Abrir el menú principal

Kazakstán[1] (en kazaquistanín: Қазақстан, Qazaqstan, y en rusu: Казахстан, Kazakstán), oficialmente nomáu República de Kazakstán, ye un país trescontinental: el más del so territoriu pertenez al Asia Central septentrional, mentantu qu'una pequeña parte d'elli ta na Europa Oriental. Ye, colos sos 2.724.900 km², el mayor de tolos países del mundu que nun tienen costa en dengún mar del Océanu Mundial[2]. Ye la nación cola mayor economía de toles del Asia Central: xenera'l 60% del PNB, principalmente pola bayura de gas natural y petroleu del so territoriu. Amás, el so subsuelu contién bayura de minerales, munchos entá por esplotar.

Kazakstán
Қазақстан Республикасы
Kazakstan Respubłīkasi
Республика Казахстан
Respublika Kazakhstan
Relief Map of Kazakhstan.png
Flag of Kazakhstan.svg Emblem of Kazakhstan.svg
Bandera de Kazakstán Escudu de Kazakstán
Himnu nacional Mi Kazakstán
Alministración
Nome oficial Қазақстан Республикасы
Республика Казахстан
Казахстан
Қазақстан
قازاقىستان
Capital Nur-Sultán
Forma de gobiernu presidencialismu
Presidente de Kazakstán Kassym-Jomart Tokayev Traducir
Primer Ministru de Kazakstán Askar Mamin Traducir
Llingües oficiales Idioma kazaquistanín y rusu
División
Xeografía
Coordenaes 48°N 68°E / 48°N 68°E / 48; 68Coordenaes: 48°N 68°E / 48°N 68°E / 48; 68
Kazakhstan (orthographic projection).svg
Superficie 2724900 km² (puestu 9)
% agua 1,7%
Llendes 12.012 km
Llenda con Turkmenistán, República Popular China, Kirguistán, Uzbequistán y Rusia
Puntu más altu Khan Tengri Traducir
Puntu más baxu Karagiye Traducir
Demografia
Población 18 037 646 hab. (2017)
Densidá 6,62 hab/km²
Xentiliciu kazaquistanín y kazaquistanina
Economía
Moneda tenxe
PIB nominal 159 406 926 359,12 (2017)
PIB per cápita 9030 (2017)
Más información
Dominiu d'Internet .kz y .қаз Traducir
Códigu telefónicu +7
Códigu ISO 398 / KAZ / KZ
Estaya horaria UTC+5 Traducir y UTC+6 Traducir
www.government.kz/
Cambiar los datos en Wikidata

Llenda con Rusia, China, Kirguistán, Uzbequistán y Turkmenistán, y inclúi nel so territoriu bona parte de la estensión del mar Caspiu. Na so xeografía, pervariada, altérnense estepes, llanures y cordeleras con desiertos, deltes fluviales y viesques. La so población estimao el 1 de febreru de 2016 yera de 17.693.500 habitantes[3], que fain d'elli, pela so estensión, ún de los países con menor densidá de población del mundu, con malpenes 6,5 hab/km². La so capital dende 1997 y mayor ciudá ye Nursultano.

El territoriu de Kazakstán estuvo habitáu tradicionalmente por tribus nomadismu|nómades. La situación camudó nel sieglu XIII, cuando Genguis Ḥan ocupolu y convirtiolu en parte del Imperiu mongol. Sicasí, tres de diverses lluches intenstines ente los ocupantes, el poder volvió a les tribus nómades que, pal sieglu XVI, teníen organizáose nún pueblu nuevu, el kazaxu, dividíu en trés jüz que se repartíen el territoriu. Los rusos aportaron al territoriu nel sieglu XVIII. Comenzaron entóncenes el so avance pola estepa kazaxa, de forma que pa mediaos del sieglu XIX Kazakstán yá yera parte del Imperiu rusu. Tres de la Revolución rusa de 1917, y la guerra civil que la siguió, el territoriu foi reorganizáu alministrativamente varies veces, hasta qu'en 1936 convirtiose na República Socialista Soviética Kazaxa, una de les que formaben la Xunión Soviética.

Kazakstán foi una de les caberes repúbliques soviétiques en declarase independiente tres de la disolución de la Xunión Soviética en 1991. El so presidente, Nursultán Nazarbáyev, tien síolo de magar, y ye un gobernante autoritariu con un gran historial de falta de respetu polos derechos humanos y de supresión de la oposición política. Human Rights Watch diz[4]qu'el país "llimita seriamente la llibertá de reunión, espresión y relixón", y otres organizaciones de derechos humanos califiquen habitualmente la situación d'estos nel país como "probe".

Los 131 grupos étnicos del país inclúin a los kazaxos (63% de la población), los rusos, los uzbekos, los ucranios, los alemanes, los tártaros y los uigures, ente más otros. L'Islam ye la relixón del 70% de la población, mentantu que los cristianos son el 26% nesti país nel qu'oficialmente hai llibertá relixosa pero nel que los cabezaleros relixosos que s'oponen al gobiernu son represaliaos. El kazaquistanín ye la llingua oficial, magar qu'el rusu tien un estatus oficial equivalente en tolos niveles de l'alministración y pa les rellaciones esteriores del país[5].

HistoriaEditar

Artículu principal: Historia de Kazakstán

EconomíaEditar

Artículu principal: Economía de Kazakstán

XeografíaEditar

Artículu principal: Xeografía de Kazakstán

ReferenciesEditar

Enllaces esternosEditar