Wikipedia

Conchita Supervía

Concepción Supervía Pascual (catalán: Concepció Supervia i Pascual)(9 d'avientu de 1895, Barcelona – 30 de marzu de 1936, Londres), conocida como Conchita Supervíacatalán: Conxita Supervia) foi una mezzosopranu llírica española de notables medios y trescendencia histórica magar la so tráxica desapaición temprana.

Conchita Supervía
Vida
Nacimientu Barcelona, 9 d'avientu de 1895[1]
Nacionalidá España
Muerte Londres, 30 de marzu de 1936[1] (40 años)
Causa de la muerte fiebres puerperales (es) Traducir
Estudios
Estudios Conservatorio Superior de Música del Liceo (es) Traducir
Llingües falaes catalán
castellanu[2]
Oficiu cantante d'ópera
Seudónimos Conchita Supervía
Mena de voz mezzosopranu
Instrumentu musical voz
Discográfica Fonotipia
IMDb nm0839476
Cambiar los datos en Wikidata

Trescendencia

editar

Arriendes de les sos escepcionales dotes vocales que-y dexaben gran velocidá na coloratura y un dominiu de los matices sonores y tímbricos, el valor históricu de la Supervia foi rescatar pa la cuerda de mezzosopranu de coloratura los trés máximes heroínes de Gioachino Rossini (Rosina d'El barberu de Sevilla, Angelina de La Cenerentola y Isabella de L'italiana in Algeri). Compuestes orixinalmente pa mezzosopranos, fuera adulteraes pola imposición d'otros modelos estilísticos posteriores siendo cantaes por sopranos llixeres o canarios ante la virtual estinción de la mezzo de coloratura. Exacta nel fraseo y l'intención, el so esaxeráu usu del vibrato valió-y crítiques adverses, sicasí ye la so restauración filolóxica del belcantismo rossiniano la so mayor contribución al mundu de la llírica.

Cantándoles nes claves orixinales, Supervía volvió a la tradición estilística siendo la pionera de figures como Teresa Berganza, Marilyn Horne, Frederica von Stade, Agnes Baltsa, Lucia Valentini Terrani, Cecilia Bartoli y Joyce DiDonato.

Trayeutoria

editar

De neña estudió cantar nel Conservatoriu Cimeru de Música del Llicéu. A los 15 años, el 1 d'ochobre de 1910, debuta nel Teatru Colón de Buenos Aires interpretando un papel secundariu nuna obra de Bianca de Beulieu del arxentín César Stiattesi. De magar, unu de los sos profesores de cantar, Goula, que tenía la so propia compañía, la contrata pa realizar pequeños papeles secundarios, ente ellos Zulima en Los amantes de Teruel y Lola de Cavalleria Rusticana.

En 1911 debuta nel Teatru Costanzi de Roma como Octavian nel estrenu italianu d'El caballeru de la rosa xunto a Hariclea Darclée.

Asocédense esitosos debúes en Bari, L'Habana cola compañía de María Barrientos y nel Llicéu de Barcelona como Carmen, Santuzza, Mignon, Orfeo y Eurídice, Dalila y La favorita de Donizetti. Amás, canta Cherubino de Les bodes de Fígaro, Hansel de Hansel y Gretel.

Va Estrenar y va crear el personaxe de Concepción en La Hora Española de Ravel, La vida curtia de Manuel de Falla y Fata Malerba de Vittorio Gui en Turín.

El 7 de febreru de 1925 debuta en La Scala como Hansel, siguíos por Cherubino y Octavian empobinada por el mesmu compositor, Richard Strauss, de Der Rosenkavalier.

 
Supervía escontra 1913

Ente 1916 y 1935, interpreta los papeles protagónicos de la triloxía de Rossini: La Cenerentola, El barberu de Sevilla y "La italiana n'Arxel" nos grandes teatros de tol mundu. Reina na Ópera Llírica de Chicago con aclamaes Carmen y Werther de Massenet el Teatru de Champs Elysées (París), La Gran Ópera de París, Covent Garden de Londres, Roma, Florencia, Bérgamo (La Damnation de Faust de Berlioz), Mónacu, Ferrara y Xénova.

En 1934 filmó el llargumetraxe Evensong (El cantar del tapecer) de Víctor Sabille onde como "Baba L'Etoile" apaez cantando'l valse de Musetta de La Boheme de Puccini.

Amás d'óperes, Supervia foi una notable intérprete de cantares de Bizet, Léo Delibes, Albéniz, Joaquín Turina, Tomás Bretón, Manuel de Falla y Enrique Granados y de zarzueles.

Vida privada

editar

En 1931 casóse col industrial británicu Benjamin Rubinstein estableciéndose en Londres. Tuvo De retirase per unos meses en 1935, por encamientu médicu al encarar un embaranzu con entueyos. Morrió de secute el 30 de marzu de 1936, como consecuencies d'una infeición xeneral que sobrevieno al partu de la so neña ensin vida (el so fíu Giorgio foi productu del so curtiu "matrimoniu" previu con Francesco Santamaria, ex-alcalde de Nápoles en 1918).

Discografía de referencia

editar
  • The Complete Conchita Supervia Vol 1 - Odeon 1927-28
  • The Complete Conchita Supervia Vol 2 - Fonotipia And Odeon 1929-1930
  • The Complete Conchita Supervia Vol 3 - Parlophone And Odeon 1930-1932
  • The Conchita Supervia Songbook / Supervia, Newton
  • The Emi Record Of Singing Vol 3 - 1926-1939
  • Rossini - The Supreme Operatic Recordings / Supervia
  • Operatic Arias (1930-1936) / Conchita Supervia
  • Art Of Singing - Golden Voices Of The Century

Supervía nun dexó grabaciones d'óperes completes, solamente aries y escenes, pero sí grabó zarzueles completes como La Lleenda del Besu y La Verbena del Palombu.[3]

Referencies

editar
  1. ↑ 1,0 1,1 Afirmao en: Internet Movie Database. Identificador IMDb: nm0839476. Data de consulta: 21 xunetu 2015. Llingua de la obra o nome: inglés.
  2. ↑ Identificador CONOR.SI: 45296739. Afirmao en: CONOR.SI.
  3. ↑ RTVE. La zarzuela. 05/03/2015
  • Badeles Maso, Gonzalo: Voces. 1987.
  • Valenti Ferro, Enzo: Les voces: Teatru Colón, 1908-1982. Caglianone, 1983.
  • Rasponi, Lanfranco: The Last Prima Donnas. Knopf, 1982.

Enllaces esternos

editar


Sacáu de «https://ast.wikipedia.org/w/index.php?title=Conchita_Supervía&oldid=4243609»