Charles Coles
Charles Coles (2 d'abril de 1911, Filadelfia – 12 de payares de 1992, Nueva York) foi un actor, baillarín, coreógrafu, actor de teatru y actor de cine d'Estaos Xuníos.
Charles Coles | |
|---|---|
| Vida | |
| Nacimientu | Filadelfia[1], 2 d'abril de 1911[2] |
| Nacionalidá |
 Estaos Xuníos |
| Llingua materna | inglés |
| Muerte | Nueva York[3], 12 de payares de 1992[4] (81 años) |
| Sepultura | Filadelfia |
| Causa de la muerte | cáncanu |
| Estudios | |
| Llingües falaes | inglés[5] |
| Oficiu | actor, baillarín, coreógrafu, actor de teatru, actor de cine |
| Emplegadores |
Universidá Cornell Yale Universidá Duke |
| Premios | |
| Nominaciones |
ver
|
| IMDb | nm0171286 |
 | |
Biografía
editarNacíu en Filadelfia, Pennsylvania, y fíu de George ya Isabel Coles, foi tamién conocíu pol nome de Honi Coles. Coles desenvolvió'l so rápidu ritmu como baillarín de claqué nes cais de la so ciudá natal. Más palantre trabayó na ciudá de Nueva York formando parte del grupu Three Millers, conocíos polos sos difíciles y ellaboraos pasos de baille, qu'interpretaben sobre pequeñes plataformes. Tres la so etapa en dichu grupu, aportó a cabeza de cartelu nel Teatru Apollo.
En 1940, mientres baillaba cola banda de Cab Calloway, conoció a Cholly Atkins, col que formó'l dúu artísticu Coles & Atkins. Dambos interpretaben un númberu con un cantar de música rápida y baille de claqué, al que siguía un baille swing y un soft shoe (zapatéu ensin calzáu ríxido). Dambos siguieron la so collaboración a lo llargo de diecinueve años.
Coles llevó'l claqué al mundu de los conciertos cuando actuó na producción que'l Joffrey Ballet fixo de la pieza d'Agnes De Mille Conversations about the Dance.
El so debú nel circuitu de Broadway tuvo llugar cola obra Gentlemen Prefer Blondes en 1949. Otres producciones pa les que trabayó fueron Bubbling Brown Sugar y My One and Only, por que la so actuación recibió un Premiu Tony y un Premiu Drama Desk.
Nos años 1980, Coles enseñó danza y hestoria de la mesma nes Universidaes de Yale, Cornell, Duke, y George Washington.
Coles foi un cercanu collaborador de Brenda Bufalino, artista de gran importancia p'ayudar a reconstruyir la so carrera nos entamos de la década de 1970. Nos sos últimos años foi de destacar la so actuación nel ésitu cinematográficu de 1987 Dirty Dancing.
Charles Coles finó en Nueva York, Estaos Xuníos, en 1992, por causa de un cáncer. En 1991 fuera compensáu cola Medaya Nacional de les Artes, y en 2003 foi almitíu, con calter póstumu, nel Salón de la Fama del Claqué.
Seleición de la so filmografía
editar- 1979 Rocky II
- 1984 Cotton Club
- 1987 Dirty Dancing
Premios
editar- 1983 Premiu pol so trabayu nuna obra musical
- 1983 Premiu Fred Astaire
- 1985 Premiu de Dance Magacín
- 1988 Premiu Capezio pola so trayeutoria
- 1991 Medaya Nacional de les Artes
Referencies
editarReferencies
editar- ↑ URL de la referencia: http://archives.nypl.org/scm/21884/pdf.
- ↑ Afirmao en: SNAC. Identificador SNAC Ark: w6kd21bw. Apaez como: Charles Coles. Data de consulta: 9 ochobre 2017. Llingua de la obra o nome: inglés.
- ↑ URL de la referencia: http://digitalcommons.wku.edu/cgi/viewcontent.cgi?article=1368&context=stu_hon_theses.
- ↑ URL de la referencia: http://www.aaregistry.org/historic_events/view/man-could-he-dance-charles-h-coles.
- ↑ Afirmao en: idRef. Identificador de referencia de idRef SUDOC: 172056594. Data de consulta: 5 marzu 2020. Editorial: Agencia Bibliográfica de Enseñanza Superior. Llingua de la obra o nome: francés.
- ↑ URL de la referencia: https://www.arts.gov/honors/medals/charles-honi-coles.
Enllaces esternos
editar- Charles Coles na Internet Broadway Database (n'inglés)
- Charles Coles na Internet Movie Database (n'inglés)
- Charles „Honi“ Coles Archiváu 2015-11-10 en Wayback Machine nel Tap Dance Hall of Fame de la American Tap Dance Foundation
Datos: Q1064863
