Ciudá de la Lliteratura
Ciudá de la Lliteratura ye la denominación dada por un programa de la UNESCO que forma parte de la so Rede de Ciudaes Creatives, que foi llanzáu en 2004.[1] La Rede ñació a partir de la iniciativa Alianza Global pa la Diversidá Cultural de la mesma UNESCO, creada nel 2002. El so oxetivu ye "promover el desenvolvimientu social, económicu y cultural de ciudaes tantu del mundu desarrolláu cómo del mundu en desenvolvimientu."[1] Les ciudaes de la rede promueven la so propia redolada creativa llocal y respuenden al oxetivu de la UNESCO de promover la diversidá cultural.[1]
Un aspeutu importante del conceutu de "Ciudá creativa" ye que les ciudaes fomenten aliances públicu-privaes, n'especial promoviendo'l potencial entamador y creativo d'empreses pequeñes. La lliteratura ye namái una de delles categoríes de Ciudaes Creatives. Otres categoríes incluyen la música, la cinematografía, les artes dixitales, la gastronomía, l'artesanía y les artes populares.[1]
La primer Ciudá de la Lliteratura foi Edimburgu, el mesmu añu 2004. Foi la mesma ciudá d'Edimburgu la que promovió la iniciativa de la creación de la Rede, incorporando, a propuesta del Reinu Xuníu, el puntu "Networks of Creative Cities within the Global Alliance for Cultural Diversity" na axenda del 170º Conseyu Executivu de la UNESCO n'ochobre d'aquel añu.[2][3]
Criterios pa ser Ciudá de la Lliteratura
editarPa ser aprobada como Ciudá de la Lliteratura, una ciudá tien que satisfaer una serie de criterios.[4] N'esencia, estos son:
- Calidá, cantidá y diversidá editorial na ciudá.
- Calidá y cantidá de los programes educativos que se concentren na lliteratura doméstica o forana nos distintos niveles educativos.
- Lliteratura, teatru y/o la poesía tienen que xugar un papel importante na ciudá.
- Tien que ser sedes de festivales y acontecimientos lliterarios que promueven lliteratura doméstica y forana.
- Esistencia de biblioteques, llibreríes y centros culturales, públicos o privaos, que caltengan, promueven y espardan lliteratura doméstica y forana.
- Implicación pol sector editorial na traducción d'obres lliteraries de llingües nacionales a delles estranxeres.
- Implicación activa de medios de comunicación, tradicionales y nuevos, na promoción de la lliteratura y el fortalecimientu del mercáu pa productos lliterarios.
Barcelona, Ciudá de la Lliteratura
editarEl 15 de xunetu de 2015 Barcelona oficializó ante la UNESCO la so candidatura presentando'l formulariu oficial.[5] La candidatura ponía en valor los antecedentes que demuestren que Barcelona ye una ciudá de lliteratura: l'Añu del Llibru y la Llectura del 2005; la presencia de la cultura catalana na Feria de Frankfurt del 2007 y la de Barcelona al Salón del Llibru de París del 2013. Tamién se citaba'l fechu que, dende'l 2007, Barcelona seya una ciudá abellugo d'escritores escorríos. Y como fechu más notable, la cita añal de la Fiesta de Sant Jordi.[6]
Pa la candidatura y el procesu que se sigue, el Conceyu de Barcelona creó un Conseyu Promotor qu'arreya a tol sector de la lliteratura de la ciudá. Amás del Institutu de Cultura de Barcelona, son socios collaboradores l'Institutu Ramon Llull, la Institución de les Lletres Catalanes y el Consorciu de Biblioteques de Barcelona, amás de cuntar con un ampliu abanicu d'organismos, instituciones y empreses del sector.[7]
El 11 d'avientu de 2015, la Direutora Xeneral de la UNESCO, Irina Bokova, anunció la designación de 47 ciudaes de 33 países como nueves integrantes de la Rede de ciudaes creatives de la UNESCO, de les cuales 9 incorporábanse a la categoría de Ciudaes de la Lliteratura, Barcelona ente elles.[8]
Ciudaes de la Lliteratura
editar- Edimburgu, Escocia (2004)
- Iowa City, Iowa, Estaos Xuníos (2008)
- Melbourne, Victoria, Australia (2008)
- Dublín, Irlanda (2010)
- Reikiavik, Islandia (2011)
- Norwich, Inglaterra (2012)
- Cracovia, Polonia (2013)
- Dunedin, Nueva Zelanda (2014)
- Granada, España (2014)
- Heidelberg, Alemaña (2014)
- Praga, República Checa (2014)
- Bagdag, Iraq (2015)
- Barcelona, España (2015)
- Liubliana, Eslovenia (2015)
- Lviv, Ucraína (2015)
- Montevidéu, Uruguái (2015)
- Nottingham, Reinu Xuníu (2015)
- Óbidos, Portugal (2015)
- Tartu, Estonia (2015)
- Ulyanovsk, Rusia (2015)
Referencies
editar- ↑ 1,0 1,1 1,2 1,3 UNESCO What is the Creative Cities Network?
- ↑ «UNESCO.
- ↑ «UNESCO.
- ↑ Do you have what it takes to be a City of Literature?
- ↑ «Barcelona Ciutat de la Literatura. Archiváu 2015-12-22 en Wayback Machine
- ↑ «Barcelona Ciutat de la Literatura. Archiváu 2015-12-22 en Wayback Machine
- ↑ «Barcelona Ciutat de la Literatura. Archiváu 2015-12-22 en Wayback Machine
- ↑ «47 ciudades se unen a la Red de Ciudades Creativas de la UNESCO»
Enllaces esternos
editar- Edimburgu UNESCO Ciudá de la LLiteratura web oficial
- Melbourne UNESCO Ciudá de la Lliteratura web oficial
- Ciudá d'Iowa UNESCO Ciudá de la Lliteratura web oficial
- Dublín UNESCO Ciudá de la Lliteratura web oficial
- Reikiavik UNESCO Ciudá de la Lliteratura web oficial Archiváu 2021-02-21 en Wayback Machine
- Norwich UNESCO Ciudá de la Lliteratura web oficial Archiváu 2015-09-20 en Wayback Machine
- Kraków UNESCO Ciudá de la Lliteratura web oficial Archiváu 2016-02-21 en Wayback Machine
- Dunedin UNESCO Ciudá de la Lliteratura web oficial
- Barcelona UNESCO Ciudá de la Lliteratura web oficial (enllaz rotu disponible n'Internet Archive; ver l'historial y la última versión).