Himalaya
L'Himalaya ye un cordal asitiáu nel continente asiáticu y estiéndese pelos países de Bután, China, Nepal, Tíbet, India y Paquistán, formando un arcu d'oeste a este de 2600 quilómetros y de norte a sur de 350 quilómetros. El so nome procede del sánscritu y significa morada de ñeves Ye'l cordal más altu de la Tierra con 14 cimes de más de 8000 metros d'altor, siendo l'Everest colos sos 8848 metros, el monte más altu de la tierra, otros "ochomil" como'l K2 (8611 m) y Kanchenjunga (8598 m), tamién tán nel Himalaya.
| Himalaya | |
|---|---|
| cordal | |
 | |
| Situación | |
| Montes |
Cinturón alpino (es)  |
| Coordenaes | 29°N 84°E / 29°N 84°E |
  Himalaya Himalaya (Nepal) | |
| Datos | |
| Altitú | 8848,86 m |
| Arquiteutura | |
| Anchor | 250,000 m. |
| Llargor | 2,400,000 m. |
| Superficie | 600 000 km² |
 | |
Formación del Himalaya
editarL'Himalaya entamó a formase hai unos 5 millones d'años na era terciaria y según la teoría de la tectónica de plaques, produxose pol choque del antiguu continente de Gondwana, y la d'Eurasia, que resultó de la dixebra de l'antigua Laurasia.
Tradicionalmente tiende a incluyise dientru del conceutu d'Himalaya'l cordal del Karakorum, los montes del Treshimalaya nel Tíbet ya inclusive los montes prehimaláyiques (Siwaliks) que separten l'Himalaya de les llanures indies. Estriutamente, los xeógrafos d'anguaño separten el Karakorum del Himalaya propiamente dichu, yá qu'anque'l Karakorum s'alcuentra al noroeste del Himalaya ye un cordal con carauterístiques xeolóxiques propies.
De los catorce montes de más d'ocho mil metros qu'hai na Tierra, cuatro afayense nel Karakorum, y son:
- K2 nomáu tamién Ghogo Ri (Qogir n'ortografía pinyin) y Godwin Austen con 8.611 metros
- Broad Peak o Falchan Kangri con 8.047 metros
- Gasherbrum I o Hidden Peak con 8.068 metros
- Gasherbrum II con 8,035 metros
Xeografía política del Himalaya
editarNel Himalaya alcuentrense dellos países. Cubre una estensión d'unos 594.400 km² qu'inclúi partes de Paquistán, India, Nepal, Bután y Tíbet.
La vertiente septentrional del Karakorum pertenez a Sinkiang, tarritoriu chinu, demientres que la vertiente meridional pertenez a Paquistán. L'estremu oriental del Karakorum correspuende a Caxmir, tarritoriu n' engarradiella ente Paquistán y la India dende 1947.
La vertiente septentrional del Himalaya pertenez al Tíbet, país ocupáu por China, repartiéndose la vertiente meriodional ente Paquistán, la India, Nepal y Bután.
Les estremaes tribes de la vertiente norte del Himalaya son predominantemente de tipu asiáticu al este y de relixón budista, demientres que na vertiente sur esiste un mosaicu étnicu ya cultural (namái en Nepal desaméyense al menos 19 grupos étnicos principales) y de relixón fundamentalmente musulmana nel oeste, ya hinduista nel centru y este del cordal.
Referencies
editarEnllaces esternos
editar
Wikimedia Commons tien conteníu multimedia tocante a Himalaya.
