Canal temática

Una canal temática ye una canal de televisión que'l so conteníu ta especializáu nuna determinada temática o empobináu a un sector de la población. Son utilizaos por persones que demanden conteníos específicos, y nun se dirixen a la población polo xeneral.

A partir de l'apaición de sistemes de tresmisión masiva de canales de televisión, que dexaben tresportar más canales de los habituales, apaeció la posibilidá d'ufiertar canales temátiques. Na actualidá, pertenecen a plataformes de televisión dixital (televisión per satélite, cable, IPTV y MMDS).

Tipos editar

Hai distintos tipos de canales temátiques en función de los conteníos o sector al que van empobinaos:

Información editar

Canales qu'emiten noticies les 24 hores del día sobre lo qu'asocede nel mundu, noticies económicas, información meteorolóxica, etc.

Infantiles editar

Canales empobinaes a neños, nos que s'emiten series de dibuxos animaos, d'animación, programes educativus, películes infantiles, etc. Dientro de les canales infantiles pueden atopase pa distintos tramos d'edaes.

Entretenimientu editar

Canales qu'emiten series, telenoveles, documentales y cine empobinaos a un públicu concretu, o d'una temática concreta (ciencia ficción, suspense, drama, misteriu, aición, terror, comedia, etc.).

Deportes editar

Canales qu'emiten acontecimientos deportivos, competiciones de lligues, campeonatos mundiales, campeonatos rexonales o campeonatos de países de distintos deportes. Les canales pueden tar dedicaos a un determináu deporte (fútbol, tenis, baloncestu, rugbi, handbol, voleibol, golf, motociclismu, automovilismu, etc.), o a dellos en función del interés de los espectadores. Tamién esisten canales dedicaes a determinaos equipos deportivos (rellacionaos con equipos de fútbol).

Películes editar

Canales que la so programación xira redolada al mundu cine, emitiendo películes, reportaxes rellacionaos, trailers de películes d'estrenu, making off, etc. Hai canales de películes d'estrenu (películes que s'estrenaron apocayá nos cines), películes clásiques, películes de determináu país o rexón, películes d'aición, etcétera'.

Series editar

Canales qu'emiten series de televisión. Dalgunos concéntrense nun xéneru n'específicu (comedia, drama, ciencia ficción), ente qu'otros emiten series de cualquier tipu. Delles canales de series complementen esi tipu de programes con llargumetraxes.

Documentales editar

Canales qu'emiten documentales. Hai de distintos tipos según les materies que traten: historia, biografíes, naturaleza, viaxes, ciencia, teunoloxía, etc.

Música editar

Canales qu'emiten videos musicales, reportaxes sobre grupos, llanzamientos de discos, conciertos, etc. tou ello rellacionáu col mundu musical. Hai canales de música actual (pop, rock), música discu, música de la década de los 70, 80, 90, música clásica, etc por casu de: 1D y etc...

Relixosos editar

Canales qu'emiten programación relativa a una relixón n'específicu: estudios bíblicos, música de cultu, rezu del Rosario, etc.

Concursos de televisión "reality show" editar

Canales qu'emiten les 24 hores les distintes actividaes que se realicen en concursu de televisión de tipu reality shows. Nellos puédese ver dende distintos cámaras la vida de les persones que participen nestos concursos.