Banda Gaites Ribeseya

La Banda Gaites Ribeseya, xurde nel añu 1996 como resultáu de l'actividá de los mozos y moces de la Escuela de Música Tradicional de Ribeseya. La Banda Gaites Ribeseya, fórmase dientro del proyeutu del mayestru gaiteru José Ángel Hevia conocíu como “La Bandona d'Asturies”, y que taba formada poles bandes de gaites de Villaviciosa, Mieres, Candás y Ribeseya, a les que dempués xuniría la de Banda Gaites de Samartin del Rei Aurelio.

Banda Gaites Ribeseya
Datos
Tipu	Banda de gaites
Xéneru	música tradicional
País	España
Orixinarios de	Ribeseya
Fecha fundación	1996
Tipu de gaites	Asturiana en Sib de Miguel Alonso
Tipu de percusión	caxes alta tensión, timbales, bombu y tambor tradicional

Anguaño la formación de la banda compónenla 12 gaiteros, 4 caxistes, 4 timbaleres y 1 bomberu.

Primer etapa

De magar entós la BGR entama a actuar per tola xeografía asturiana, tamién de forma autónoma. Cites como L’Ascensión n’Uviéu, La Fiesta’l Pastor nos Llagos de Cuadonga o la fiesta de Les Cebolles Rellenes en L'Entregu y munches otres cites nel nuesu país y festividaes del Conceyu de Ribeseya.

• 1998 - La BGR acude a dellos festivales tanto dientro como fuera de la xeografía asturiana, en ciudaes como Sevilla o Castellón, pero ensin dulda, hai un Festival que representa’l celtismu a nivel mundial, y esi ye’l Festival Interceltique de Lorient, al qu'acudió formando parte de “La Bandona d'Asturies”
• 2001 - Disputa'l Primer Campeonatu de Bandes de Gaites Asturianes, celebráu en Xixón, siendo la banda revelación del campeonatu, y obteniendo un meritoriu cuartu puestu.
• 2002 - Nel mesmu Campeonatu de Bandes, y a comuña cola Banda de Gaites “Villaviciosa-El Gaiteru”, algamando'l Subcampeonatu d'Asturies. Al añu, en La Felguera la BGR otra vegada a comuña cola banda maliaya, obtién el tercer puestu.

Nel inviernu del añu 2003 la BGR tuvo una crisis de componentes, por razones d'estudios y de trabayu de los componentes viéndose obligada a tomar un descansu temporal que duraría 6 años.

Segunda etapa

Nel añu 2009 produzse un movimientu pa intentar resucitar la BGR. De esti movimientu renaz l'actual BGR que vuelve col oxetivu de convertise nuna Banda compatible colos horarios de trabayu y accesible a xente de cualquier parte d'Asturies con ganes de trabayar y progresar nesta triba de formaciones. Desde esi momentu, nel qu'entamen los ensayos, la banda actúa nel Festival de Bandes de Gaites “Xacara” y nel de Castrillón nel añu 2010 collechando bonos comentarios, lo qu'anima a la BGRibeseya a competir na Fase Final de la Liga Galega de Bandas de Gaitas .

• Nesti campeonatu, celebráu en xunetu de 2011, la BGRibeseya obtién un meritoriu segundu puestu en Grau 2, y una victoria na categoría de Percusión. Resultaos a destacar, considerando que la puntuación final s’obtién sumando les estremaes estayes, entre les que ta la estética, apartáu nel que-y dieron una puntuación perbaxa por nun tener paxellos tradicionales.

• Nel añu 2012 preséntase a la Liga Galega de Bandas de Gaitas, quedando Campeona de Segundu Gráu sacando más de 30 puntos nes dos fases al segundu clasificáu. Esti mesmu añu, acude entre otros festivales y fiestes al Festival de BBGG de Candás, retresmitíu en direutu per televisión.

• Nel añu 2013, asisten a los dellos Festivales asturianos yparticipen nel Campeonatu del Arcu Atlánticu de Xixón, quedando cuartos na xeneral y Campeones de Cuerpos de Percusión. Tamién viaxen a Euskadi al Festival Sopela Munduan, Mundua Sopelan.

• Nel añu 2014 faen una xira pelos auditorios más grandes de Murcia, y siguen actuando per Festivales asturianos. Tamién se desplacen a Galicia a delles actuaciones.

Enllaces esternos

• Banda Gaites Ribeseya en Facebook

• Datos: Q25580262