprendiéronla a xugar a la edá de dos años. Xugó'l so primer tornéu a los cinco y nesi mesmu añu quedó en segundu llugar nel campeonatu de neñes menores de 10 años del Óblast de Lviv.[5]
De 1997 a 2005 ganó delles medayes nos Campeonatos Xuveniles d'Ucraína, Europa y el Mundu. Ganó l'oru nel campeonatu européu de neñes menores de 10 años en 1998 y 2000, el campeonatu de neñes ucraínes menores de 10 años en 2000, los campeonatos xuveniles ucrainos y europeos menores de 12 años en 2002, el campeonatu européu de neñes menores de 14 años en 2003 y 2004 y el campeonatu del mundu de neñes menores de 16 años en 2005. Llogró la plata nel Campeonatu Européu de neñes Sub-10 en 1997[6] y 1999, Campeonatu Européu de neñes Sub-12 en 2001, Campeonatu Mundial de neñes Sub-12 en 2002 y Campeonatu Mundial de neñes Sub-14 en 2004. Foi medayista de bronce nel Campeonatu Mundial de neñes Sub-10 en 2000.
Foi gallardonada colos títulos de Muyer Maestru FIDE en 2001 y Muyer International Master en 2002.
En 2003, Muzychuk tamién ganó'l Campeonatu Femenín Ucraín.[5] Ganó'l campeonatu ucranianu Sub 20 de 2004.
En 2004, Muzychuk empezó a xugar pa Eslovenia porque la federación d'axedrez d'Eslovenia ufiertó-y un contratu y apoyáronla mientres los siguientes diez años. Xugó pal club de Liubliana, y dende 2004, pa la seleición nacional de la Olimpiada d'Eslovenia, primero en xuveniles y depués en torneos p'adultos. Mientres estos años convirtióse na xugadora d'axedrez más fuerte d'Eslovenia y la tercer meyor xugadora del mundu. Muzychuk siguió xugando pa Eslovenia, inclusive cuando vivía en Stryi (Ucraína).
En 2007, ganó'l campeonatu européu femenín d'axedrez blitz y terminó en segundu llugar nel campeonatu européu femenín d'axedrez rapid, dambos celebraos en Predeal, Rumanía.[7]
Muzychuk recibió los títulos de Maestru Internacional en 2007 y Gran Maestru en 2012.
En 2010, xugó nel Tornéu d'axedrez Corus dientro del Grupu B, terminando en décimu llugar con un puntaxe de 5½ / 13 y una calificación de 2583. Nel mesmu añu, Muzychuk ganó'l Campeonatu Mundial Xuvenil de Neñes en Chotowa, Polonia.
Ganó la medaya de bronce nel Campeonatu Femenín d'Axedrez Individual Européu de 2012. Nel mesmu añu, participó nel ACP Golden Classic n'Ámsterdam xunto con Vassily Ivanchuk, Gata Kamsky, Emil Sutovsky, Le Quang Liem, Krishnan Sasikiran y Baadur Jobava. Yera un tornéu round-robin con un ritmu de xuegu de dos hores y media pa cuarenta movimientos ampliable con aplazamientu.[8] Terminó en cuartu llugar con un puntaxe de 3/6 y una calificación de 2721.[9]
Muzychuk terminó cuarta nel tornéu Tata Steel Challengers 2014, anotando 8/13 (+ 4 = 8-1).[10] N'abril de 2014, Muzychuk ganó'l Campeonatu Mundial Femenín de Blitz.[11] En mayu de 2014, tornó a la federación d'axedrez ucraniana.[12] Muzychuk ganó'l campeonatu femenín d'Ucraína de 2014 en Lviv.[13] En xineru de 2016, ganó'l primer premiu femenín nel tornéu Masters del Tradewise Gibraltar Chess Festival.
N'avientu de 2016, en Doḥa, ganó'l Campeonatu Mundial Femenín Rapid,[14] y dos díes depués defendió'l so títulu del Campeonatu Mundial Femenín Blitz.[15]
N'ochobre de 2017, ganó'l Campeonatu Européu de Muyeres ACP Rapid en Montecarlu[16] y el 26 d'avientu del mesmu añu perdió los títulos de campeona del mundu por negase a participar nel Mundial de partíes rápides y rellámpagu que se celebraba n'Arabia Saudita pol tratu que da esi país a la muyer.[17]
Competiciones d'equipu
editarMuzychuk xugó na tabla cimera pa Eslovenia nes Olimpiaes d'Axedrez Femenín de 2004, 2006, 2008, 2010 y 2012. Na so primer Olimpiada, en 2004 ganó, ente otros, a l'actual campeona mundial femenina, Antoaneta Stefanova. En 2006, l'equipu eslovenu, cabeza de serie númberu 17, remató en décimu llugar.
Na Olimpiada del Axedrez Femenín de 2014, Muzychuk xugó na tabla cimera del equipu ucraín, que llogró'l tercer llugar detrás de Rusia y China.[18][19] Nel Campeonatu Femenín Européu d'Axedrez por Equipos de 2015, contribuyó na consecución de la medaya de plata pa Ucraína. Na Olimpiada d'Axedrez Femenina de 2016, l'equipu d'Ucraína ganó la medaya de plata y Muzychuk tamién ganó la medaya d'oru individual.
Vida personal
editarLa so hermana menor, Mariya, foi Campeona Mundial Femenina d'Axedrez del añu 2015.
Referencies
editar- ↑ URL de la referencia: http://wnu-ukraine.com/news/sports/.
- ↑ URL de la referencia: http://ratings.fide.com/toparc.phtml?cod=338.
- ↑ «hermanes-que-ponen-en-xaque-al rei/ Mariya y Anna, les hermanes que ponen en xaque al rei editorial=Pakchess» (5 de xunetu de 2016). Consultáu'l 28 de payares de 2017.
- ↑ «Grandmaster title application». FIDE. Consultáu'l 28 de payares de 2017.
- ↑ 5,0 5,1 «Meet the Muzychuk sisters». ChessBase (11 d'abril de 2004). Consultáu'l 28 de payares de 2017.
- ↑ «C.to Européu O10 femminile editorial=Italian Chess Federation». Consultáu'l 28 de payares de 2017.
- ↑ Partac, Elena (11 d'agostu de 2007). «Viktorija Cmilyte wins European Women's Rapid Championship». ChessBase. Consultáu'l 29 de payares de 2017.
- ↑ Silver, Albert (16 de xunetu de 2012). «ACP Golden Classic – Tournament for the nostalgic». ChessBase. Consultáu'l 29 de payares de 2017.
- ↑ «Ivanchuk wins ACP Golden Classic; Giri is Dutch champion». ChessBase (23 de xunetu de 2012). Consultáu'l 29 de payares de 2017.
- ↑ «Standings of Tata Steel Challengers 2014». Tata Steel Chess. Consultáu'l 10 d'ochobre de 2015.
- ↑ «Anna Muzychuk wins Women’s World Blitz Championship». Chessdom (28 d'abril de 2014). Consultáu'l 30 de payares de 2017.
- ↑ «Anna Muzychuk to represent Ukraine». chessdom.com (7 de mayu de 2014). Consultáu'l 30 de payares de 2017.
- ↑ «Yuriy Kuzubov and Anna Muzychuk are 2014 Ukrainian champions». Chessdom (25 de payares de 2014). Consultáu'l 30 de payares de 2015.
- ↑ Fischer, Johannes (28 d'avientu de 2016). «Vassily Ivanchuk is new World Champion in Rapid Chess». ChessBase. Consultáu'l 30 de payares de 2017.
- ↑ «Karjakin wins FIDE World Blitz Championship, double gold for Anna Muzychuk». Chessdom (31 d'avientu de 2016). Consultáu'l 30 de payares de 2017.
- ↑ «Anna Muzychuk wins European ACP Women's Rapid Championship 2017». Consultáu'l 30 de payares de 2017.
- ↑ «La campeona del mundo se niega a jugar en Arabia Saudí». El Periódico (26 d'avientu de 2017). Consultáu'l 26 d'avientu de 2017.
- ↑ «Muzychuk Anna on Her Return to Ukrainian Federation and Maidan». chess-news.ru. Consultáu'l 30 de payares de 2017.
- ↑ «Chess-Results Server Chess-results.com - Tournament-Database». Chess-results.com (14 d'agostu de 2014). Consultáu'l 30 de payares de 2017.
Enllaces esternos
editar
Wikimedia Commons acueye conteníu multimedia sobre Anna Muzychuk.- Anna Muzychuk en 365Chess.com
Datos: Q241258- Multimedia: Anna Muzychuk
