Batedora de mano

La batedora de mano o minipimer ye un electrodomésticu de cocina que permite moler ingredientes nel mesmu recipiente nel que se preparen. Pue utilizase pa facer distintos tipos de purés, mueyos y sopes.

Historia

La batedora de mano (o batedor de mano) foi inventada en Suiza por Roger Perrinjaquet, quien patentó'l productu en 1950 y llamólu Bamix, una contraición de bat et mixe(bate y amiestu). El 24 d'abril de 1955 presentóse por primer vegada'l nuevu batedor Bamix na Feria de Hannover.

Pero la versión más popular foi la inventada pol inxenieru Gabriel Lluelles (Barcelona, 1923-2012) pa la empresa española Pimer (acrónimu de Pequeñas Industrias Mecánico Eléctricas Reunidas^[1]), y que foi llamada Minipimer, comercializada en 1959. La empresa foi darréu mercada pola alemana Braun GmbH, que caltuvo'l nome orixinal del artefautu, que se convirtió nel nome común d'esti tipu de batedores.^[2]

Componentes y funcionamientu

Una batedora de mano consta principalmente d'un motor eléctricu asitiáu nel mangu y un exe que conecta esti motor a les cuchilles asitiaes na parte inferior. El motor impulsa les cuchilles, que xiren a alta velocidá pa triturar y mezclar los ingredientes. Munches batedores de mano modernes inclúin accesorios adicionales, como varilles batedores, picadores o procesadores d'alimentos, lo que amplia la so versatilidá na cocina.

Partes principales

Motor: ye'l componente que impulsa les cuchilles y pue variar en potencia, xeneralmente ente 150W y 1500W.
Cuchilles: feches d'aceru inoxidable, son les responsables de triturar y mezclar los ingredientes.
Eixe: conecta'l motor coles cuchilles y suel tar recubiertu de plásticu o metáu, dependiendo del modelu.
Accesorios: dalgún modelu inclúi varilles adicionales, picadores y otros complementos que pueden ampliar la funcionalidá del aparatu.

Tribus de batedores de mano

Esisten diferentes tribus de batedores de mano en función del so diseñu y potencia:

Doméstiques: xeneralmente más llixeres y menos potentes, adecuaes pa funciones sencilles na cocina.
Professionales: más robustes y con motores más potentes, diseñaes pa un usu intensivu en entornos profesionales.
Industriales: con característiques avanzaes y una durabilidá escepcional, éstes utilícense en cocines industriales y de gran demanda.

Innovaciones recientes

Col avance de la tecnoloxía, les batedores de mano incorporaron carauterístiques nueves, como:

Control de velocidá variable: permite axustar la velocidá de les cuchilles pa distintos tipos de preparaciones.
Tecnoloxía antichiscadures: diseños de cuchilles y cabezales que minimicen les chiscadures mientres l'usu.
Modelos ensin filu: ufierten mayor llibertá de movimientu, eliminando la necesidá d'un cable d'alimentación.

Ver tamién

Referencies

Enllaces esternos

A Whirling Dervish That Dips Right Into Your Pot, por Amanda Hesser. New York Times, 19 d'agostu de 1998.

[1] Phylosoft.com

[2] Llarga vida a la minipimer. Artículu nel País, 21 de xineru de 2008

[1]

[2]