Avelino González Entrialgo
Avelino González Entrialgo (1898, Xixón – 1977, Mérida) anarcosindicalista asturianu. Nació en Tremañes (Xixón) en 1898. De mui mozu ingresó na CNT na que a finales de los años 20 del sieglu pasáu tuvo dellos cargos direutivos. A entamos de la década de los 30 del sieglu XX yá formaba parte del nucléu dirixente del anarquismu asturianu.
Avelino González Entrialgo | |
|---|---|
| Vida | |
| Nacimientu | Xixón, 1898 |
| Nacionalidá |
 España |
| Muerte | Mérida, 1977 (78/79 años) |
| Estudios | |
| Llingües falaes | castellanu |
 | |
Participó nel Tercer Congresu Confederal de la CNT, presidiendo la tercera sesión de la que fueron secretarios el tamién xixonés Segundo Blanco y el navarru Enrique Melchor Jáuregui.
Avelino G. Entrialgo foi un de los firmantes de l'Alianza Obrera asturiana colos socialistes en marzu de 1934 pa facer la revolución social. L'Alianza preparó la Revolución de 1934 na qu'Entrialgo foi participante, por estos fechos foi denteníu y fechu presu.
Conocíu'l llevantamientu militar en xunetu de 1936 incorporóse xunta colos dirixentes del Frente Popular al comité asturianu, con sé n'Uviéu. Tres la sulevación d'Aranda na ciudá, treslládase a Xixón onde s'integrará nel Comité de Guerra formáu na ciudá y onde s'encargará del Departamentu de Movilización. Más tarde treslladaráse a Madrid y a Valencia onde collaboró cola direición estatal del movimientu llibertariu. Al finar la Guerra civil exiliaráse n'Inglaterra primero y más tarde a Venezuela onde morrerá en 1977 en Mérida.
Referencies
editarEnllaces esternos
editar- El procesu de formación de l'Alianza obrera asturiana, documentu, mui probablemente, d'Avelino González Entrialgo Archiváu 2009-02-26 en Wayback Machine (castellán)
Datos: Q13146776
