Curly Joe DeRita
Esti artículu necesita wikificase. |
Curly Joe DeRita (tamién escritu Curly-Joe DeRita), nacíu como Joseph Wardell (12 de xunetu de 1909, Filadelfia – 3 de xunetu de 1993, Woodland Hills) foi'l postreru integrante n'ocupar el llugar de tercer chiflado dientro del grupu Los Tres Chiflados.
Curly Joe DeRita | |
|---|---|
 | |
| Vida | |
| Nacimientu | Filadelfia, 12 de xunetu de 1909[1] |
| Nacionalidá |
 Estaos Xuníos |
| Muerte | Woodland Hills, 3 de xunetu de 1993[1] (83 años) |
| Sepultura |
Valhalla Memorial Park Cemetery (es)  |
| Causa de la muerte | neumonía |
| Oficiu | comediante, actor de televisión, actor de cine, actor de voz |
| Seudónimos | Joe DeRita |
| IMDb | nm0220388 |
| threestooges.net… | |
 | |
Biografía
editarD'ancestros francu-canadienses ya ingleses, ye l'únicu de los Chiflados en venir d'una familia del espectáculu. La so madre, Florenz DeRita, foi una baillarina y el so padre, Frank Wardell, foi un téunicu d'escenariu.
Dende los siete años, Joe acompañó a los sos padres nos viaxes, diendo con ellos de teatru en teatru per tol país. "Teníamos un actu pequeñu, nunca actuamos nos grandes circuitos."
Entós, mientres siete temporaes, Joe fixo un papel destacáu nuna obra teatral cola so madre y el so padre. Pa la edá de dieciocho, cola so madre retirada y la so hermana casada, Joe decidió faer un solu de comedia nel cual cantó y bailló. Como DeRita recuerda: "Orixinalmente empecé como baillarín porque la mio madre yera baillarina. Entós entré al burlesque en 1921 porque'l vodevil habíase alloriáu. A lo menos el mio tipu de vodevil habíase alloriáu. Nunca trabayé con material bien xubíu de tonu."
Joe siguió actuando nel burlesque hasta 1942, dempués del cual foise a California pa encabezar un show nel teatru Music Box de Hollywood. Les sos repercusiones fueron tan bones que MGM ufiertó-y contratu. El so verdaderu debú, sicasí, foi en The Doughgirls (1944) con Ann Sheridan para Warner Bros. Mientres esti periodu de la so carrera fixo otros dos películes, The Sailor Takes a Wife (MGM, 1945) y People Are Funny (Paramount, 1946). En 1946 protagonizó una serie de curtios para Columbia: fixo cuatro en total.
Mientres la Segunda Guerra Mundial, Joe empezó a actuar pa les tropes americanes, percorriendo'l Pacíficu Sur col so amigu Randolph Scott como'l so home seriu nel show. Fixo delles presentaciones, diendo al estranxeru con Bing Crosby pa entretener a los homes en serviciu n'Inglaterra y Francia, esta vegada con Crosby como'l so home seriu. Dempués de tornar a América, Joe actuó nel Hollywood Casino en Los Angeles y fixo apaiciones convidaes en dos shows de radiu con Crosby, Philco Hall of Fame y Cavalcade of America. Antes de xunise a los Chiflados en 1958, fixo un papel destacáu como'l verdugu falsu en The Bravados para 20th Century-Fox, que protagonizó Gregory Peck. DeRita tamién fixo apaiciones convidaes en shows de televisión como The Desilu Playhouse, This Is Alice, y Bachelor Father.
Hasta esti puntu, el nome de Joe DeRita taba lloñe de ser familiar. Foi la so asociación de 12 años con Los Tres Chiflados que lo catapultó al estrellalgu. Como'l direutor Norman Maurer esplica, "Foi'l meyor reemplazu de Curly que los Chiflados dalguna vegada tuvieron. Joe yera bonu n'improvisar. Yera como Curly en dellos aspeutos, cola so gracia de ballet a pesar del so pesu. Podía faer coses -non como Curly- pero cuasi tan gracioses, y foi malo de creer qu'un tipu tan grande podía faelo."
Nel set, sicasí, hubo vegaes que Curly-Joe tuvo malos díes. "De xemes en cuando Joe yera temperamental, pero foi una cosa pasaxera." Maurer recuerda. "Na mayoría de los casos, Joe foi un bon rapazu y tuvo el trabayu fechu."
Dempués de la so carrera como chiflado, Joe llevó una vida bastante sele. Entá mientres los sos años como chiflado, Joe recordaba que difícilmente se vio con Moe y Larry fuera del set. "Nunca socializamos demasiáu, nun siendo que fuera una promoción d'una película, una premiere o un alcuentru de negocios. Moe conocía xueces, médicos, xente rico: tenía'l so círculu d'amigos. Larry tenía los sos amigos tamién." Y DeRita recuerda: "Conocí daqué de xente fora de los mios amigos de Hollywood colos cualos taba cariciosu, y esfruté de la so compañía. Pero nun salí enforma de los carriles pa conocer xente."
Joe vivió en North Hollywood la última parte de la so vida con Jean Sullivan, con quien se casó'l 28 d'avientu de 1966. Pasó la mayoría del tiempu lleendo y mirando televisión, pero'l so pasatiempu favoritu yera escuchar música clásica. Tocantes a los gustos ya iñerizos de Joe: consideraba a George Raft, Buster Crabbe y Johnny Weissmüller como los trés peores actores de Hollywood. La so película favorita de los Chiflados yera The Three Stooges Go Around the World in a Daze (Columbia, 1963). Joe morrió'l 3 de xunetu de 1993, dempués d'una llarga batalla contra'l Alzheimer.
Filmografía
editarReferencies
editar- ↑ 1,0 1,1 Afirmao en: Find a Grave. Identificador Find a Grave: 1557. Apaez como: Joe DeRita. Data de consulta: 9 ochobre 2017. Llingua de la obra o nome: inglés.
- Inglés: The Three Stooges: an illustrated history : amalgamated morons to American icons por Michael Fleming
Enllaces
editar- Curly Joe DeRita na Internet Movie Database (n'inglés)
- Curly Joe DeRita n'AllMovie (n'inglés)
- «Curly Joe DeRita». en Find a Grave. (n'inglés)
- Curly Joe at Three Stooges online (n'inglés)
- [https://web.archive.org/web/20130121193127/http://www.stoogeworld.com/_Biographies/Curly-Joe.htm Archiváu 2013-01-21 en Wayback Machine Curly-Joe at Stooge World]] (n'inglés)
- Biography at the Ofiicial Website Archiváu 2012-11-30 en Wayback Machine (n'inglés)
- Ficah na NNDB (n'inglés)
Datos: Q705408
Multimedia: Joe DeRita
