Deborah Ann Woll

Deborah Ann Woll
Vida
Nacimientu	Brooklyn, 7 de febreru de 1985 (39 años)
Nacionalidá	Estaos Xuníos
Residencia	Los Angeles
Familia
Casada con	EJ Scott (en)
Estudios
Estudios	Universidá del Sur de California ; Escuela de Artes Dramáticas de la USC (es) ; Packer Collegiate Institute (en)
Llingües falaes	inglés d'Estaos Xuníos; inglés
Oficiu	actriz de cine, actriz de televisión, actriz de teatru, guionista, actriz
Trabayos destacaos	True Blood; Daredevil; Relics and Rarities (en)
IMDb	nm2832695

Deborah Ann Woll (7 de febreru de 1985, Brooklyn) ye una actriz d'Estaos Xuníos conocida poles series True Blood (2008) y Marvel's Daredevil (2015).

Woll, apaeció en delles series como The Mentalist, Life, My Name Is Earl y "CSI: Crime Scene Investigation", pero la so oportunidá llegó cuando se presentó al casting de la serie True Blood pa facer el papel de Jessica Hamby. Pa afaese más al personaxe, tiñóse'l pelo de collorao.

Gracies a la so participación en True Blood, empezó a llograr una mayor fama y llegó a ganar un Satellite Awards. Apaeció en películes como Mother's Day, interpretando a Lidia Koffin; en Catch .44, Highland Park y Ruby Sparks.

En 2014, confirmóse que Deborah interpretaría a Karen Page na serie orixinal de Netflix: Marvel's Daredevil; dempués del so estrenu y por cuenta del so gran ésitu, Netflix consiguió más de 62 millones de veceros.

Dempués de True Blood, Deborah apaeció en dellos programes como Good Day L.A., Hell's Kitchen y Big Morning Buzz Live. Tamién llogró popularidá n'internet pol so pequeñu blogue True Blood: Jessica's Blogue, onde interpreta a Jessica Hamby siguiendo la historia de la pequeña vampiresa. Apaeció en revistes como Bello y Nylon Magazine.

Biografía

Deborah Ann Woll, d'ascendencia irlandesa y alemana, nació y creció en Brooklyn, Nueva York, au tamién estudió secundaria nel institutu Packer Collegiate. Empezó a tocar el pianu y foi a clases de baille dende bien moza, anque cuando se treslladó al institutu, los sos intereses centráronse namái na interpretación. Participó mientres 10 años en producciones teatrales y hasta nuna compañía de teatru de Nueva York, pero treslladóse col fin de llograr una mayor llibertá nel mundu del cine y la televisión.

Deborah Ann Woll na Comic-Con de 2014.

Más tarde, matriculóse na facultá de teatru de la Universidá del Sur de California en Los Angeles, onde vive anguaño.^[¿cuándo?] La so madre ye profesora d'inglés na escuela Carroll en Brooklyn.

Caltién una rellación con Edward Scott dende 2007, col que se casó en 2018.^{[ensin referencies]}

Deborah Ann Woll ye conocida por ser una gran aficionada al xuegu de rol Dungeons and Dragons, nel que fai de Dungeon Master (direutora de xuegu).^[2]

Promoción

El noviu de Deborah, Edward 'EJ' Scott y la so familia, comparten una enfermedá llamada coroideremia, que fai que l'enfermu vaya perdiendo adulces tola visión completa del güeyu.

Woll usa la so fama p'abogar por ellos y por otres persones cola mesma enfermedá, diciendo en delles entrevistes que la valentía del so noviu, dio-y fuerces para lluchar contra la so otra enfermedá, la celiaquía.

Carrera

Deborah Ann Woll na Comic-Con en 2017.

Empezó la so carrera na pequeña pantalla con pequeños papeles en series como: ER, CSI (episodiu 17 de la temporada 8), My Name Is Earl, The Mentalist y Law & Order: Special Victims Unit. Más tarde recibió'l so papel estelar como la vampiresa Jessica Hamby, na serie de televisión True Blood, orixinal de HBO. P'ayudar a preparase'l papel, vio mientres dellos díes numberoses imáxenes d'animales atacaos.^[3]

Deborah Ann Woll na Comic-Con de True Blood.

De magar l'ésitu de True Blood, a Deborah ufiertáron-y dellos papeles en películes, como'l remake de la película de terror de 1980 Mother's Day, Little Murder y Highland Park.

Pel branu de 2010, mientres los descansos de True Blood, empezó'l rodaxe de Catch .44, una película d'aición na que comparte protagonismu con Bruce Willis, Malin Akerman, Nikki Reed y Forest Whitaker.^[4] Una vegada termináu esi rodaxe, incorporóse al de los drames Seven Days in Utopia y Someday This Pain Will Be Useful to You.^[5]Anque Deborah tuvo a piques d'interpretar a la fía de Philip Seymour Hoffman na nueva película de Paul Thomas Anderson titulada The Master, terminó participando na película The Carrier.^[6] Tamién interpretó a Karen Page en Daredevil, una serie orixinal de Netflix que s'estrenó en 2015.

Filmografía

Películes

Añu	Títulu	Personaxe
2008	Aces 'N' Eights	Muyer alteriada
2008	La Cachette	Sarah
2010	Mother's Day	Lydia Koffin
2010	Little Murder	Molly
2011	Seven Days in Utopia	Sarah
	Catch .44	Dawn
	Someday This Pain Will Be Useful to You	Gillian Sveck
2012	Ruby Sparks	Layla
2012	The Carrier	Debra (voz)
2013	Highland Park	Lilly
2013	Running Blind	Deborah Ann Woll
2014	Meet Me in Montenegro	Wendy
2015	Forever	Alice
2015	The Automatic Hate	Cassie
2019	Escape Room	Amanda Harper

Series

Añu	Títulu	Personaxe	Notes
2007	Life	Nancy Wiscinski	1 episodiu
2008	Aces 'N' Eights	Muyer alteriada
	ER	Aurora Quill	Temporada 14 episodiu 14
	My Name Is Earl	Greta	Temporada 3 episodiu 21
	CSI: Crime Scene Investigation	Stephane	1 episodiu
	The Mentalist	Kerry Sheehan	10 episodiu
2008 - 2014	True Blood	Jessica Hamby	Protagonista - temporaes de la 1 a la 7 (60 episodios)
2009	Law & Order: Special Victims Unit	Lily Milton	1 episodiu
2010	A Drop of True Blood	Jessica Hamby	Especial de True Blood
2013	Axe Cop	Fada (voz)	1 episodiu
2015 - 2018	Marvel's Daredevil	Karen Page	Protagonista, (36 episodios) - Serie orixinal de Netflix
2017	The Defenders	Karen Page	Secundariu, (4 episodios) - Serie orixinal de Netflix
2017 - 2019	The Punisher	Karen Page	Secundariu, (4 episodios) - Serie orixinal de Netflix

Teatru

Añu	Títulu	Personaxe	Notes
2013	Parfumerie	Amalia Balash	Wallis Annenberg Center pa les Artes Escéniques

Premios y nominaciones

Premios del Sindicatu d'Actores

Añu	Categoría	Trabayu	Resultáu
2010	Meyor Repartu de Televisión - Drama	True Blood	Nomada

Otros premios

Añu	Premiu	Categoría	Trabayu	Resultancia
2009	Satellite Awards	Meyor Repartu - Televisión	True Blood	Ganadora
2010	Scream Awards	Interpretación Revelación - Muyer		Nomada
2015	Fangoria Chainsaw Awards	Meyor Actriz de Repartu - Televisión		Nomada
2019	Saturn Award	Meyor Actriz de Repartu - Presentación en streaming	Daredevil	Nomada

Referencies

↑ Afirmao en: catálogu de la Biblioteca Nacional Checa. Identificador NKCR AUT: xx0250495. Data de consulta: 1r marzu 2022.
↑ «Behind Hollywood's Closed Doors, A-List Stars Are Playing Dungeons & Dragons - Hollywood Reporter». Consultáu'l 21 de xunetu de 2016.
↑ TODAY Online (5 de xunetu de 2010). «Interview With a Vamire» (inglés). Archiváu dende l'orixinal, el 6 de xunetu de 2010. Consultáu'l 6 de xunetu de 2010.
↑ The Press Association. «Deborah Ann Woll set for Catch 44» (inglés). Consultáu'l 6 de xunetu de 2010.
↑ THR (18 d'agostu de 2010). «'True Blood' actress gets 'Someday This Pain'» (inglés). Archiváu dende l'orixinal, el 26 de setiembre de 2010. Consultáu'l 18 de setiembre de 2010.
↑ Collider (1 de xunetu de 2010). «Amanda Seyfried, Emma Stone, and Deborah Ann Woll in Talks to Join Paul Thomas Anderson’s Untitled Religion Film» (inglés). Archiváu dende l'orixinal, el 2010-12-06. Consultáu'l 18 de setiembre de 2010.

Enllaces esternos

Deborah Ann Woll na Internet Movie Database (n'inglés)

[1106e5413a1289fec8eecd17b5b69e56d4a6467e-1] Afirmao en: catálogu de la Biblioteca Nacional Checa. Identificador NKCR AUT: xx0250495. Data de consulta: 1r marzu 2022.

[2] «Behind Hollywood's Closed Doors, A-List Stars Are Playing Dungeons & Dragons - Hollywood Reporter». Consultáu'l 21 de xunetu de 2016.

[3] TODAY Online (5 de xunetu de 2010). «Interview With a Vamire» (inglés). Archiváu dende l'orixinal, el 6 de xunetu de 2010. Consultáu'l 6 de xunetu de 2010.

[4] The Press Association. «Deborah Ann Woll set for Catch 44» (inglés). Consultáu'l 6 de xunetu de 2010.

[5] THR (18 d'agostu de 2010). «'True Blood' actress gets 'Someday This Pain'» (inglés). Archiváu dende l'orixinal, el 26 de setiembre de 2010. Consultáu'l 18 de setiembre de 2010.

[6] Collider (1 de xunetu de 2010). «Amanda Seyfried, Emma Stone, and Deborah Ann Woll in Talks to Join Paul Thomas Anderson’s Untitled Religion Film» (inglés). Archiváu dende l'orixinal, el 2010-12-06. Consultáu'l 18 de setiembre de 2010.

[1]

[2]

[3]

[4]

[5]

[6]