Alevia
Alevia[2] ye una parroquia y una llocalidá del conceyu asturianu d'El Valle Baju de Peñamellera. Ocupa la fastera más noroccidental del conceyu (ye la única parroquia que llenda col conceyu de Llanes) y tien, dende que nel 1991 se separtara d'ella Siejo, 4,65 km² d'estensión. Abarca namái que'l pueblu d'Alevia, que tien una población (INE Archiváu 2013-01-06 en archive.today, 2011) de 60 habitantes, que se dediquen principalmente a la ganadería. Nel monte d'Alevia s'alcuentren los restos de la nomada Mina del Pilar, una esplotación de la que se sacarron fierro y manganesu a lo menos dende'l sieglu XVI hasta los años 70 del sieglu pasáu.
 Alevia | |
|---|---|
.jpg) | |
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu | El Valle Baju de Peñamellera |
| Partíu xudicial | Llanes |
| Tipu d'entidá | parroquia d'Asturies |
| Nome oficial | Alevia (ast) |
| Códigu postal |
33579 |
| Xeografía | |
| Coordenaes | 43°20′07″N 4°35′48″W / 43.33536°N 4.59672°O |
  Alevia Alevia (Asturies) | |
| Superficie | 7.06 km² |
| Altitú | 328 m[1] |
| Llenda con | Narganes, Siejo, Abándames, Llonín, Noriega, La Borbolla y San Juan |
| Demografía | |
| Población | 63 hab. (2022) |
| Porcentaxe | 5.16% de El Valle Baju de Peñamellera |
| Densidá | 8,92 hab/km² |
| Más información | |
| Estaya horaria | UTC+01:00 |
 | |
El pueblu ta asitiáu a unos 240 m sobre'l nivel del mar, na lladera meridional del picu Pedreḥita. Pa llegar a él hai que coyer, en Sieḥo, la carretera llocal PB-2, estrecha pero con bon firme, que muerre nel pueblu. Nél destaquen les siguientes edificaciones:
- La ilesia parroquial, dedicada a San Xuan Bautista, con restos baxomedievales (ss.XIV-XV) nel interior anque mui reformada nos sieglos XVIII-XX.
- La capiella San Antonio, asitiada a la entrada'l pueblu. Construyida, según dellos autores,nel sieglu XVII, tien cabo d'ella una torre con reló y campanariu, llevantada -con perres de los indianos y l'esfuerciu de los vecinos- nel sieglu XX. Entamose a facer na década d'1920, anque nun pudo rematase hasta la d'1960, y ye ún de los trés únicos edificios d'esti tipu -xunta la torre la ilesia parroquial de Taramundi y la qu'hai na antigua sede de les escueles marítimes d'As Figueiras (Castropol)- que se ficienon n'Asturies con dineru de los americanos. A los pies de la torre hai un mirador con unes vistes perguapes sobro'l valle de Peñamellera.
- La Quinta d'Arriba, encargada pol indianu José Lezama Lima (llamáu Don Pepe polos vecinos) al arquiteutu catalán Marcelino Coquillat, que-y proyeutó una casa con trés plantes y torre d'estilu rexonalista con dellos toques modernistes.
Hai, amás d'ello, delles cases de tipoloxía tradicional, dos establecimientos de turismu rural, chigre y bolera. Esta foi construyida tamién con dineru indianu: el de Ramón Bardales, que la mandó facer en 1891.
Ye un pueblu de vida tranquila, que namái s'altera nes fiestes, que se celebren pa honrar a San Antonio (13 de xunu), San Xuan (24 de xunu) y Nuestra Señora del Rosario (30 de setiembre).
Referencies
editar- ↑ Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
- ↑ «Espediente colos topónimos oficiales d'El Valle Baju de Peñamellera». BOPA.
Enllaces esternos
editar
Wikimedia Commons acueye conteníu multimedia sobre Alevia.- Páxina web sobre Alevia Archiváu 2010-07-11 en Wayback Machine (castellanu)
- Escursión dende Alevia al Picu'l Paisanu pasando peles mines del Pilar (castellanu)
.svg){kind=small}
