Biblioteca del Congresu d'Estaos Xuníos

La Biblioteca del Congresu d'Estaos Xuníos (United States Library of Congress n'inglés), asitiada en Washington D. C. y distribuyida en trés edificios (l'Edificiu Thomas Jefferson, l'Edificiu John Adams, y l'Edificiu James Madison), ye una de les mayores biblioteques del mundu, con más de 158 millones de documentos. [1] La colección de la Biblioteca del Congresu inclúi más de 36,8 millones de llibros en 470 idiomes, más de 68 millones de manuscritos[1]​ y la colección más grande de llibros raros y pervalibles, incluyendo una de les úniques cuatro copies en perfectu estáu de la Biblia de Gutenberg, y el borrador de la Declaración d'Independencia. Amás, guarda más d'un millón de publicaciones del gobiernu de los Estaos Xuníos, un millón de númberos de periódicos de distintos partes del mundu, de los postreros trés sieglos, 500.000 rollos de microfilme, 6.000 títulos de cómics, la colección más grande de documentos llegales, películes, barganal de 5 millones de mapes, partitures, 2,7 millones de grabaciones sonores, cantares y más de 13,7 millones de grabaos y copies fotográfiques. El documentu más antiguu ye una tablilla de piedra del añu 2040 a. C.[2]​ Tamién alluga obres d'arte, dibuxos arquitectónicos, y pervalibles preseos como'l Stradivarius Betts y el Stradivarius Cassavetti.

Biblioteca del Congresu d'Estaos Xuníos
Library of Congress
biblioteca nacional (es) Traducir, biblioteca de depósito de las Naciones Unidas (es) Traducir y archivo parlamentario (es) Traducir
Logo of the United States Library of Congress.svg
Thomas Jefferson Building Aerial by Carol M. Highsmith.jpg
Llocalización
PaísBandera de Estaos Xuníos d'América Estaos Xuníos
Territorio Distrito de Columbia (es) Traducir
Ciudá Washington
Coordenaes 38°53′18″N 77°00′16″O / 38.8883°N 77.0044°O / 38.8883; -77.0044Coordenaes: 38°53′18″N 77°00′16″O / 38.8883°N 77.0044°O / 38.8883; -77.0044
Biblioteca del Congresu d'Estaos Xuníos alcuéntrase en los EE.XX.
Biblioteca del Congresu d'Estaos Xuníos
Biblioteca del Congresu d'Estaos Xuníos
Biblioteca del Congresu d'Estaos Xuníos (los EE.XX.)
Historia y usu
Apertura24 abril 1800
Dirección Carla Hayden
Númberu d'oxetos 164 403 119, 168 291 624 oxetus determináus y 24 600 488 cataloged book (en) Traducir
Web oficial
Cambiar los datos en Wikidata
Salón de llectura

La Biblioteca del Congresu foi construyida pol Congresu en 1800, y permaneció nel Capitoliu de los Estaos Xuníos mientres la mayor parte del sieglu XIX. Dempués de que la mayoría de la colección orixinal fuera destruyíu mientres la guerra anglo-estauxunidense de 1812, Thomas Jefferson vendió 6.487 llibros, la so entera colección personal, a la biblioteca en 1815.[3]Dempués d'un periodu d'amenorgamientu mientres el sieglu XIX, la Biblioteca del Congresu empezó a crecer rápido tantu en tamañu ya importancia dempués de la Guerra Civil Estauxunidense, rematando na construcción d'un edificiu separáu y la tresferencia de toles esplotaciones para depósitos de derechos d'autor a la Biblioteca. Mientres la espansión rápida del sieglu XX, la Biblioteca del Congresu asumió una función pública por excelencia, convirtiéndose n'una "biblioteca d'últimu recursu" y ampliando la so misión para'l beneficiu de los estudiosos y del pueblu estauxunidense.

La Biblioteca del Congresu ye, na práctica, la biblioteca nacional de los Estaos Xuníos, promoviendo llectura y acoyida de la lliteratura estauxunidense al traviés de diversos proyectos como'l American Folklife Center, American Memory, el Center for the Book, y el United States Poet Laureate. Ye tamién el sitiu oficial d'investigación para'l Congresu de los Estaos Xuníos, cola misión primaria de realizar investigaciones feches polos miembros del Congresu al traviés del Congressional Research Service. El xefe de la Biblioteca ye'l Bibliotecariu del Congresu (Librarian of Congress n'inglés), anguaño James H. Billington. La Biblioteca ta entamada en ventinueve sales de llectura, una de les cualos ye la Sala Hispánica de Llectura, creada en 1939 y llamada asina n'honor a la influyente Sociedá Hispánica d'América.

Ver tamiénEditar

ReferenciesEditar

Enllaces esternosEditar