Betty Boyd
Betty Boyd (11 de mayu de 1908, Kansas City – 16 de setiembre de 1971, Los Angeles) foi una actriz cinematográfica d'Estaos Xuníos que trabayó nos entamos de Hollywood, principalmente nel cine mudu de los últimos años venti y en películes de serie B de los años trenta.
Betty Boyd | |
|---|---|
 | |
| Vida | |
| Nacimientu | Kansas City, 11 de mayu de 1908[1] |
| Nacionalidá |
 Estaos Xuníos |
| Llingua materna | inglés |
| Muerte | Los Angeles, 16 de setiembre de 1971[1] (63 años) |
| Causa de la muerte | enfermedá |
| Estudios | |
| Llingües falaes | inglés |
| Oficiu | actriz, actriz de cine |
| IMDb | nm0101706 |
 | |
El so verdaderu nome yera Elizabeth Boyd Smith, y nació en Kansas City, Missouri. Boyd treslladóse a Hollywood a mediaos de los años venti con cuenta de faer una carrera como actriz. El so primer papel, ensin apaecer nos títulos de creitu, foi nel filme de 1927 The Show (El palaciu de les maravíes), protagonizáu por John Gilbert y Lionel Barrymore. El primer papel con reflexu nos creitos llegó esi mesmu añu en Off Again, xunto a Jack Lloyd. En 1929 Boyd trabayó en tres películes, y fixo un cuartu papel ensin acreitar, y amás foi escoyida como una de los trelce WAMPAS Baby Stars, en compañía d'actrices como Josephine Dunn, Sally Blane, y la futura lleenda de Hollywood Jean Arthur.
1930 foi'l meyor añu de la so carrera. Esi añu trabayó n'ocho películes, en toes elles acreitada, y tuvo ésitu na transición al cine sonoru. En 1931 intervieno namái en dos filmes, Ex-Sweeties y Maid To Order, al igual qu'en 1932, mientres el cual tuvo un papel secundariu en An Old Gypsie Custom y un papel ensin creitos en A Modern Hero. Al añu siguiente la so carrera podía dase como rematada, anque inda actuó en dos causes más a finales de los años cuarenta, la postrera de les cualos, ensin creitos, foi en Samson and Delilah.
Tuvo casada con Charles N. Over Jr., matrimoniu qu'acabó en divorciu. Finó en 1971, en Los Angeles, California.
Referencies editar
- ↑ 1,0 1,1 Afirmao en: Internet Movie Database. Identificador IMDb: nm0101706. Data de consulta: 11 xineru 2016. Llingua de la obra o nome: inglés.
Enllaces esternos editar
- Betty Boyd na Internet Movie Database (n'inglés)
Datos: Q4898760
Multimedia: Betty Boyd
