Buelles (parroquia)

parroquia del conceyu d'El Valle Baju de Peñamellera (Asturies)

Buelles[2] ye una parroquia del conceyu asturianu d'El Valle Baju de Peñamellera.Ocupa la fastera más nororiental del mesmu, y tien una estensión de 9,77 km². Axunta tres pueblos: Buelles y El Mazu na oriella derecha'l ríu Cares-Deva; y Narganes, a la otra vera. El pasu d'una oriella a otra tien de facese, en coche, baxando hasta Unquera o xubiendo hasta Panes, pero hai pasu peatonal por una ponte colgante que crucia'l ríu un pocoñín más p'abaxu del pueblu de Buelles. Ente los trés pueblos yá citaos axunten (INE, 2011) 110 habitantes.

Buelles
Alministración
País España
Autonomía Principáu d'Asturies
Provincia provincia d'Asturies
Conceyu El Valle Baju de Peñamellera
Partíu xudicial Llanes
Tipu d'entidá parroquia d'Asturies
Nome oficial Buelles (ast)
Códigu postal 33579
Xeografía
Coordenaes 43°20′07″N 4°32′07″W / 43.3353°N 4.53529°O / 43.3353; -4.53529
Buelles alcuéntrase n'Asturies
Buelles
Buelles
Buelles (Asturies)
Superficie 9.77 km²
Altitú 28 m[1]
Llenda con Narganes, Merodiu y Panes
Demografía
Población 108 hab. (2022)
Porcentaxe 8.85% de El Valle Baju de Peñamellera
0.01% de provincia d'Asturies
0.01% de Principáu d'Asturies
0% de España
Densidá 11,05 hab/km²
Más información
Estaya horaria UTC+01:00
Cambiar los datos en Wikidata

Na parroquia s'alcuentra la Salguera de Buelles, declarada monumentu natural pol Plan d'Ordenación de los Recursos Naturales d'Asturies. Esta figura de proteición ambiental compriende[3] les salgueres de les dos riberes del ríu Deva ente los llugares d'El Mazu, Narganes y Buellen, nel conceyu de Peñamellera Baxa, neto les salgueres y viesques d'umeros que les playes de regodones y les turries de les orielles del ríu o del so calce. La so importancia derívase del fechu de ser una de les mayores concentraciones de salgares de tol norte peninsular.

Referencies editar

Enllaces esternos editar