Canterbury

Catedral, abadía de San Agustín ya ilesia de San Martín en Canterbury
Patrimoniu de la Humanidá — UNESCO
	Catedral de Canterbury
Llugar	Inglaterra
Criterios	Cultural: i, ii, vi
Referencia	496
Inscripción	1988 (XII Sesión)
Área	Europa y América del Norte

Canterbury
Alministración
País	Reinu Xuníu
Nación constitutiva	Inglaterra
Rexón	Sureste d'Inglaterra
Condáu ceremonial	Kent
Condado no metropolitano (es)	Kent (en)
Borough en el Reino Unido (es)	Ciudad de Canterbury (es)
Tipu d'entidá	ciudá
Códigu postal	CT1, CT2, CT3 y CT4
Xeografía
Coordenaes	51°16′42″N 1°04′39″E / 51.2783°N 1.0775°E
	Canterbury Canterbury (Reinu Xuníu)
Superficie	72.8 km²
Altitú	3 m
Demografía
Población	54 880 hab. (2011)
Porcentaxe	100% de Ciudad de Canterbury (es)
Densidá	753,85 hab/km²
Más información
Prefixu telefónicu	01227
Estaya horaria	UTC±00:00
Llocalidaes hermaniaes	Reims, Certaldo (es) , Estrigonia (es) , Tournai (es) , Bergues, Wimereux, Mölndals y Vladímir
	canterbury.gov.uk

Canterbury (Pronunciáu /ˈkæntəbri/ o /ˈkæntəbɛri/) ye una ciudá del sureste d'Inglaterra, a unos 70 km de Londres, sobre'l ríu Stour y perteneciente al condáu de Kent. Ye famosa pola so catedral, que ye Patrimoniu de la Humanidá y por ser el principal centru relixosu del Reinu Xuníu, yá que ye la sede del arzobispu de Canterbury, líder espiritual de la Ilesia anglicana. Dende 2013, l'arzobispu ye Justin Welby.

Poblada dende tiempos prehistóricos, Canterbury yá foi un centru alministrativu romanu. Col fin de la dominación llatina, la ciudá foi invadida polos xutos qu'asitiaron ellí'l Reinu de Kent. En 597, el misioneru Agustín desembarcó en Canterbury coles mires d'empecipiar la conversión de los anglu-saxones. De magar, la ciudá foi un centru de la relixón cristiana, convirtiéndose rápido na sede del arzobispu primáu d'Inglaterra. Foi un importante centru de pelegrinaxe mientres la Edá Media, y fíxose célebre na obra Los cuentos de Canterbury, escrita nel sieglu XIV por Geoffrey Chaucer.

Anguaño, Canterbury ye un popular destín turísticu dientro d'Inglaterra. Ye'l llugar más visitáu del condáu de Kent^[1] y una de les venti ciudaes más visitaes n'Inglaterra.^[2] A pesar de la so humilde cantidá d'habitantes, Canterbury tien un gran númberu de centros comerciales, restoranes y vida nocherniega. Agospia la Universidá Europea de Kent, una de les 20 meyores d'Inglaterra y ocupa el puestu 80º nel ranking mundial d'universidaes. Tamién tienen na ciudá la so sede les universidaes de Christ Church Canterbury (CCCU) y d'Artes Creatives de Canterbury (UCA). La Universidá Americana Girne tien un campus en Canterbury.

Etimoloxía

El nome de Canterbury procede del inglés antiguu Cantwareburh^[3] que significa «fuerte o burgu de Kent». Tiense constancia en documentos de los sieglos V y VI qu'antes de la llegada de los Xutos a la ciudá (periodu que se conoz como Britania posromana) denominábase Cair Ceint ("Fuerte de Kent" en idioma galés).^[4]^[5]

Canterbury y Kent, pos, tienen el mesmu orixe etimolóxicu, el pueblu prerromanu de los cantiacos que vivía nos condaos de Kent y Sussex Oriental. Ello ye qu'en dómina romana la ciudá llamóse Durovernum Cantiacorum, el fuerte de los cantiacos».

Xeografía

Canterbury atópase allugada a 87 km al sureste de Londres. El distritu de Canterbury ocupa una superficie de 308.84 km², tien accesu al mar pel norte y estrémase en 26 parroquies. Al norte atopen los pueblos costeros de Whitstable y Herne Bay, a 9.5 km de distancia.

El distritu de Canterbury (en colloráu) dientro del condáu de Kent

Al nordeste atopen los pueblos de Margate y Ramsgate, nel distritu de Thanet. Al sureste'l distritu de Dover, colos pueblos de Dover y Sándwich. Al sur el distritu de Shepway, con cabeza en Folkestone. Al suroeste col distritu de Ashford y al oeste col distritu de Swale.

El ríu Stour traviesa'l centru de la ciudá, encruciándose en dos calces. Desagua al este na Canal de la Mancha.

Fíos pernomaos

Christopher Marlowe (1564-1593) dramaturgu, poeta y traductor.
John Sims (1749-1831) médicu y taxónomo botánicu.
Henry Weekes (1807-1877), escultor miembru de la Royal Academy.
George Job Elvey (1816-1893), compositor y maestru de capiya.
William Sealy Gosset (1876-1937), estadísticu.
Margot Grahame (1911-1982), actriz.
Trevor Pinnock (1946), direutor d'orquesta, clavecinista, pianista y organista miembru de la Orde del Imperiu Británicu.
Tacita Dean (1965) artista visual miembru de la Orde del Imperiu Británicu.
Orlando Bloom (1977), actor.
Ruta Gedmintas (1983) actriz.
Jack Scanlon (1998) actor.

Ciudaes hermaniaes

Esztergom, Hungría.
Reims, Champaña-Ardenes, Francia.
Saint-Omer, Norte-Pasu de Calais, Francia (1995).
Wimereux, Norte-Pasu de Calais, Francia (1995).
Certaldo, Toscana, Italia (1997).
Mölndal, Suecia (1997).
Vladímir, Distritu federal Central, Rusia (1997).
Tournai, Rexón Valona, Bélxica (1998).

Ver tamién

Referencies

↑ [1]
↑ [2]
↑ «Canterbury Timeline». Channel 4. Consultáu'l 28 de mayu de 2008.
↑ Nennius (attrib.). Theodor Mommsen (ed.). Historia Brittonum, VI. Composed after Plantía:Sc 830. (en llatín) Hosted at Latin Wikisource.
↑ Ford, David Nash. [www.britannia.com/history/ebk/articles/nenniuscities.html The 28 Cities of Britain] at Britannia. 2000.

Enllaces esternos

Sitiu web oficial

[1] [1]

[2] [2]

[c4-3] «Canterbury Timeline». Channel 4. Consultáu'l 28 de mayu de 2008.

[nenny-4] Nennius (attrib.). Theodor Mommsen (ed.). Historia Brittonum, VI. Composed after Plantía:Sc 830. (en llatín) Hosted at Latin Wikisource.

[nashford-5] Ford, David Nash. [www.britannia.com/history/ebk/articles/nenniuscities.html The 28 Cities of Britain] at Britannia. 2000.

[1]

[2]

[3]

[4]

[5]