Dean Riesner
Dean Riesner (3 de payares de 1918, Nueva York – 18 d'agostu de 2002, Encino) foi un guionista, actor, actor de cine, guionista de cine y realizador d'Estaos Xuníos.
Dean Riesner | |
|---|---|
.jpg) | |
| Vida | |
| Nacimientu | Nueva York, 3 de payares de 1918[1] |
| Nacionalidá |
 Estaos Xuníos |
| Llingua materna | inglés |
| Muerte | Encino, 18 d'agostu de 2002[1] (83 años) |
| Sepultura | Forest Lawn Memorial Park |
| Familia | |
| Casáu con | Maila Nurmi (1949 – ) |
| Estudios | |
| Llingües falaes | inglés[2] |
| Oficiu | guionista, actor, actor de cine, guionista de cine, realizador |
| Llugares de trabayu | Estaos Xuníos |
| Miembru de |
Writers Guild of America West (es)  |
| IMDb | nm0718466 |
 | |
Biografía
editarEl so nome completu yera Dean Franklin Riesner, y nació en Nueva Rochelle, Nueva York. El padre de Riesner, Charles Reisner, foi direutor cinematográficu, y Dean empezó a actuar nel cine a los cinco años d'edá. La so carrera como actor infantil acabó pos la so madre quería qu'él tuviera una infancia normal. Yá adultu, el so primer trabayu nel cine foi como coguionista del filme de 1939 protagonizáu por Ronald Reagan Code of the Secret Service.
Riesner ganó un Premiu Óscar honorariu por dirixir Bill and Coo (1948), un llargumetraxe protagonizáu por páxaros reales, qu'apaecíen vistíu como humanos, actuando nel decoráu más pequeñu posible, un pueblu en miniatura construyíu enriba d'una mesa.
A lo llargo de los años 1950 y 1960, Riesner trabayó principalmente na televisión, escribiendo guiones pa series como Rawhide o The Outer Limits (episodiu "Tourist Attraction"), anque dacuando contribuyó a llargumetraxes como The Helen Morgan Story. En 1968 collaboró nel filme d'aición de Clint Eastwood La xungla humana, empecipiando asina una serie de trabayos en producciones de Eastwood a lo llargo de los años 1970. Asina, Riesner participó nel guión de dos filmes de Eastwood en 1971, Play Misty for Me y Dirty Harry. En 1973, ensin creitos, intervieno nel guión de High Plains Drifter, y en 1976 foi unu de los guionistes de The Enforcer, la tercer película de Dirty Harry. Esi mesmu añu intervieno na miniserie de la NBC Rich Man, Poor Man, protagonizada por Nick Nolte. En 1979 escribió un borrador pa The Godfather Part III, pero'l so guión foi refugáu cuando Francis Ford Coppola y Mario Puzo finalmente alcordaron collaborar na tercer entrega de la serie.
Riesner siguió escribiendo nos años 1980, anque gran parte del so trabayu nesos años nun apaeció nos títulos de creitu. Ente los sos filmes figuren Das Boot, The Sting II, y Starman.
Dean Riesner finó n'Encino, California, en 2002 por causes naturales. Había estáu casáu cola actriz Maila Nurmi, más conocida col nome artísticu de Vampira.
Filmografía
editarGuionista
editar
|
|
Actor
editarReferencies
editar- ↑ 1,0 1,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ Afirmao en: catálogu de la Biblioteca Nacional Checa. Identificador NKCR AUT: hka2013750271. Data de consulta: 1r marzu 2022.
Enllaces esternos
editar- Dean Riesner na Internet Movie Database (n'inglés)
- Elizabeth Walters fala sobre Bill and Coo (enllaz rotu disponible n'Internet Archive; ver l'historial y la última versión).
Datos: Q3020660
Multimedia: Dean Riesner
