Wikipedia

Mario Puzo

Mario Gianluigi Puzo (15 d'ochobre de 1920, Nueva York – 2 de xunetu de 1999, Long Island) foi un escritor d'Estaos Xuníos descendiente d'italianos, conocíu como'l lliteratu de la mafia, especialmente pola so obra maestra The Godfather (1969).

Mario Puzo
Vida
Nacimientu Nueva York, 15 d'ochobre de 1920[1]
Nacionalidá Bandera de Estaos Xuníos d'América Estaos Xuníos
Muerte Long Island, 2 de xunetu de 1999[1] (78 años)
Sepultura North Babylon Cemetery (en) Traducir[2]
Causa de la muerte paru cardiorrespiratoriu[3]
Familia
Casáu con Erika Puzo (en) Traducir (1946 – 1978)
Fíos/es Dorothy Ann Puzo
Estudios
Estudios City College of New York (es) Traducir
Universidá de Nueva York
Llingües falaes inglés[4]
Oficiu novelista, guionista, escritor, escritor de ciencia ficción, diplomáticu
Trabayos destacaos El padrino (es) Traducir
Premios
Nominaciones
Influyencies Honoré de Balzac
Miembru de Writers Guild of America West (es) Traducir
Seudónimos Mario Cleri
Xéneru artísticu ficción de detectives
Serviciu militar
Lluchó en Segunda Guerra Mundial
IMDb nm0701374
mariopuzo.com
Cambiar los datos en Wikidata

Biografía

editar

Mario Puzo nació en 1920 en Nueva York, nel senu d'una familia d'inmigrantes italianos. Estudió Ciencies Sociales na Universidá de Columbia. Les sos dos primeres obres, The Dark Arena y The Fortunate Pilgrim, tuvieron una gran acoyida. La so consagración definitiva llegó cola publicación de The Godfather, cola qu'amás consiguió dos premios Óscar pol so trabayu de co-guionista de les partes primer y segunda de la película (pol so trabayu nel guión de la tercera foi nuevamente nomáu, pero nun llogró'l gallardón). De la mesma, les partes primer y segunda de la película, dirixíes por Francis Ford Coppola, fueron gallardoniaes col premiu a la meyor película nos sos respeutivos años. A esta novela siguiola Fools Die, The Sicilian, The Fourth K, The Last Don y Omertà. Puzo morrió na so casa de Long Island en xunetu de 1999 por causa de un paru cardiaco pocu tiempu dempués de rematar la escritura de Omertà.

Datos

editar

Adoraba xugar al tenis (de xuru estrayxo d'ellí la presencia de la engañadora tenista na so novela Omertà). Gustába-y tamién apostar dacuando en Las Vegas (recuerden l'episodiu de Moe Green en The Godfather y la so novela The Last Don).

A pesar de la enorme presencia del catolicismu na obra de Puzo, l'escritor, según dicía, nun creía en Dios nin nos dogmes de la Ilesia, namái na bondá humana. Puzo dixo en dalguna ocasión que la so felicidá moraba nuna bona comida, prauticar tenis, apostar xugando, mirar el techu de la so casa mientres hores y escribir.[ensin referencies]

Puzo nunca tuvo contautu col mediu del crime. Ello ye que según les sos propies pallabres Don Corleone yera un personaxe que lu axorizaba. Amás dicía que la so mafia yera una versión romántica del mundu criminal real. "Si tuviera na mafia enxamás tendría qu'escribir"

Magar entender perfectamente la naturaleza del mal, Puzo dicía que la xusticia tenía de ser una constante na sociedá, sicasí taba decepcionáu de cómo s'alministraba n'EE.XX., onde según él, la llei protexe más a los criminales con dineru qu'a la xente común.

Llibros

editar

Los sos llibros son los siguientes:

Como guionista, destaquen:

Referencies

editar
  1. ↑ 1,0 1,1 Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
  2. ↑ Afirmao en: Find a Grave. Identificador Find a Grave: 23456. Data de consulta: 17 abril 2023. Llingua de la obra o nome: inglés.
  3. ↑ Afirmao en: Internet Movie Database. Identificador IMDb: nm0701374/bio?ref_=nm_ov_bio_sm. Llingua de la obra o nome: inglés.
  4. ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.

Enllaces esternos

editar
Sacáu de «https://ast.wikipedia.org/w/index.php?title=Mario_Puzo&oldid=4136060»