Charlotte Mary Brame
Charlotte Mary Brame (1 de payares de 1836, Hinckley – 25 de payares de 1884, Hinckley) foi una escritora inglesa. Más conocida como Charlotte M. Brame, presentóse baxu seudónimos n'América, tales como Bertha M. Clay,[3] y delles vegaes foi identificada col nome de la so novela romántica más famosa, Dora Thorne.[4]
Charlotte Mary Brame | |
|---|---|
 | |
| Vida | |
| Nacimientu | Hinckley, 1 de payares de 1836[1] |
| Muerte | Hinckley, 25 de payares de 1884[1] (48 años) |
| Estudios | |
| Llingües falaes | inglés[2] |
| Oficiu | novelista, escritora |
 | |
Biografía
editarFía mayor de Benjamin y Charlotte Agnes Law, devotos católicos, dempués de frecuentar la escuela d'un conventu en Bristol y Preston, y una escuela pa moces» en París, trabayó como educadora particular de neños.[5]
Charlotte tenía 17 años cuando publicó'l so primera cuentu.[6] El 7 de xineru de 1863, casóse con Phillip Edward Brame (1839–1886), un xoyeru de Londres,[5] la pareya tuvo nueve fíos, pero namái cuatro algamaron la edá adulta. Cuando Brame tuvo dificultaes económiques, Charlotte ayudó a sostener a la so familia colos sos escritos.
La familia vivió en Londres, Mánchester y Brighton y tornó a Hinckley, onde Charlotte morrió, en 1884, a los 48 años. La so familia tenía munches deldes cuando ella morrió, y los fíos fueron apurríos a tutores; el so home se suicidó en mayu de 1886.[5]
Carrera lliteraria
editarLos sos llibros tuvieron gran ésitu de públicu, pero tuvo incontables problemes cola piratería de les sos obres, cuantimás nos Estaos Xuníos.
Publicó sol so nome verdaderu hasta l'añu 1876, cuando Street & Smith publicaron Thrown on the World; y Discarded Wife sol seudónimu Bertha M. Clay. Les sos iniciales verdaderes, CMB, fueron intercambiaes por BMC, y asina, col nuevu nome de Bertha M. Clay empezó les sos publicaciones nos Estaos Xuníos. Dempués de la so muerte, en 1884, Street & Smith siguieron usando'l nome de Bertha M. Clay como una propiedá del so editorial. Dellos escritores, seique una docena d'ellos, como Frederick V. Dey y John R. Coryell publicaron sol so nome.<[6]
Los nomes polos cualos ta acreditada como escritora inclúin dende'l verdaderu Charlotte M. Brame (cola alternativa de la variación del nomatu pa Braeme), Bertha M. Clay, Dora Thorne, Florence Norton, CMB y Caroline M. Burton. Hubo centenares de títulos publicaos con esos nomes. Arlene Moore documentó una cantidá percima de 500 obres. Brame yera autora de cerca de 73 obres, incluyendo cuentos. Dempués de la muerte de Brame, otros escritores, incluyendo homes, escribieron sol so pseudônimo Bertha M. Clay.[3] Ente tales escritores tán William J. Benners, William Cook, John Coryell, Frederick Dacre, Frederick Dey, Charles Garvice, Thomas C. Harbaugh y Thomas W. Henshaw.[3]
Obres principales
editar- The Coquette's Victim
- Coralie
- Dora Thorne
- A Mad Love
- Marion Arleigh's Penance
- My Mother's Rival
- The Tragedy of the Chain Pier
- Wife in Name Only
- Her Martyrdom
- Marjorie Deane a novel
Referencies
editar- ↑ 1,0 1,1 Afirmao en: SNAC. Identificador SNAC Ark: w6f76bq3. Apaez como: Charlotte Mary Brame. Data de consulta: 9 ochobre 2017. Llingua de la obra o nome: inglés.
- ↑ Afirmao en: catálogu de la Biblioteca Nacional Checa. Identificador NKCR AUT: xx0079601. Data de consulta: 1r marzu 2022.
- ↑ 3,0 3,1 3,2 Moore, febreru de 1991, páxs. 10-15.
- ↑ Law, Drozdz y McNally, 2012, p. IV.
- ↑ 5,0 5,1 5,2 Law, Drozdz y McNally, 2012, p. 2.
- ↑ 6,0 6,1 dimenovels (ed.): «American Women’s Dime Novel Project» (inglés). Consultáu'l 3 d'abril de 2016.
Bibliografía
editar- Moore, Arlene (febreru de 1991). Searching for Bertha M. Clay. Dime Novel Roundup.
- Law, Graham. Victorian Fiction Research Guide 36 (Versión 1.1. (ed.): «Charlotte M. Brame (1836-1884)» (inglés). Archiváu dende l'orixinal, el 2018-07-13. Consultáu'l 3 d'abril de 2016.
Enllaces esternos
editar
Datos: Q5086063
Multimedia: Charlotte Mary Brame
Testos: Autor:Charlotte Mary Brame
