Euskal Telebista

Euskal Telebista
	organización
Direición	España
Historia
Fundación	31 avientu 1982
Organigrama
Dueñu	EITB
	Web oficial

Euskal Telebista (ETB), n'asturianu Televisión Vasca, ye l'ente públicu de televisión perteneciente al grupu Euskal Irrati Telebista (Radio Televisión Vasca), consorciu dependiente del Parllamentu Vascu. La primer emisión foi'l 31 d'avientu de 1982 al traviés de la primer canal ETB 1. D'esta manera conviertiose na primer canal de televisión n'emitir n'eusquera, dedicando la totalidá de les sos emisiones a esta llingua. Más tarde, en 1986, xurde la segunda canal de l'ente baxo'l nome d'ETB 2, con una programación dirixía al públicu castellanofalante. Nun será hasta llegáu 2001 cuando lleguen dos nueves canales: l'internacional ETB Sat, n'emisión pa toa Europa al traviés del satélite Astra; y la Canal Vascu, dirixíu al público del continente americanu. Estes dos señales internacionales emiten una programación billingüe n'eusquera y castellanu.

La señal analóxica d'ETB 1 y ETB 2 cubre tol territoriu del País Vascu, amás del País Vascu francés y les zones limítrofes de La Rioxa, Aragón, Castiella y Lleón y Cantabria.

Dende 2005, Euskal Telebista emite la señal de les sos cadenes al traviés de la TDT. A estes emisiones sumaríase nel añu 2008 ETB 3, dirixía al públicu mozu. Tamién ta previsto qu'entame les sos emisiones la canal ETB 4, que completará la oferta televisiva del grupu y que previsiblemente será una canal deportiva^[1].

Referencies

↑ «El Gobiernu Vascu aportará a EiTB 589 millones d'euros y creará les canales ETB3 y ETB4». EFE y Europa Press (27-12-2007). Archiváu dende l'orixinal, el 2010-05-16.

Enllaces esternos

Páxina de la Radio Televisión Vasca Archiváu 2008-01-11 en Wayback Machine (en castellanu, eusquera, inglés y francés)

[1] «El Gobiernu Vascu aportará a EiTB 589 millones d'euros y creará les canales ETB3 y ETB4». EFE y Europa Press (27-12-2007). Archiváu dende l'orixinal, el 2010-05-16.

[1]